For Android device For iOS device
២៩
មេសា

មេរៀនទី ៩៖ ការ​ប្រើ​ប្រាស់ Arrays

→ ទម្លាប់​ស្រាវជ្រាវ និងស្វែងយល់ពី​បច្ចេកវិទ្យា​ថ្មីៗ​ជាអ្វី​ដែល​និស្សិត IT គួរតែអនុវត្តន៍

→ ហេតុអ្វីអ្នកត្រូវ​សិក្សា​មេរៀនទី ៩៖

មេរៀនទី៩នេះនឹងនាំ​ឲ្យ​អ្នកដឹង​នូវ​ចំណុច​ដូច​ខាងក្រោម​៖

- តើអ្វីទៅជា array?

- របៀប​បង្កើត និងការ​ប្រើ​ប្រាស់ arrays

- របៀប​បង្កើត និង​ប្រើ​ប្រាស់ character arrays

- ការ​ប្រើ​ប្រាស់ និងការផ្ទេរ string

- ការ​ប្រើ​ប្រាស់ Parallel Arrays,  2D Arrays និង xD Arrays

អត្ថាធិប្បាយអំពី Arrays

អស់មេរៀនចំនួន​៨ហើយ ដែល​អ្នកបាន​ប្រើ​ប្រាស់ variables ​ក៏ ប៉ុន្តែ variables ​ទាំងនោះ គឺអាច​រក្សាទុក​បានតែ​តម្លៃ​ទោល គឺ​មានន័យថា បើមាន​តម្លៃ​ថ្មី​ណាមួយ​ដែល​បាន​ផ្ដល់​ឲ្យ​ទៅកាន់ variables នោះ​តម្លៃ​ចាស់​ដែល variables កំពុង​រក្សាទុក នឹងត្រូវ​ជំនួសដោយ​តម្លៃ​ថ្មី​ដែល​ទើប​ផ្ដល់​ឲ្យ ។ កូដ៩.១​ខាងក្រោម​នេះនឹង​បង្ហាញ​អ្នកពី​លទ្ធភាព​នៃការ​រក្សាទុក​តម្លៃ​របស់ variable ​ទូទៅ​ដែល​អ្នក​ធ្លាប់​បាន​ប្រើ​កន្លងមក៖

​លទ្ធផល output

វាមិនមែនមានតែ variable ​ប្រភេទ​ជា float នោះទេ​ដែល​មិនអាច​រក្សាទុក​បាន​ច្រើន​តម្លៃ​នោះ គឺគ្រប់​ប្រភេទ variables ​ដែល​អ្នក​ធ្លាប់​បានរៀនកន្លងមកទាំង៨មេរៀនដំបូងនៅ​ក្នុង​សៀវភៅនេះ ដូចជា char, int, double, short, bool string… គឺសុទ្ធតែ​មិនអាច​រក្សាទុក​តម្លៃ​បានលើសពីមួយ​តម្លៃ​ឡើយ ។

ដើម្បី​ឲ្យ​អ្នកងាយយល់ និងដឹងពីមូលហេតុអ្វី​ដែល​តម្រូវ​ឲ្យ​ខ្ញុំ​លើកយកមេរៀន arrays នេះមក​ធ្វើការ​ពន្យល់ ហើយ ដើម្បី​ឲ្យ​អ្នកដឹងពីអត្ថប្រយោជន៍​នៃការ​ប្រើ​ប្រាស់ arrays នៅ​ក្នុង​សំណង់ programs ធំៗ​នោះ ជាដំបូង​ខ្ញុំ​នឹងលើកយកឧទាហរណ៍​តូចមួយនៃការ​បង្កើត program ដើម្បី​បញ្ចូល​អាយុមនុស្សចំនួន​៥នាក់ ។

តើអ្នកគិតថាត្រូវធ្វើដូចម្ដេច ដើម្បី​បង្កើត​កូដ​សម្រាប់​បញ្ចូល និង​រក្សាទុក​អាយុមនុស្សទាំង៥នាក់នេះ? ប្រហែលអ្នកអាចនឹងគិតដូច​ខាងក្រោម​៖

- ​បង្កើត variables ចំនួន៥ តំណាង​ឲ្យ​អាយុមនុស្សទាំង៥នាក់

- ​ឲ្យ user ​បញ្ចូល​អាយុ​ទៅកាន់ variables ​នីមួយៗ​

ជាការពិតអ្នកអាចធ្វើតាម algorithm ខាងលើ​ដោយ​សម្រេច​ចេញជាកូដបានដូចកូដ ៩.២ បន្ទាប់នេះ ។

​លទ្ធផល output

តាមកូដ៩.២ និង​លទ្ធផល​ខាងលើ វាពិតជាអាចដោះស្រាយ​បញ្ហា​ដែល​ខ្ញុំ​បានចោទសួរ ។ ប៉ុន្តែ​អ្នកអាចគិត នេះ​គ្រាន់តែ​ជាការ​បញ្ចូល​អាយុមនុស្សតែ៥នាក់ប៉ុណ្ណោះ ហើយ​ខ្ញុំ​មិនទាន់​និយាយពីការ​បង្ហាញ​លទ្ធផល​នៃអាយុ​ទាំងនោះ​មកវិញ​ទៅតាម​លំដាប់អាយុធំ ឬ​តូច ឬ​ក៏​បង្ហាញ​អាយុតាមការ​ស្វែងរក​នៃអាយុមនុស្សណាម្នាក់នោះផង គឺអ្នកត្រូវ​សរសេរ​កូដ​ច្រើន​បែបនេះទៅហើយ ចុះបើមានអាយុមនុស្ស​ច្រើន​ជាងនេះ ហើយត្រូវ​បង្ហាញ​លទ្ធផល​នៃអាយុ​ទាំងនោះ​មកវិញ​ទៅតាម​លំដាប់អាយុធំ ឬ​តូច ឬ​ក៏​បង្ហាញ​អាយុតាមការ​ស្វែងរក​នៃអាយុមនុស្សណាម្នាក់ផងនោះ តើកូដនឹង​ច្រើន​បែបណា? ម្យ៉ាង​ទៀតទោះបីជាអ្នក​សរសេរ​កូដ​ច្រើន​បែបណា ក៏​វា​មិនអាច​ដោះស្រាយ​បញ្ហា​បានត្រឹមត្រូវនោះដែរ ឧបមារថា user ចង់​បង្ហាញ​ចន្លោះអាយុពី​តម្លៃ​មួយ ទៅកាន់​តម្លៃ​ណាមួយ​ផ្សេងទៀត តើអ្នកគួរ​សរសេរ​កូដបែបណា? បើអ្នកមិនចេះពីការ​ប្រើ​ប្រាស់ arrays ឬ​ក៏ pointers ( ប៉ុន្តែ​ក្នុង​មេរៀននេះ ខ្ញុំ​ពុំបាន លើកពី pointers មកពន្យល់នៅឡើយទេ) បើដូច្នេះតើអ្វីទៅជា array?

♦ អ្វីទៅជា Arrays

Array គឺជា variables ដ៏​ពិសេស​មួយ ខុសពី variables ធម្មតាទាំងឡាយ ដោយ​សមត្ថភាព​របស់ array variables គឺវាអាច​រក្សាទុក​បាន​ច្រើន​តម្លៃ​ដោយ​តម្លៃ​នីមួយៗ​ត្រូវមាន​ប្រភេទ​ទិន្នន័យ​ដូចៗ​គ្នា ។ ដើម្បី​ឲ្យ​ងាយយល់ ខ្ញុំ​អាច​បំប្លែង​ការ​បង្កើត variables ​ដែល​មាននៅ​ក្នុង​កូដ៩.២ ទៅជា variable ថ្មីមួយ​ផ្សេងទៀត​ដែល​មាន​ប្រភេទ​ជា array variable ដូច​ខាងក្រោម​៖

ឥឡូវនេះ​ខ្ញុំ​បានប្រមូល age1, age2, age3, age4 និង age5 ​ដែល variables ​ទាំងអស់​នេះសុទ្ធតែមាន ប្រភេទ​តម្លៃ​ដូចៗ​គ្នា​គឺ int ទៅជា variable តែមួយគឺ age ​ដែល​ជា array variable ។ អ្វី​ដែល​អ្នកបានឃើញភាពខុស​គ្នា​ជាបឋមរវាង variables ធម្មតា ជាមួយនឹង array variable គឺ ទម្រង់​នៃការ​បង្កើត​របស់ពួកវា ។

​ខាងក្រោម​នេះ គឺជា​ទម្រង់​ទូទៅ​នៃការ​បង្កើត array variables នៅ​ក្នុង​ភាសា C++

DataType  ArrayName [Num_Elements] ;

- DataType គឺសំដៅ​ទៅលើ​ប្រភេទ​តម្លៃ របស់ elements ​នីមួយៗ ក្នុង​ឧទាហរណ៍​ខាងលើ​គឺ int

- ArrayName គឺសំដៅលើ​ឈ្មោះ array variable ​ដែល​អ្នកអាចដាក់​ឈ្មោះ​អ្វី​ក៏​បាន ក្នុង​ឧទាហរណ៍​ខាង
លើគឺ age

- Num_Elements គឺសំដៅលើចំនួន elements ឬ​ហៅថាចំនួនធាតុរបស់ array និយាយ​ឲ្យ​ងាយយល់ គឺ
 សំដៅលើចំនួន​តម្លៃ​ដែល​អ្នកចង់​ឲ្យ
array variable នោះអាច​រក្សាទុក​បាន ។ ក្នុង​ឧទាហរណ៍​ខាងលើ គឺ 5 តំណាង​ឲ្យ​ចំនួន៥​តម្លៃ ឬ 5 elements ឬ​ហៅថា ៥ធាតុ ។

ដូច្នេះបើកូដ​សរសេរ int age [5] គឺ​មានន័យថា “age ជា array variable ​ដែល​អាច​រក្សាទុក​តម្លៃ ដែល​មាន​ប្រភេទ​ជា integer បាន​រហូត​ដល់៥​តម្លៃ​ ។ ខាងក្រោម​គឺជា array variables ផ្សេងៗ​ទៀត មួយចំនួន​ដែល​អ្នកអាចមើលជា​គំរូ ។

float temperature [100] ; // temperature អាចផ្ទុកបាន១០០​តម្លៃ ជា​ប្រភេទ float

string names [50] ; // names អាចផ្ទុកបាន ៥០ ឈ្មោះ​

long units [30] ; // units អាចផ្ទុកបាន ៣០​តម្លៃ ជា​ប្រភេទ​ long

double sizes [1200] ; // sizes អាចផ្ទុកបាន ១២០០​តម្លៃ ជា​ប្រភេទ​ double

 ​ក្នុង​រូបភាព​ខាងក្រោម នឹង​បង្ហាញ​អ្នកពីរបៀបផ្ទុក​តម្លៃ​របស់ array variable age នៅ​ក្នុង​ RAM

→ សម្រាប់​អត្តបទទាំងស្រុងនៃមេរៀនទី ៩ មានចំនួន ៦៤ទំព័រ នេះសូមអ្នក​ទាំងអស់​គ្នា​ចូលទៅ Download កម្មវិធី ANTLearner សម្រាប់ Android & Windows តាម Link ខាងក្រោម ៖  http://www.antclasses.com/help/page/download.html

​ក្នុង​នោះ​ផងដែរ​កម្មវិធី ANTLearner និង​ចូលរួម​ចំណែក​យ៉ាង​សកម្ម ក្នុង​ការបង្រៀន​វគ្គ online learning នៅអាន -ANT ដោយសិស្ស គ្រាន់តែ​ប្រើ​ប្រាស់ ID ដែល​ប្អូនៗ​បានចុះ​ឈ្មោះ​រៀននៅអាន -ANT ដើម្បី​ទាញយក​វីឌីអូ ឬ​ឯកសាផ្សេងៗ​ដែល​គ្រូ ឬ​សាលាបាន​ផ្ដល់​ឲ្យ​បំពេញ បន្ថែម​នូវ​ការង្រៀន​តាមរយៈ​online របស់យើង​ខ្ញុំ ។
→ ទាញយក​កម្មវិធី ANTLearner  http://www.antclasses.com/help/page/download.html

​សម្រាប់​លោកអ្នក​ដែល​ចង់បានអត្ថបទ ចំណេះដឹង ឬ​វគ្គ​សិក្សា​បើកថ្មីៗ​នៅអាន-ANT សូមចុច Like លើ Page

https://www.facebook.com/ant.com.kh & https://www.facebook.com/anttrainning

​ប្រសិនបើ​លោកអ្នក​ចង់តាមដាន ឬ​មានចម្ងល់​ទាក់ទងនឹង​កម្មវិធី​ ANTLearner  ឬ​កម្មវិធី​ជា​ច្រើន​ទៀត​បង្កើត​ដោយអាន-ANT សូមចុច Like https://www.facebook.com/ANTTechnologyTrainingCenter

​ប្រសិនបើ​លោកអ្នក​មាន​បំណង​ចែករំលែង​ចំណេះដឹង​ IT ដល់សមាជិក​ដទៃ​សូមចូល​ទៅកាន់​ Group https://www.facebook.com/groups/ANTTrGroup/

. ​ប្រសិនបើ​មានចង្ងល់ ឬ​មាន​សំណួរ​ផ្សេងៗ​សូម​ផ្ញើ​សារចូល Facebook : https://www.facebook.com/anttrainning

លេខ​ទូរសព្ទ​ទំនាក់ទំនង ០១០/០១៦ ៦៦៦ ៦៥៣

💒ទីតាំង​ #86B ​ផ្លូវ​ 313 កែង 606 សង្កាត់បឹងកក់២ ទួលគោក

https://maps.app.goo.gl/cdi3hTED27tbHBaB9

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា