របៀបសម្អាត CD ដែល​ប្រឡាក់

♦ តើអ្នកដឹងពីរបៀប​ក្នុង​ការសម្អាត CD ដែរ ឬ​ទេ​?
គ្រប់ពេល​ដែល​អ្នកទុក CD ចោលនៅខាងក្រៅ នោះ CD ងាយ​នឹង​ប្រឡាក់​ខ្លាំងណាស់ (ដោយស្នាមក្រឡៅដៃ ឬ​ស្នាម​ផ្សេង​ៗ) ។ ហើយ​បញ្ហា​នោះគឺថាអ្នកចង់សម្អាតវាតែ​មិនដឹង​ថាត្រូវ​ធ្វើ​យ៉ាង​ដូចម្តេច ?

♦ ការសម្អាត CD ដែល​ប្រឡាក់

បម្រាម ៖ សូមកុំ​ប្រើ​វិធីនេះ​ប្រសិនបើ disk របស់អ្នក​មាន​ទិន្នន័យ​សំខាន់ ព្រោះ​ពេល​ខ្លះ​វាអាចបណ្តាល​ឲ្យ​បាត់​ទិន្នន័យ​ដែល​នៅ​ក្នុង disk នោះ ។ ហើយយើងមិនទទួលខុសត្រូវ​ប្រសិនបើ​មាន​ការបាត់​ទិន្នន័យ​ពេល​ប្រើ​វិធីនេះ ។  

​ខាងក្រោម​នេះជារបៀប​សម្រាប់​សម្អាត CD ដោយ​ចំណាយ​តិច ៖

• រកចាន ឬ​ធុង​ណាមួយ ដែល​អាចជ្រមុជ CD ទៅ​ក្នុង​នោះ​បាន
• ដាក់សាប៊ូ ឬ​ទឹកថ្នាំលាងកញ្ចក់ ១ ស្លាបព្រា
• ដាក់ទឹកលាយ​ជាមួយនឹង ទឹកសាប៊ូ​ខាងលើ ហើយក្រឡុកវា​ឲ្យ​សព្វ ។
• ដាក់ disk ដែល​ប្រឡាក់ទៅ​ក្នុង​ចានទឹកសាប៊ូ ហើយទុករយៈ​ពេលប្រហែល ១ ឬ ២នាទី ។
• យក disk ចេញពីទឹកពីទឹកសាប៊ូនោះ ហើយលាង​ជម្រះ disk នោះ​ជាមួយនឹង​ទឹកក្តៅអ៊ុនៗ ។
• ធ្វើតាមវិធី​ខាងលើ​ម្តងទៀត​ប្រសិនបើ disk នៅតែប្រឡាក់ ។

​ក្នុង​ករណី​ដែល​ស្នាមប្រឡាក់​នៅលើ disk នៅតែមាន អ្នកអាច​យកក្រណាត់​ដែល​ទន់ មកជូត​ផ្នែក​ដែល​ប្រឡាក់​នោះ ។
ជា​ចុងក្រោយ​រលាស់ទឹក​នៅលើ disk ចេញហើយទុក​ឲ្យ​វា​ស្ងួតដោយធម្មជាតិ ។ កុំ​ប្រើ​ឧបករណ៍​ផ្លុំ ឬ​សម្ងួតផ្សេងៗ ព្រោះ​វាអាចធ្វើ​ឲ្យ​ទិន្នន័យ​ក្នុង disk ខូច ។

ឥឡូវអ្នកមាន​នូវ CD ដែល​ភ្លឺចែងចាំងដូចថ្មី ហើយអាច​ដំណើរ​ការ​បាន​ងាយស្រួល​ក្នុង​កុំព្យូទ័រ​របស់អ្នក ហើយកាត់​បន្ថយ​ការ​មិនអាច​ទាញ​ទិន្នន័យ​ពី disk នៅពេល run វា ។

♦ ប្រុងប្រយ័ត្ន

​ប្រសិនបើ CD របស់អ្នក​មាន​នូវ​ឯកសារ​សំខាន់​អ្នកគួរតែ​ប្រើ​កម្មវិធី​សម្រាប់ copy ឯកសារពី CD ដែល​ខូចនោះ​ជាមុនសិន​មុន​សម្អាត ដើម្បី ជៀសវាង ការបាត់បង់ឯកសារជាយៈថាហេតុណា​មួយ​នៅពេល​សម្អាត ៕