For Android device For iOS device
២៣
មីនា

គន្លឹះមួយចំនួន​ក្នុង​ការ​បង្កើន​ល្បឿន Wireless និង កុំព្យូទ័រ​របស់អ្នក​

ជាធម្មតានៅ​ក្នុង​បច្ចេកវិទ្យា ល្បឿន​គឺវាទាក់ទងទៅនឹង Hardware និង ជំនាន់​របស់​ឧបករណ៍​នោះ ។ ជួនកាលកុំព្យូទ័រ និង​ប្រព័ន្ធ Network របស់​លោកអ្នក​វាមាន​ល្បឿន​គ្រប់គ្រាន់ហើយ ក៏ ប៉ុន្តែ​វា​ត្រូវបាន​រាំងស្ទះ ដោយ​ផ្នែក​តូច​ណាមួយ ដែល​លោក​មិនអាច​គិតដល់ ។ ដូច្នេះហើយ​លោកអ្នក​គួរស្វែងយល់ នូវ​វិធីមួយចំនូនដូច​ខាងក្រោម​៖

 សាកល្បងគិតអំពី​ប្រព័ន្ធ​ឥត​ខ្សែ​របស់​លោកអ្នក តើ​លោកអ្នក​កំពុង​តែ​ប្រើ​ប្រាស់​នូវ Standard (IEEE802.11a,IEEE802.11b,IEEE802.11g & IEEE802.11n) មួយណារបស់ Wireless Router ។ ប្រសិនបើ​លោកអ្នក​កំពុង​តែ​ប្រើ​ប្រាស់​នូវ standard​ ​ណាមួយ​របស់ Wireless Router លោកអ្នក​គួរតែផ្លាស់ប្តូរ​ទៅកាន់​ Wireless Router ជំនាន់​ចុងក្រោយ​គេគឺ IEEE802.11n ព្រោះ​វាមាននៅ​លក្ខណៈ​ខុសពី standard ដទៃ​ជា​ច្រើន​ដូច​ខាងក្រោម​៖

បន្ទាប់ពី​លោកអ្នក​បានផ្លាស់ប្តូរ​នូវ Wireless Router របស់​លោកអ្នក​ទៅកាន់ standard IEEE802.11n រួចមកហើយ​នោះ​លោកអ្នក​គួរតែផ្លាស់ប្តូរ​នូវ​រាល់ Wireless Card របស់អ្នក​ទៅកាន់ Standard IEEE802.11n (អាច​ដំណើរ​ការ​បានគ្រប់ Standard IEEE.802.11 ទាំងអស់) ដូច​គ្នា​ពី​ព្រោះ​ការ​ប្រើ​នូវ Standard ខុស​គ្នា​វា​ក៏​អាចធ្វើ​ឲ្យ​ល្បឿន នៃការ​បញ្ចូន​ទិន្នន័យ​របស់អ្នក​មានការថយចុះដែរ ។ ហើយម្យ៉ាង​វិញទៀតការ​ប្រើ​ប្រាស់ និងទីតាំងរបស់ Wireless Router ក៏​ជា​ចំណុច​ដែល​ទាក់ទងដែរសូមមើលនៅ​ក្នុង http://learn.ant.com.kh/?p=3 ។

ចំណែក​ឯ​កុំព្យូទ័រ​លោកអ្នក​ក៏​អាច​ធ្វើការ Upgrade ដើម្បី​ឲ្យ​ល្បឿន​ប្រសើរ​ឡើង​ផងដែរ ។ លោកអ្នក​ធ្លាប់​ដឹង​រួចមកហើយ​ថាRAM វាមាន​តួនាទី​នៅ​ក្នុង​ការផ្ទុក​ទិន្នន័យ​បណ្តោះអាសន្ន ពេល​ដំណើរ​ការ ដូច្នេះហើយបើសិន RAM របស់អ្នក​ខ្ពស់​វាជា​ផ្នែក​មួយដ៏​សំខាន់ ដែល​ធ្វើ​ឲ្យ​កុំព្យូទ័រ​របស់អ្នក​ដំណើរ​ការ​បាន​លឿន ។ ដូច្នេះហើយយើងសូមលើកយក​នូវ​វិធីសាស្ត្រនៅ​ក្នុង​ការ Upgrade RAM ។

  • ជំហាន​ទី១៖ Pins: ផ្នែក​ដែល​សំខាន់​ជាងគេ​ក្នុង​ការ​ដាក់​ឲ្យ RAM ត្រូវ​គ្នា​នោះ​គឺ Pin ដែល​នៅលើ Chip របស់​អ្នក ។
  • ជំហានទី២៖ ប្រភេទ​នៃ RAM របស់​លោកអ្នក​ជា SDR (Single Data Rate) , DDR (Double Data Rate) , DDR2 (Double Data Rate x2) , DDR3 (Double Data Rate x3,) ។
  • ជំហានទី៣៖ ល្បឿន​នៃ RAM កុំព្យូទ័រភាគ​ច្រើន​អាច​ដំណើរ​ការ ជាមួយ​ប្រភេទ​ល្បឿន​ខុសៗ​គា្ននៃ RAM ។ ប៉ុន្តែ​ប្រសិនបើ​លោកអ្នក​ដាក់​នូវ RAM ពីរ​ដែល​មាន​នូវ​ល្បឿន​ពីរខុស​គ្នា វានឹង​ជ្រើសរើស​យក​ល្បឿន​ដែល​ទាប​ជាងគេ​មក​ដំណើរ​ការ ដូច្នេះ​លោកអ្នក​គួរ​ជ្រើសរើស RAM ដែល​មាន speed ដូច​គ្នា​យកមក​ប្រើ ។
  • ជំហានទី៤៖ មើល​ប្រភេទ​របស់ mother board មុននឹងទិញ​នូវ RAM ពី​ព្រោះ mother board ខ្លះ​មិនអាច​ដាក់បាន​នូវ RAM គ្រប់​ប្រភេទ​នោះទេ ។
  • ជំហានទី៥៖ RAM ដែល​លោកអ្នក​ដាក់ ក៏​វាពឹងផ្អែក​ទៅលើ​ប្រព័ន្ធ​ប្រតិបត្តិការណ៍ របស់​កុំព្យូទ័រ​របស់អ្នក​ដែរ ។ ប្រសិនបើ​កុំព្យូទ័រ​លោកអ្នក​ប្រើ​ប្រាស់ OS ៣២-bit លោកអ្នក​មិនអាច​ដាក់ RAM ឲ្យ​លើសពី ៣.៥ GB នោះទេ តែបើ​លោកអ្នក​ប្រើ​នូវ OS ៦៤-bit លោកអ្នក​អាចដាក់ RAM បាន​រហូត​ដល់ទៅ ៣២ GB ។

ដើម្បី​ឲ្យ​កុំព្យូទ័រ​លោកអ្នក បង្កើន​ល្បឿន​វាមិនមែនស្ថិត​នៅលើ​ការ upgrade RAM  តែម្យ៉ាង​ប៉ុណ្ណោះនោះទេ គឺវា​អាស្រ័យ​ទៅលើ​វិធីសាស្ត្រផ្សេងៗ​ទៀតផង​ដែរ សូម​លោកអ្នក​ចូល​ទៅកាន់ http://learn.ant.com.kh/?p=2 ដើម្បី​ស្វែងយល់បន្ត ។  

*** ដកស្រង់ចេញពី​ទស្សនាវដ្ដី​អាន-ANT ច្បាប់​ទី ២៤ ប្រចាំខែ មីនា ឆ្នាំ ២០១១

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា