For Android device For iOS device

មិថុនា

​ទម្លាប់​ល្អទាំង ៥ ក្នុង​ការ​ប្រើ​កុំព្យូទ័រ​

→ អាន-ANT សូមលើកយក​ទម្លាប់​ល្អ ៥ ដែល​អ្នក​ប្រើ​កុំព្យូទ័រ​ទូទៅ​គួរតែអនុវត្តន៍ ដើម្បី​ធ្វើ​ឲ្យ​ការ​ប្រើ​ប្រាស់​ប្រកបដោយ​ភាព​ងាយស្រួល កាពារពី​មេរោគ​កុំព្យូទ័រ កាត់​បន្ថយ​នូវ​ការ​បញ្ហា​ផ្សេងៗ និង ធ្វើ​ឲ្យ​ដំណើរ​ការ​របស់​កុំព្យូទ័រ​មាន​ល្បឿន​លឿន​ជាងមុន​ 

ចុច Like Page https://www.facebook.com/ANTTraining/  ដើម្បី​ទទួលបាន​ព័ត៌មាន​ថ្មីៗ​ទាក់ទងនឹង​បច្ចេកវិទ្យា​

១. រៀបចំ Folders របស់អ្នក​

​ក្នុង​ការ​រក្សាទុក​នូវ​ឯកសារផ្សេងៗ លោកអ្នក​គួរតែ​រៀបចំ​ឲ្យ​មានសណ្តាប់ធ្នាប់ ទៅតាម​ផ្នែក​ផ្សេង​គ្នា ដើម្បី​ងាយស្រួល​ក្នុង​ការសែ្វងរក ។ ខាងក្រោម​នេះជាគន្លឹះមួយចំនួន សម្រាប់​លោកអ្នក​ក្នុង​ចាប់ផ្តើម​រៀបចំ​ឯកសារ ផ្សេងនៅ​ក្នុង​កុំព្យូទ័រ​៖

 ​១.១. ដំណាក់​កាលសម្អាត

​លោកអ្នក​ចាប់ផ្តើមលុប​នូវ​ឯកសារ មួយចំនួន​ដែល​ឥតប្រយោជន៍ចេញពី Hard Disk របស់​លោកអ្នក ។

​បញ្ជាក់​៖  ​លោកអ្នក​គួរប្រយ័ត្ន​ក្នុង​ការ​លុបឯកសារ លោកអ្នក​គួរលប់តែឯកសារណា​ដែល​លោកអ្នក​ប្រាកដថា​មិនបាន​ការ ។ មិនត្រូវលប់ឯកសារណា​ដែល​លោកអ្នក​មិន​ស្គាល់​នោះទេ ព្រោះ​ឯកសារ​ទាំងនោះ​អាចជា​របស់​កម្មវិធី​ណាមួយ ឬ ជា​របស់អ្នក​ប្រើ​ផ្សេងទៀត ឬ ជារបស់​ប្រព័ន្ធ​ដំណើរ​ការ​ជាដើម ។

.. គិត​ក្នុង​ការ​រៀបចំ​កុំព្យូទ័រ​របស់អ្នក​

សូម​លោកអ្នក​ចំណាយ​ពេលគិតអំពី​គម្រោង​ដែល​ល្អ​បំផុត​ក្នុង​ការ​រៀបចំ​នូវ file ​របស់អ្នក ដោយ​លោកអ្នក​គិតអំពី​ការងារ​របស់​កុំព្យូទ័រ​របស់​លោកអ្នក​ដូចជា ការកែច្នៃ​រូបភាព សរសេរ website ​សរសេរ​រឿងនិទាន ស្រាវជ្រាវ​ការងារ​សាលា ចាក់​ចម្រៀង ឬ សម្រាប់​លេង game ហើយ​លោកអ្នក​ត្រួវ​បង្កើត​នូវ folder ​ដែល​មាន​ឈ្មោះ​ច្បាស់លាស់​ទៅតាម​ប្រភេទ file និង ការងារ​ផ្សេងៗ​គ្នា ។

.. ​ប្រើ  Subfolders

ក្រោយពី​បង្កើត folder ផ្សេងៗ​សម្រាប់ file របស់​លោកអ្នក​រួច លោកអ្នក​គួរតែ​បង្កើត​នូវ subfolder (ជា folder ​ដែល​នៅ​ក្នុង folder ​ណាមួយ) ដើម្បី​ចែក files ទាំងនេះជា​ផ្នែក​ផ្សេង​គ្នា​ទៀត ។ ឧទាហរណ៍ នៅ​ក្នុង Folder ​ដែល​លោកអ្នក​រក្សាទុក​នូវ កិច្ចការសាលា សូម​លោកអ្នក​បង្កើត subfolder ដើម្បី​រក្សាទុក​នូវ​ឯកសារ​ទៅតាម​ផ្នែក​នៃមុខវិជ្ជា​នីមួយៗ ។

២. សម្អាត Hard Disk របស់អ្នក​

ក្រោយពី​លោកអ្នក​បាន​ធ្វើការ​រៀបចំ​ឯកសារផ្សេងៗ​ទៅតាម​ផ្នែក​នីមួយៗ​ឲ្យ​មានសណ្តាប់ធ្នាប់ រួចរាល់អស់ហើយ លោកអ្នក​ត្រូវធ្វើ Disk Defragmenter (​រៀបចំ​ទីតាំងឯកសារ​នៅលើ Hard Disk ​ឲ្យ​ទៅតាម​លំដាប់លំដោយនៃ cluster របស់ Hard Disk) និង​ធ្វើការ Disk Cleanup ដើម្បី​ធ្វើ​ឲ្យ​កុំព្យូទ័រ​ដំណើរ​ការ​លឿន​ក្នុង​ការបើកឯកសារផ្សេងៗ និង ធ្វើ​ឲ្យ​ចំណេញ​ទំហំ hard disk ថែម​ទៀតផង​ព្រោះ Disk Cleanup ​ធ្វើការ​សម្អាតឯកសារមួយចំនួន ដែល​មិនបាន​ការ​ចេញពី Hard Disk ។ ជា​ទូទៅ​លោកអ្នក​គួរតែធ្វើ Disk defragmenter និង Disk Cleanup ​ក្នុង​រយៈពេល​មួយខែមួយម្តង ។

៣. ប្រើ System Restore 

System Restore ជា Tool មួយនៅ​ក្នុង Windows ​ដែល​ធ្វើការ​ស្រដៀងទៅនឹង Undo ​ក្នុង Microsoft Word ដែរ ដោយ System Restore ត្រូវការ Restore Point ដើម្បី​ធ្វើការ rollback (ត្រឡប់ទៅសភាពដើមវិញ) ។ ការ rollback របស់ system restore ​ក៏​អាច​បញ្ឈប់​ដំណើរ​ការ​របស់​មេរោគ​ដែល​ឆ្លងចូល​ក្នុង​កុំព្យូទ័រ​របស់អ្នក​បាន​ផងដែរ ។

ដូច្នេះ​លោកអ្នក​គួរតែ​បង្កើត Restore Point នៅខណៈពេល​ណាមួយ ដែល​កុំព្យូទ័រ​របស់​លោកអ្នក​ដំណើរ​ការ​ល្អធម្មតា សម្រាប់​ការពារ​នៅពេល​កុំព្យូទ័រ​មាន​បញ្ហា ដោយ​ធ្វើការ rollback ​ទៅកាន់​ចំណុច Restore Point ​ដែល​លោកអ្នក​បាន​បង្កើត ។

៤. ឩស្សាហ៍ Update ប្រ​ពន្ធ័ប្រតិបត្តិការណ៍ និង​កម្មវិធី​ផ្សេងៗ​

ជា​ទូទៅ​រាល់​ប្រព័ន្ធ​ដំណើរ​ការ និង កម្មវិធី​ផ្សេងៗ​ដែល​បាន​បង្កើត​រួចតែងតែមាន​ចំណុច​ខ្វះខាត និង បញ្ហា មួយចំនួនជាមិនខាន ដូច្នេះ​លោកអ្នក​គួរតែ​ធ្វើការ update ​ប្រព័ន្ធ​ប្រតិបត្តិការណ៍ និង កម្មវិធី ដើម្បី​កែ​សម្រួល​នូវ​ចំណុច​ខ្វះខាត កែ​តម្រូវ​បញ្ហា​ដែល​មាន និង បន្ថែម​នូវ​ចំណុច​ថ្មីៗ ។

៥. ដំណើរ​ការ​កម្មវិធី​កម្ចាត់​មេរោគ Spyware និង​ប្រើ Removal tool

កម្មវីធី​កម្ចាត់​មេរោគ និង កម្ចាត់ Spyware ជា​ចំណុច​សំខាន់ ដែល​លោកអ្នក​ត្រូវតែមាន​ជាប្រចាំ​នៅ​ក្នុង​កុំព្យូទ័រ​ជានិច្ច ហើយ​ធ្វើការ Update ​នូវ definition របស់​កម្មវិធី​ទាំងនេះ ជាប្រចាំ ដើម្បី​ធ្វើ​ឲ្យ កម្មវិធី​ទាំងនេះ​មានប្រ​សិទ្ធ​ភាព​ក្នុង​ការប្រឆាំង និង កម្ចាត់​មេរោគ និង Spyware

♻️ ​សម្រាប់​លោកអ្នក​ដែល​ចង់​ដំឡើង​កម្មវិធី ANTLearner សម្រាប់ Windows សូម​ចូលរួម Telegram÷ https://t.me/AntTechnologyTrainingCenter
📲 ​សម្រាប់​លោកអ្នក​ចង់​ដំឡើង​កម្មវិធី ANTLearner សម្រាប់ Android https://bit.ly/3qhYCJf
👉 ទស្សនា​វីឌីអូ​ខ្លះ​ៗ​ពី​កម្មវិធី ANTLearner 🎥 https://bit.ly/3l3WcMe

♦ សម្រាប់​ព័ត៌មាន​វគ្គ​សិក្សា​កុំព្យូទ័រ​នៅអាន-ANT http://training.antkh.com/

♦ ​សម្រាប់​ព័ត៌មាន​ទំនាក់ទំនងមកយើង​ខ្ញុំ ៖ លេខ​ទូរសព្ទ​ ០១០ / ០១៦ ៦៦៦ ៦៥៣

ឬ​ Facebook: https://www.facebook.com/anttrainning

Facebook Page: ANT Magazine

Facebook Group: https://www.facebook.com/groups/ANTTrGroup/

website: www.antkh.com

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា