យើងទាំងអស់គ្នាប្រហែលជា ធ្លាប់បានសិក្សារួចមកហើយតាមរយៈលំហាត់ នូវការចាក់ Background Color នៅក្នុងប្រអប់តាមរយៈ C++ ( → http://antkh.com/tech/2494) ។ ដូច្នេះពេលនេះ ខ្ញុំនឹងលើកយកអត្ថបទថ្មីមួយទៀតនិយាយពី ការប្រើ Function និង Ascii Code ក្នុងការគ្រប់គ្រងលើការផ្លាស់ប្តូរ Menu តាមរយៈ C++ ដោយការប្រើប្រាស់ Function ដែលយើងបង្កើតឡើងដោយខ្លួនឯងផ្ទាល់ ដើម្បីមកចែករំលែកជូនដល់បងប្អូនដែលចូលចិត្តសិក្សាទាក់ទងនឹង Programming Language ឲ្យបានយល់ដឹងបន្ថែមមួយកម្រិតទៀត ។ លំហាត់នេះមានគោលបំណងផ្តោតទៅលើការប្រើប្រាស់នូវការគូសប្រអប់ជាមួយនឹង Background Color ដែលយើងបានរៀបរាប់ពីចំណុចមុន និងបន្ថែមនូវចំណុចមួយចំនួនទៀតគឺ ការប្រើ array ក្នុងការផ្ទុកនូវសំណុំនៃ Menu , ការប្រើ Ascii Code ក្នុងការផ្លាស់ប្តូរនូវ Menu និងបង្ហាញពីការកំណត់នូវកូរអរដោណេរបស់ប្រអប់ និង Menu ដែលយើងបានប្រើប្រាស់ Function ដើម្បីធ្វើការគ្រប់គ្រងលើកូដទាំងអស់នេះ ។ ក្រោយពីអ្នកទាំងអស់គ្នាបានសិក្សានិងអនុវត្តន៍តាមនូវអត្ថបទនេះហើយ នោះអ្នកទាំងអស់គ្នានឹងទទួលបាន និងយល់ពីរបៀបប្រើប្រាស់ Menu បានច្បាស់លាស់ដូចបានរៀបរាប់ក្នុងគោលបំណងខាងលើ ។ ដើម្បីឲ្យកាន់តែច្បាស់បន្ថែមទៀតនូវខ្លឹមសារនៃអត្ថបទនេទាំងស្រុង សូមបង្វែរអារម្មណ៍អ្នកទាំងអស់គ្នាមកតាមដានដូចខាងក្រោមនេះ៖

ចុច Like គេហទំព័រ www.antkh.com ដើម្បីទទួលបានអត្ថបទថ្មីៗដែលទាក់ទងនឹងបច្ចេកវិទ្យារៀងរាល់ថ្ងៃ

♣ កូដ C++ Programming

♣ ពន្យល់កូដ C++

♦ iostream ជា header file សម្រាប់ប្រើ cin : input, cout : output, endl : new line

♦ conio.h ជា header file សម្រាប់ប្រើ getch ()

♦ antheader.h ជា header file សម្រាប់ប្រើ foreColor function ជា function ដែលបង្កើតឡើងសម្រាប់ប្រើក្នុងការ ដាក់ព៌ណឲ្យអក្សរនិងព៌ណផ្ទៃទៅតាម Line នីមួយៗយោងតាមកូដពណ៌ដែលបង្ហាញនៅលើ Console , gotoxy function សម្រាប់ប្រើក្នុងការកំណត់នូវកូអរដោណេ, និង function ផ្សេងៗទៀត ដែល header file នេះត្រូវធ្វើការ include ចូលក្នុង directoryរបស់ IDE (Dev C++, …) អាចធ្វើការ download នៅទីនេះបាន ។

♦ stdlib.h ជា header file សម្រាប់ប្រើ function system (“ ”) ផ្សេងៗ

♦ system (“mode con: cols=60 lines=35”) ជា built-in function មួយប្រើសម្រាប់ធ្វើការកំណត់ Layout របស់ Console ដែល cols ជា បណ្តោយ ឬប្រវែងសរុបរបស់ console និង lines ជាកម្ពស់សរុបរបស់ console ដែលវាស្ថិត ក្នុង stdlib.h

♦ showMoveMenu (string menu [ ] , int n, int x, int y, int w, int h, int coordMenuX, int bgcolor, int movecolor, int &show_index) ជា function ដែលបង្កើតឡើងសម្រាប់ប្រើក្នុងការបង្កើតជាប្រអប់ដែលមានរាងបួន ជ្រុងនឹងភ្ជាប់ជាមួយ ការចាក់ព៌ណ Background ហើយធ្វើការបង្ហាញ Menu នៅក្នុងប្រអប់នោះដែលយើងអាច ជ្រើសរើស ឬផ្លាស់ប្តូរ Menu នីមួយៗបានតាមរយៈ ការប្រើ Ascii code ហើយ function នេះមានលក្ខណៈបត់បែន បានច្រើនដែលមាន Parameters៖

• string menu [ ] ជា array menu មួយវិមាត្រមានប្រភេទជាអក្សរដែលតំណាងឲ្យ Menu ណាមួយ

• int n តំណាងឲ្យ size សរុបរបស់ array menu ដែលចង់បាន

• int x និង int y ជាកូអរដោណេនៃការកំណត់ទីតាំងរបស់ប្រអប់នៅលើ Console ហើយ x តំណាងឲ្យ ផ្នែកអាប់ ស៊ីស ឬជួរដេក និង y តំណាងឲ្យផ្នែកអរដោណេ ឬជួរឈរ

• int w តំណាងឲ្យប្រវែងសរុបរបស់ប្រអប់ និង int h តំណាងឲ្យកម្ពស់សរុបរបស់ប្រអប់

• int coordMenuX តំណាងឲ្យផ្នែកអាប់ស៊ីសនៃទីតាំងរបស់ array menu

• int bgcolor តំណាងឲ្យព៌ណអក្សរនិងព៌ណផ្ទៃរបស់ប្រអប់ និង Array Menu

• int movecolor តំណាងឲ្យព៌ណអក្សរនិងព៌ណផ្ទៃសម្រាប់ធ្វើការជ្រើសរើស Menu

• និង int &show_index តំណាងឲ្យការចង្អុលបង្ហាញនូវ index ណាមួយរបស់ array Menu នៅពេលធ្វើ ការ ជ្រើសរើស Menu នោះ

♦ setcursor (0, 0) ប្រើសម្រាប់បិទ Cursor មិនឲ្យឃើញនៅលើ Console ដែលវាស្ថិតក្នុង antheader.h

♦ string theaterMenu [ N] ជា array menu ដែលជា argument ប្រើសម្រាប់បោះតម្លៃទៅឲ្យ function showMoveMenu ទៅតាម Parameter menu [ ] និង n

♣ លទ្ធផល Run កូដ C++

លទ្ធផលពេលផ្លាស់ប្តូរ Menu

រូបភាពខាងលើទាំងពីរនេះជាលទ្ធផលបន្ទាប់ពីដំណើរការកូដ C++ ខាងលើរួច ។ យើងក៏អាចធ្វើការកំណត់ទំហំប្រអប់ ឬទំហំរបស់ Console , menu , ឬពណ៌ផ្សេងៗ ដែលយើងចង់បានយោងទៅតាមអត្ថបទនេះផងដែរ ដូចមានក្នុង function main ដែលយើងបានហៅមកប្រើ ។

♦ រៀបរៀងអត្ថបទដោយ៖ លោក អូន ហ៊ិនស៊ី

♦ វគ្គ C/C++ តម្លៃ ៥៩ដុល្លា http://training.antkh.com/c_cpp.aspx

♦ សូមចូលរួមជាសមាជិក ANT Training Group ដើម្បីតាមដានសម្មភាពប្រចាំថ្ងៃជាមួយអាន-ANT

មតិ និងយោបល់ទៅលើអត្ថបទនេះ (តាម Facebook)

ខាងក្រោមនេះជាយោបល់ផ្សេងៗរបស់អ្នកទស្សនា

ការ​ប្រើ Function និង Ascii Code ក្នុង​ការ​គ្រប់គ្រង​លើការផ្លាស់ប្តូរ Menu តាមរយៈ C++

មតិ និង​យោបល់​ទៅលើ​អត្ថបទ​នេះ (តាម Facebook)

ការប្រើ Function និង Ascii Code ក្នុងការគ្រប់គ្រងលើការផ្លាស់ប្តូរ Menu តាមរយៈ C++

មតិ និងយោបល់ទៅលើអត្ថបទនេះ (តាម Facebook)