ស្វែងយល់ពី Robots និង Spiders ក្នុង Search Engine

កែ​សម្រួល​ឡើងវិញ ខែកក្កដា ឆ្នាំ ២០១៦

មុននេះបន្តិចយើងបានលើកយកមក​បង្ហាញ​រួចមកហើយ​នូវ​អត្ថបទមួយដែមាន​ចំណងជើង​ថា “វិធីធ្វើ​ឲ្យ​គេហទំពរ័អាច Search បាន​នៅលើ Google” ក្នុង​នោះបាននិយាយអំពីលក្ខខណ្ឌ​ក្នុង​ការ​សរសេរ​កូដ ដើម្បី​ឲ្យ​គេហទំពរ័មួយអាច search បាន​នៅលើ​អ៊ីនធឺណែត ។ មកដល់​ថ្ងៃ​នេះយើងនឹងលើកអំពី robots និង spiders មកនិយាយម្ដង​លោកអ្នក​ប្រហែលជាឆ្ងល់ហើយថាវាគឺជាអ្វី?

- Robots ឬ Spiders គឺជា​កម្មវិធី software របស់​ក្រុមហ៊ុន search engine ដែល​ដំណើរ​ការ​ដោយស្វ័យ​ប្រវត្តិ​ក្នុង​ការប្រមូលយក​នូវ​ទិន្នន័យ​ពី websites នៅទូទាំងពិភពលោកទៅដាក់​ក្នុង​ប្រព័ន្ធ​គ្រប់គ្រង​ទិន្នន័យ​របស់ search engine ​នីមួយៗ​របស់ខ្លួន ហើយ​ក្រុមហ៊ុន search engine ធំៗ​នៅលើ​ពិភពលោកមាន​ដូចជា​៖

• Google.com

• Bing.com

• Yahoo.com

• Live.com

• Lycos.com

• Altavista.com

• Alltheweb.com 

ក្រោយពី search engine បាន​ប្រើ​ប្រាស់ robots និង spiders របស់ខ្លួន ដើម្បី​ធ្វើការ​ប្រមូលផ្តុំ និង ផ្ទុក​ទិន្នន័យ​របស់ websites ​ទាំងអស់ ក្នុង​ពិភពលោកហើយ វានឹង​ផ្ដល់​មកវិញ​ជាតារាង (list) នៃបណ្តា websites ​ព្រមទាំង​ព័ត៌មាន​សង្ខេបនៃ websites ​ទាំងនោះ​មក​ឲ្យ​យើងវិញ ហើយ​យើងអាចចុច​ទៅលើ​ព័ត៌មាន ឬ website ​ណាមួយ​ដែល​បានឃើញ​ក្នុង​តារាង នោះ search engineនឹង​ភ្ជាប់​ទៅកាន់ website នោះភ្លាម ។ ប៉ុន្តែ​លោកអ្នក​មិនត្រូវគិតថា search engine វាមានការ​រក្សាទុក​ព័ត៌មាន ឬ​ទិន្នន័យ​លម្អិត ឬ​ទាំងស្រុងរបស់ web sites ​នីមួយៗ​ឲ្យ​សោះ វា​គ្រាន់តែ​រក្សាទុក​នូវ​ពាក្យគន្លឹះ (keyword) និង ការពិពណ៌នាខ្លីៗ (description) ​ដែល​វាជាការ​កំណត់​របស់ developer ​ទៅលើ website នោះតែប៉ុណ្ណោះ ។ ​

​ខាងក្រោម​នេះគឺជា robots និង spiders មួយចំនួយរបស់​ក្រុមហ៊ុន​នីមួយៗ​៖

• Google.com ៖ Googlebot

• Search.msn.com ៖ MSNbot

• Ask.com ៖ Ask Jeeves/Teoma

• Alltheweb.com ៖ FAST-WebCrawler

• Yahoo.com ៖ Yahoo Slurp

• AltaVista.com ៖ Scooter

• Lycos.com ៖ Lycos_Spider_ (T-Rex)

• Alexa.com ៖ ia_archiver

ជា​ទូទៅ robots ឬ spiders ទាំងនេះតែងតែរុករក websites (web directories) ពីគ្រប់ servers ​នៅលើ​ពិភពលោកដោយអ្នក​គ្រប់គ្រង server ហើយ web sites អាចដឹងបានពីពេលវេលា​ដែល robots ឬ spiders ចូលមកកាន់ websites របស់ខ្លួន​តាមរយៈ logs នៃ servers ក្រោយមក​វានឹង​ធ្វើការ​ប្រមូល​ទិន្នន័យ​របស់ websites ​នីមួយៗ​តាមរយៈ​tags ចំនួន 3 របស់ HTML script ​គឺ៖

• <title> tag

• <meta> tag

• alt attribute

*** ដកស្រង់ចេញពី​ទស្សនាវដ្ដី​អាន-ANT ច្បាប់​ទី ១៤ ប្រចាំខែ ឩសភា ឆ្នាំ ២០១០