For Android device For iOS device
២៦
មេសា

ស្វែងយល់​ខ្លះ​ៗ​ពី Motherboards

Motherboard ជា main circuit board មួយស្ថិតនៅ​ក្នុង System Unit របស់​កុំព្យូទ័រ ដែល​មាន​តួនាទី​យ៉ាង សំខាន់​ក្នុង​ដំណើរ​ការ​របស់​កុំព្យូទ័រ ។ Motherboard ប្រៀបបានទៅនឹងដងខ្លួន ព្រោះ​រាល់ hardware ទាំងអស់​របស់​កុំព្យូទ័រ​ត្រូវបាន​ភ្ជាប់​ជាមួយនឹង Motherboard ហើយ hardware ទាំងនេះមាន​ច្រើន​ផ្នែក​មួយចំនួន​ភ្ជាប់​នៅលើ Motherboard តែម្តង ហើយមួយចំនួនទៀត​ភ្ជាប់​តាមរយ: connection ផ្សេងៗ ។

​នៅលើ Motherboard មាន​ច្រើន connection និង slot ហើយចែកដាច់ពី​គ្នា​ទៅតាម​ប្រភេទ​នៃ hardware នីមួយៗ ។ Hardware ដែល​ត្រូវ​ភ្ជាប់​ជាមួយ Motherboard មាន​ដូចជា CPU, RAM, BIOS, HDD, CD-ROM, VGA, NIC ។ ល ។

CPU Socket

ជាកន្លែង​សម្រាប់​រក្សាទុក​នូវ CPU ហើយ CPU Socket មាន​ច្រើន​ប្រភេទ​ទៅតាម​ប្រភេទ motherboard នីមួយៗ ។

CPU ជា hardware មួយ​ដែល​ដើរតួរ​យ៉ាង​សំខាន់​មាននាទីជាខួរក្បាលរបស់​កុំព្យូទ័រ រាល់​ដំណើរ​ការ​អ្វីមួយ​ត្រូវឆ្លង​កាត់ CPU ជាអ្នក execute ។ CPU ត្រូវ​ធ្វើការ​ច្រើន និង គ្រប់ពេលវេលា ដូច្នេះទើប​នៅលើ CUP មាន Heatsink និង Fan សម្រាប់​រក្សា​នូវ​សីតុណ្ហភាពរបស់ CPU ។ ខាងក្រោម​នេះជា​ប្រភេទ​នៃ CPU Socket មួយចំនួន៖

  • Socket 370 សម្រាប់ Intel Pentium III, Celeron
  • Socket 423 សម្រាប់ Intel Pentium 4 និង Celeron processors
  • Socket 478 សម្រាប់ Pentium និង Celeron processors សេរីចាស់
  • Socket 754 សម្រាប់ AMD Sempron និង AMD Athlon processors មួយចំនួន
  • Socket 939 សម្រាប់ AMD Athlon processors សេរីថ្មី និងមាន​ល្បឿន​លឿន​
  • Socket AM2 សម្រាប់ AMD Athlon processors សេរីថ្មី​បំផុត​
  • Socket A សម្រាប់ AMD Athlon processors សេរីចាស់

Memory slots

ជាកន្លែង​សម្រាប់​ឲ្យ​លោកអ្នក​រក្សាទុក​នូវ RAM (Random Access Memory) ដែល​ជាអង់ចងចាំ​របស់​កុំព្យូទ័រ​ជា​អចិន្ត្រៃ ។ ជា​ទូទៅ​នៅលើ Motherboard សម្រាប់​ប្រើ​ជាមួយ Desktop មាន Memory slot ចំនួន ៤ ហើយ​ប្រភេទ​នៃ Memory slot អាស្រ័យ​ទៅតាម Motherboard នីមួយ (ឧទារហណ៍ Motherboard មួយមាន Memory slot ៤ ហើយពីរ​សម្រាប់​ប្រើ​ជាមួយ DDR RAM ចំណែក​ពីរទៀត​សម្រាប់​ប្រើ​ជាមួយ SD RAM ចំនៃកឯ Motherboard មួយ​ប្រភេទ​ទៀតមាន Memory slot ចំនួនមួយហើយ​សម្រាប់​ប្រើ​ជាមួយ DDR2 Ram ទាំងអស់​ដូចរួប​ខាងក្រោម)

PCI Slot (Peripheral Component Interconnect)

ជាកន្លែង​សម្រាប់​ឲ្យ​លោកអ្នក​ដោត​បន្ថែម​នូវ card ផ្សេងៗ ដើម្បី​បន្ថែម​នូវ​សមត្ថភាព​ឲ្យ​កុំព្យូទ័រ​ដែល card ទាំងនោះ​មាន​ដូចជា Network card, Sound card, TV card ។ ល ។

PCI slots ជា​ទូទៅ​មានចំនួនចាប់ពី ២ ឡើងទៅ គឺ​អាស្រ័យ​ទៅតាម​ប្រភេទ​នៃ Motherboard ។

SATA Connector

ជា Connector សម្រាប់​ឲ្យ​លោកអ្នក​ភ្ជាប់ hard disk ប្រភេទ SATA ជាមួយនឹង motherboard ។ សម្រាប់ motherboard ប្រភេទ​ចាស់គឺមិនមាន SATA connection ទេ ប៉ុន្តែ motherboard ថ្មី​បច្ចុប្បន្ន​នេះមាន SATA connection ។

IDE Connection

ជា​ប្រភេទ Connection សម្រាប់​ភ្ជាប់ Motherboard ទៅ​ជាមួយនឹង hardware ផ្សេងៗ​ដែល​ប្រើ​ប្រាស់ IDE cable ហើយ hardware ទាំងនោះ​មាន​ដូចជា IDE Hard Disk, CD-ROM, DDV-ROM ។ ល ។

*** ដកស្រង់ចេញពី​ទស្សនាវដ្ដី​អាន-ANT ច្បាប់​ទី ០៨ ប្រចាំខែឩសភា ឆ្នាំ ២០១៦

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា