កញ្ញា

ការ Print Pattern Star Triangle តាមរយៈ​ភាសា Java

ភាសា Programming កាន់តែរីក​ចម្រើន​ខ្លាំងឡើងៗ ដែល Programmer គ្រប់រូបអាច​ប្រើ​ប្រាស់​ភាសា Programming ​ណាមួយ ដើម្បី​បង្កើត​ជា​កម្មវិធី ឬ​អ្វីផ្សេងៗ​ជា​ច្រើន​ទៀត ។ យើងបានដឹងហើយថាភាសា C និង C++ ជាភាសា​មូលដ្ឋាន​មួយ​ដែល​យើងអាច​ប្រើ​ប្រាស់​វា​ក្នុង​ការច្នៃប្រឌិតចេញជា​កម្មវិធី ឬ​ក៏​បង្កើត​ជា Patterns បាន​ផងដែរ ។ អ្នកប្រហែលជាបានយល់ និងចេះ​បង្កើត Star Triangle ​តាមរយៈ​ភាសា​ទាំងពីរ​ខាងលើ​នេះបាន​ផងដែរ ជាមួយនឹង​អត្ថបទ​ដែល ទស្សនាវដ្ដី​អាន-ANT បានលើកយកមកបកស្រាយ​រួចមកហើយ ។ ប៉ុន្តែ​ថ្ងៃ​នេះ ទស្សនាវដ្ដី​អាន-ANT សូមលើកយកអត្ថបទមួយ​ដែល​ទាក់ទងនឹង​ភាសា Java វិញ​ដែល​មាន​ចំណងជើង​ថា ការ Print Pattern Star Triangle ​តាមរយៈ​ភាសា Java មកបកស្រាយពន្យល់​ឲ្យ​បងប្អូន​ដែល​ចូលចិត្តរៀនភាសា Programming ​ទាំងអស់​បានយល់ដឹងមួយ​កម្រិត​ទៀត ។ អត្ថបទនេះ​ផងដែរ​មានគោល​បំណង​ចង់​បង្ហាញ​ពីការ​ប្រើ​ប្រាស់​ភាសា Java ​ជាមួយនឹង​ការ​ប្រើ​ប្រាស់ loop ​ក្នុង​ការ​បង្កើត​ជា Pattern បានដូច​គ្នា​នឹងការ​ប្រើ​ភាសា C និង C++ ​ដែល​គ្រាន់តែ​ខុស​គ្នា​ជាមួយការ​ប្រើ Input និង Output ​ទៅតាម​ភាសា​នីមួយៗ​តែប៉ុណ្ណោះ ។ ដើម្បី​ឲ្យ​កាន់ដឹងច្បាស់ពីខ្លឹមសារអត្ថបទ​ទាំងមូល​សូម​ធ្វើការ​ស្វែងយល់ពីវិធីសាស្រ្តដូច​ខាងក្រោម​៖

កូដ Java Programming Language

ពន្យល់កូដ Java Programming Language

 ជាក់ស្តែងនៅ​ក្នុង ភាសា Java គ្រប់​ទម្រង់​នៃការ​បង្កើត​ឡើង​ទាំងអស់​គឺផ្តោត​ទៅលើ Class និង object ។ ដើម្បី​បង្កើត​ជា Source Code នៅ​ក្នុង Java បានគឺត្រូវតែចងវានៅ​ក្នុង Class ជានិច្ច ។

public static void main (String [ ] args) ជា function main មួយ​សម្រាប់​ធ្វើការ​ដំណើរ​ការ​កូដបាន​ស្រដៀងនឹង C++ ​ប្រើ int main () ដែរ

√   System.out.print () ជា Output មួយ​ដែល​យើងអាច​ប្រើ​បង្ហាញ​ទិន្នន័យ​ដោយមិនចុះបន្ទាត់

√  System.out.println () ជា Output មួយ​ដែល​យើងអាច​ប្រើ​បង្ហាញ​ទិន្នន័យ​ដោយចុះបន្ទាត់

√  System.console () .readLine () ជា input មួយ​ដែល​យើងអាច​ប្រើ​បញ្ចូល​ទិន្នន័យ​ជា String

√   if (! strN.matches (“ [0-9] +”) ជាលក្ខខណ្ខមួយ​ដែល​អនុញ្ញាត​ឲ្យ​យើងត្រូវតែ​បញ្ចូល character ចន្លោះពី 0 ដល់ ៩ តែប៉ុណ្ណោះ ។ បើ​បញ្ចូល​ខុសពី​លក្ខខណ្ឌ​ដែល​កំណត់​នេះ វានឹង​បង្ហាញ message Invalid integer value… រួចចាកចេញពី​កម្មវិធី​

√   return ​ប្រើ​សម្រាប់​បញ្ចប់​លក្ខខណ្ខរួចមិន​ឲ្យ​ទៅអនុវត្ត statements ផ្សេងៗ​ទៀត

√  n = Integer.parseInt (strN) ​ប្រើ​សម្រាប់ convert string strN ទៅកាន់ integer រួចបោះ​តម្លៃ​ឲ្យ variable n

√  for នៃ i ជា loop ទីមួយ​ដែល​ដំណើរ​ការ​ចំនួន n ជុំ ករណី  លក្ខខណ្ឌពិត រួច​វានឹង​ចូលទៅធ្វើ statements តាមជុំ​នីមួយៗ ប៉ុន្តែ​បើលក្ខខណ្ឌមិនពិត​វានឹង​ចាកចេញពី loop នេះ ទៅធ្វើ statements ក្រៅ loop ​ផ្សេងទៀត​

√  for នៃ j ជា loop ទីពីរ​ដែល​ដំណើរ​ការ​ចំនួន n ជុំ ករណី  ​លុះត្រាតែ​លក្ខខណ្ឌ loop ទីមួយពិត និង លក្ខខណ្ឌខ្លួនឯងពិតដែរ ទើបវាចូលទៅធ្វើ statements តាមជុំ​នីមួយៗ ដែល​៖

 •  ​ប្រសិនបើ លក្ខខណ្ឌ j > i ពិត នោះវា print * និង ដកឃ្លាមួយ space

 • ​ប្រសិនបើ លក្ខខណ្ឌ j > i មិនពិតវិញ នោះវា print ដកឃ្លាមួយ space

√  ប៉ុន្តែ​បើលក្ខខណ្ឌនៃ loop ទីពីរនេះ មិនពិតវិញ​វានឹង​ចាកចេញពី loop ទៅធ្វើ statements ក្រៅ loop ​ផ្សេងទៀត​គឺ ចុះមួយបន្ទាត់ រួចទៅអនុវត្ត loop ទីមួយវិញ ។

ការ​ដំណើរ​ការ Java Source Code ជាមួយ Command Prompt របស់ Windows OS

​ជាដំបូង ចូល​ទៅកាន់​ប្រអប់ Search របស់ Windows OS ឬ​ប្រើ sort cut key (Windows + R) រួចវាយពាក្យ cmd រួចចុច OpenOK នោះនឹង​បង្ហាញ​ផ្ទាំង​មួយដូច​ខាងក្រោម​៖

ប៉ុន្តែ​អ្នកត្រូវប្រកដថាបាន​បង្កើត Environment Variables រួចរាល់ ឬ​ចុចទីនេះ ដើម្បី​មើលពីរបៀប​បង្កើត​វា ។ បន្ទាប់មក​ទៀតចូល​ទៅកាន់ folder នៃ source code java ​ដែល​យើងបាន​បង្កើត ដើម្បី​ធ្វើការ compile និង run តាមរបៀប​ខាងក្រោម​៖

•  ពន្យល់ពីការ​ប្រើ CMD ​ខាងលើ​

ចង់ផ្លាស់ប្តូរ Drive ​គ្រាន់តែ​វាយ D: ឬ​ក៏ C:

ចង់ចូល​ទៅកាន់ Folder ​ណាមួយ​គ្រាន់តែ​វាយ cd (CD = Change Directory) ជាមួយ​ឈ្មោះ folder ​ណាមួយ​ដែល​ចង់បាន (Ex. cd ANT Training) ។ ប្រសិនបើ​ចង់ចាកចេញពី folder នោះវិញ​គ្រាន់តែ វាយ cd + .. ( ឬ​ក៏ cd\) ​ជាការស្រេច ។

ចង់មើលនៅ​ក្នុង folder មាន file folder អ្វី​ខ្លះ​គ្រាន់តែ​វាយពាក្យ dir

​សម្រាប់​ធ្វើការ compile java code យើង​ប្រើ keyword javac ​ជាមួយនឹង​ឈ្មោះ file java code ​ដែល​យើងបាន​បង្កើត (Ex. javac PrintStarTriangle.java)

√  ​សម្រាប់​ធ្វើការ run java code គឺត្រូវតែ​ធ្វើការ compile ជាមុនតាមរបៀប​ខាងលើ ប្រសិនបើ​គ្មាន Error កើតឡើង​វានឹង​បង្កើត File ​ដែល​មាន extension (.class) ​ដែល​មាន​ឈ្មោះ​ដូចទៅនឹង java code ដើមរបស់យើង ។ ដូច្នេះយើងអាច​ធ្វើការ run វាបានដោយ​គ្រាន់តែ​ប្រើ keyword java ​ជាមួយនឹង ឈ្មោះ file ដែល​មាន extension (.class) ។ ឧទាហរណ៍ java PrintStarTriangle នោះ​វានឹង​បង្ហាញ​លទ្ធផល​ទៅ code ​ដែល​យើងបាន​សរសេរ​ដូចរូបនៃឧទាហរណ៍​ខាងលើ​ជាដើម ។

♦ រៀបរៀងអត្ថបទដោយ៖ លោក អូន ហ៊ិនស៊ី

♦ សូម​ចូលរួម​ជាសមាជិក ANT Training Group ដើម្បី​តាមដានសម្មភាពប្រចាំ​ថ្ងៃ​ជាមួយអាន-ANT
♦ ចុច Like គេហទំព័រ www.antkh.com ដើម្បី​ទទួលបានអត្ថបទថ្មីៗ​ដែល​ទាក់ទងនឹង​បច្ចេកវិទ្យា​រៀងរាល់​ថ្ងៃ​

♦ សម្រាប់​ស្នាដៃសិស្ស​ដែល​បាន​បញ្ចប់​វគ្គ​សិក្សា​នៅអាន-ANT កន្លងមក http://training.antkh.com/achievements/

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា