For Android device For iOS device

ធ្នូ

លីលីមិន​ស្គាល់​អ្វីទៅជា IT បច្ចុប្បន្ន​ក្លាយជាសហស្ថាបនិករបស់...

​តាមរយៈ​បទសម្ភាសន៍ជាមួយយុវតីរូបនេះ​បាន​ឲ្យ​ដឹងថា “ខ្លួននាង​ផ្ទាល់​មិន​ដែល​ទាំង គិតសោះថានឹងចាប់យកជំនាញ IT សូម្បីតែបន្ថិច ហើយនាងបានបន្តទៀតថា តាំងពីតូចមកក្ដីស្រមៃរបស់នាងគឺចង់ក្លាយខ្លួនជាឪសថការីមួយរូ​ប ប៉ុន្ដែ​ដោយសារ​តែជីវភាពគ្រួសារ ដូច្នេះហើយបាន​សម្រេច​ចិត្តរៀន​ផ្នែក​បច្ចេកវិទ្យា​វិញ ។

​ក្រឡេក​មកមើល​បច្ចុប្បន្ន​នេះ ចៅ ជិញលីលី បានវិវដ្តខ្លួនពីមនុស្ស​ដែល​មិនយល់អ្វីសោះជា IT ប្រែក្លាយខ្លួនជាសហស្ថាបនិកមួយរូបរបស់ PAPA Deliver ។

♦ ការ​សិក្សា​នៅទីក្រុងភ្នំពេញ

មានឈាមជ័រជាអ្នកបន្ទាយមានជ័យ លីលី បានទទួលអាហារូបករណ៍​រយៈពេល​៤​ឆ្នាំ​ពី វិទ្យាស្ថានជាតិ NIPTICT លើជំនាញពាណិជ្ជកម្មអេឡិចត្រូនិក (e-Commerce) នៅ​ក្នុង​ទីក្រុងភ្នំពេញ ។ ដោយសារ​តែខ្លួននៅខ្វះខាត​មូលដ្ឋាន​គ្រឹះនៃ​បច្ចេកវិទ្យា លីលី បាន​សម្រេច​ចិត្តចូលរៀន ជំនាញខ្លី​បន្ថែម​ទៀត នៅសាលាបណ្តុះបណ្តាល​បច្ចេកវិទ្យា អាន-ANT (ANT Technology Training Center) ដោយចាប់យកមុខវិជ្ជា HTML, CSS, Bootstrap អស់​រយៈពេល​ជិតមួយ​ឆ្នាំ ។

​បញ្ហា​ប្រឈម​ក្នុង​ការ​សិក្សា​

​ដោយសារ​តែខ្លួនជាស្រ្តីម្នាក់​នៅលើ​វិស័យ​បច្ចេកវិទ្យា វាពិតជាមានផលលំបាកខ្លាំងណាស់ ។ ជា​ទូទៅ​មហាជនជា​ច្រើន​គិតថា IT គឺជាជំនាញ​ផ្ដាច់​មុខរបស់មនុស្សប្រុសតែប៉ុណ្ណោះ ។ លើសពីនេះទៀត ការ​សិក្សា​លើ​បច្ចេកវិទ្យា​នេះ គឺទាមទារ​ឲ្យ​មានការអនុវត្តជាប្រចាំ​ថ្ងៃ និងទាមទារ​ឲ្យ​មានការអត់ធ្មត់​ខ្ពស់ រូម​ជាមួយនឹង​ការ​សិក្សា​ស្រាវជ្រាវ​ដោយខ្លួនឯង​ផងដែរ ។

♦ តើមូលហេតុអ្វីបានជាក្រុមរបស់ប្អូន បង្កើត​បច្ចេកវិទ្យា​មួយនេះ?

ដោយសង្កេតឃើញថា៖ បងៗ​ម្ចាស់អាជីវកម្មពិបាក​ក្នុង​ការ​បង្កើត​បច្ចេកវិទ្យា​ដោយខ្លួនឯង ហើយការ​បង្កើត​បច្ចេកវិទ្យា​ក៏​មាន​តម្លៃ​ថ្លៃ​ផងដែរ​នោះ ។ ក្រុមរបស់យើង​ក៏​សម្រេច​ចិត្ត បង្កើត​បច្ចេកវិទ្យា​ទំនើបមួយនេះឡើង ដែល​មាន​តម្លៃ​ធូរថ្លៃ​ក្នុង​ការជួយដល់ម្ចាស់អាជីវកម្ម ក្នុង​ស្រុក ដើម្បី​ងាយស្រួល​ធ្វើការ​ប្រកួតប្រជែងទីផ្សារ​ជាមួយនឹង​ក្រុមហ៊ុន​បរទេសផ្សេងៗ​ទៀត ។ បច្ចុប្បន្ន​នេះយើងមានភ្នាក់ងារដឹកជញ្ជូនជិត ២០​ក្រុមហ៊ុន​មាន​ដូចជា ដឹក KH, Quick Delivery, NC Delivery, SALY V.I.P, ជា​ច្រើន​ទៀត​ដែល​កំពុង​តែ​ប្រើ​ប្រាស់​បច្ចេកវិទ្យា​របស់យើង និងមានប្រមាណជាង២០​ក្រុមហ៊ុន​ទៀត​ដែល​កំពុង​តែ​ធ្វើការ​ចរចារ ។

គួរ​បញ្ជាក់​ផងដែរ តាំងពីចាប់ផ្ដើម​ដំណើរ​ការ​រហូត​មកដល់សព្វ​ថ្ងៃ​នេះ PAPA Deliver បាន​ចូលរួម​លើកស្ទួយដល់វិស័យដឹកជញ្ជូននៅ​ក្នុង​ប្រទេស​កម្ពុជា ។ ជា​ពិសេស PAPA Deliver បានជាប់ពានរង្វាន់​ថ្នាក់​ជាតិពី​កម្មវិធី Alibaba GET Global Challenge ក្នុង​ឆ្នាំ​២០២០ នេះ​ផងដែរ ។

→ យោងតាមពិសោធន៍របស់លីលី​ផ្ទាល់​បាន​បញ្ជាក់​ថា៖

ការ​សិក្សា​លើ​បច្ចេកវិទ្យា​គឺផ្ដោត​សំខាន់​លើការអនុវត្តន៍​ច្រើន និងរួមផ្សំ​នូវ​ការ​សិក្សា​ស្រាវជ្រាវ​ដោយខ្លួនឯង​បន្ថែម​ទៀត ដើម្បី​បង្កើន​នូវ​ចំណេះដឹង​ទ្វេដង ។ ហើយការមិនចេះ​កុំព្យូទ័រ​នៅវិទ្យាល័យមិនមែនជា​បញ្ហា​នោះទេ សម្រាប់​អ្នក​ដែល​ចង់​សិក្សា​លើមុខជំនាញ​បច្ចេកវិទ្យា​នេះ ៕

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា