For Android device For iOS device

មីនា

ស្វែងយល់ពី Bad Sector របស់ Hard Disk

ជា​ទូទៅ hard disk មានថាស់ជា​ច្រើន ដែល​ថាសនេះ​ត្រូវបាន ហៅថា platters (សូមមើលរូប B01) ។ Platter ខ្លះ​ត្រូវបាន​បង្កើត​ឡើយ ដោយជាតិ អាលុយមីញ៉ូម ឬ​ក៏ សេរ៉ាមីក ឬ​ក៏​ជា​ប្រភេទ​កែវកញ្ចក់ និង គ្របដណ្តប់ដោយជាតិមាញ៉េទីក សម្រាប់​ផ្ទុក​ទិន្នន័យ ។  

hard disk's platter

បើនិយាយពី floppy disk វាមាន platter តែមួយបន្ទះ ហើយសព្វ​ថ្ងៃ​នេះគេ​ក៏​បានសង្កេតឃើញ hard disk ម៉ាក Samsung ដែល​មាន​ទំហំ 1TB (តេរាបៃត៏) ប្រើ​ប្រាស់ platters តែ២បន្ទះប៉ុណ្ណោះ គឺ​មានន័យថា platter មួយអាចផ្ទុក​ទំហំ​បាន​រហូត​ដល់ 500GB (ជីហ្គាបែត៏) ដែល​ការ​ប្រើ​ប្រាស់ platter មានចំនួនតិច​បញ្ជាក់​ថាវាត្រូវការ​ថាមពល​អគ្គិសនី​ក៏​តិចដែរ ។  ​ក្នុង platters នីមួយៗ គឺបែងចែកចេញជា tracks ដូច​បង្ហាញ​ក្នុង​រូប B02 ក្នុង hard disk មួយគឺមានរាប់ពាន់ tracks អាស្រ័យ​ទៅលើ​ទំហំ​នៃ​សមត្ថភាព​ក្នុង​ការ​រក្សាទុក​ទិន្នន័យ​របស់ hard disk នោះ ។ បណ្តា tracks ទាំងនោះ​គឺ​ត្រូវបាន​បែងចែក​ចេញជា sectors ដែល​ជា​ផ្នែក​តូចៗ​នៃការ​រក្សាទុក​ទិន្នន័យ​របស់ hard disk សូមមើលរូប B02 ។
hard disk's sector
ដូច្នេះពាក្យថាខូច sectors ឬ bad sectors គឺ​មានន័យថា hard disk របស់​លោកអ្នក​បានខូច​ផ្នែក​តូចៗ​នៅលើ track ណាមួយ​ដែល​ជាហេតុធ្វើ​ឲ្យ​លោកអ្នក​មិនអាច​អាន ឬ រក្សាទុក​ទិន្នន័យ​ទៅកាន់​ផ្នែក​តូចៗ​ទាំងនោះ​បាន ។ បច្ចុប្បន្ន hard disk ភាគ​ច្រើន​ត្រូវបាន​បង្កើត​ឡើងដោយមាន​បម្រុង​ទុក​នូវ sectors មួយចំនួន​សម្រាប់​ជំនួស​ឲ្យ sectors ទាំងឡាយណា​ដែល​បានខូច ដែល​ដំណើរ​ការ​នេះវាកើតមានឡើង​នៅពេល​ដែល hard disk ធ្វើការ formatted (ការសំអាត និង រៀបចំ​ឡើងវិញរបស់ hard disk) ។ ទោះបីជា​យ៉ាង​ណា​ក៏​ដោយវាគឺជាដំណឹងមិនល្អមួយ​ដែល hard disk របស់អ្នក​ខូច sector ព្រោះ​វានឹង​បណ្តាល​ឲ្យ ទិន្នន័យ​ដែល​ស្ថិត​ក្នុង sector នោះអាចខូចបានហើយ​លោកអ្នក​នឹងបាត់បង់វា មិនតែប៉ុណ្ណោះ hard disk នោះ​នឹងត្រូវ​បានកាត់ បន្ថយ​ទំហំ​នៃការ​រក្សាទុក​ទិន្នន័យ និងធើ្វ​ឲ្យ​ដំណើរ​ការ​យឺត​ទៀតផង ។

តើមានសញ្ញា​ណាមួយ​បង្ហាញ​ថា hard disk មាន sectors ខូច ?

នៅពេល​ដែល​មានអារម្មណ៍​ថា hard disk លោកអ្នក​ចាប់ផ្តើម​ដំណើរ​ការ​យឺត​ខុសពី​ប្រក្រតី ឬ​ក៏​ឧស្សាហ៍​បានឃើញ​ព័ត៌មាន​ដែល​បាន​បញ្ជាក់​ថា file មិនអាច read ឬ write បាន នោះគឺជាសញ្ញា​បង្ហាញ​ថា hard disk របស់​លោកអ្នក​កំពុង​ទទួល​រងការខូច sectors មួយចំនួន ដូច្នេះ​លោកអ្នក​គួរតែប្រញាប់សង្គ្រោះ​ទិន្នន័យ​ទៅកាន់ hard disk ថ្មីមួយ​ផ្សេងទៀត និង​ធ្វើការ​ជួសជុល hard disk នោះជាបន្ទាន់ ។  ក្រៅពី​បង្ហាញ​សញ្ញាដូច​ខាងលើ​យើងអាចដឹងពី​បញ្ហា bad sectors តាមរយៈ​ការធ្វើតេស្តដូច​ខាងក្រោម​ជាមួយនឹង tools ដែល​មានស្រាប់របស់ Microsoft Windows ៖
គេអាចត្រួត​ពិនិត្យ hard disk នោះ​តាមរយៈ  
.​ ចុច Start menu របស់ Windows បន្ទាប់មក​យក Computer រួច​ជ្រើសរើស hard disk ដែល​លោកអ្នក​ចង់ត្រួត​ពិនិត្យ​ bad sector សូមមើលរូប B03 និង B04 បន្ទាប់ពី​បានឃើញ​ផ្ទាំង​ដូចរូប B04 សូម​ជ្រើសរើស​យក Properties
.​ ចុចលើ Tools បន្ទាប់មក​ចុចលើប៊ូតុង Check Now ដូចរូប B05 ក្រោយពីនេះ​លោកអ្នក​នឹងបានឃើញដូចរូប B06 ដកធីកពី Automatically fix file system errors រួចចុច Start
៣.​ ជាចុង​បញ្ចប់​លោកអ្នក​នឹងបាន​ផ្ទាំង​ដូចរូប B07 បង្ហាញ​ពី​ព័ត៌មាន​នៃ hard disk ដែល​អ្នកបាន​ធ្វើការ​ត្រួត​ពិនិត្យ​
​តាមរយៈ​ព័ត៌មាន​ខាងលើ​លោកអ្នក​នឹងបានដឹងថា hard disk នោះមាន bad sector ឬ​ក៏​អត់ហើយបើសិនជាបានដឹងថា វាមាន bad sectors លោកអ្នក​ត្រូវតែជួសជុលវា និង​ធ្វើការ​សង្គ្រោះ​ទិន្នន័យ​ទៅកាន់ hard disk ថ្មីជាបន្ទាន់ ។ ប៉ុន្តែ​ទោះបីជា hard disk របស់​លោកអ្នក​ត្រូវបាន​ជួសជុលពី​បញ្ហា​ខូច sectors នេះហើយ​ក៏​ដោយ លោកអ្នក​ក៏​មិន​ត្រូវ​ផ្ដល់​នូវ​ទំនុកចិត្តខ្លាំងក្លាទៀតនោះដែរ​ក្នុង​ការផ្ទុក​ទិន្នន័យ​សំខាន់​ៗ​ជាមួយនឹង hard disk មួយនោះ ពី​ព្រោះ​តម្លៃ​នៃ​ទិន្នន័យ​របស់​លោកអ្នក​វាថ្លៃជាង​តម្លៃ​នៃការទិញ hard disk ថ្មីទៅទៀត ។
ទស្សនាវដ្ដី ANT បាន​ភ្ជាប់​នូវ​កម្មវិធី​មួយ​ឈ្មោះ​ថា Windows Surface Scanner នៅ​ក្នុង CD ប្រចាំលេខ២៣នេះ ។ កម្មវិធី Windows Surface Scanner អាចត្រួត​ពិនិត្យ bad sectors របស់ hard disk នោះបានល្អនិងច្បាស់ជាងការធ្វើតាមវិធី​ខាងលើ ។ ក្នុង​រូប B08 គឺជា​ផ្ទាំង​បង្ហាញ​ពី bad sectors របស់ 
hard disk ដូច​គ្នា​ខាងលើ​ហើយអ្វី​ដែល​យើងបានឃើញពីភាពខុស​គ្នា​គឺថាវិធី​ខាងលើ​ពុំបាន​បង្ហាញ​ពីកំហូចរបស់ hard disk លម្អិត​នោះឡើយ ។
*** ដកស្រង់ចេញពី​ទស្សនាវដ្ដី​អាន-ANT ច្បាប់​ទី ២៣ ប្រចាំខែ​កុម្ភៈ ឆ្នាំ ២០១១

 

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា