ដោយអតីតសិស្ស ហ៊ន់ ណាំហ៊ង ធ្លាប់រៀនវគ្គសិក្សា៖ ១. C/C++ ២. C# Beginning , ៣. C# Database programming , ៤. C# Project , ៥. Java Programming , ៦. PHP+MySQL

♦ ព័ត៌មានគាត់ដែលសិក្សានៅអាន-ANT http://training.antkh.com/students/?s=610

ខ្ញុំបាទ ហ៊ន់ ណាំហ័ង បច្ចុប្បន្នគឺជា Web Developer នៅក្រុមហ៊ុន C L Air Express

ដោយមានការស្រឡាញ់ចូលចិត្តកុំព្យូទ័រ ជាខ្លាំង ខ្ញុំក៏សម្រេចចិត្តជ្រើសរើសរៀនជំនាញ IT ផ្នែក Software Development នៅសាកលវិទ្យាល័យ ន័រតុន នៅក្នុងឆ្នាំ ២០១៣ ពេលចាប់ដំបូងខ្ញុំមានការបារម្ភថា ជំនាញមួយនេះមិនមានភាពងាយស្រួលប៉ុន្មាននោះទេ តែដោយសារការស្រឡាញ់នឹងចូលចិត្តផ្នែកនេះខ្លាំង ខ្ញុំក៏សម្រេចចិត្តរៀនវគ្គខ្លីៗខាងក្រៅបន្ថែមទៀត ខណៈនោះដោយមានការណែនាំពីរៀមច្បង ក៏ដូចជាមិត្តភក្កិជាច្រើនដែលរៀននៅសាកលវិទ្យាល័យជាមួយគ្នា ខ្ញុំក៏ចុះឈ្មោះរៀនមុខវិជ្ជា C/C++ នៅ ថ្នាក់បណ្តុះបណ្តាលបច្ចេកវិទ្យា អាន-ANT ពេលបានរៀនធ្វើឲ្យខ្ញុំចូលចិត្តផ្នែក IT នេះកាន់តែខ្លាំងឡើងៗ ហើយក៏បន្តរៀនផ្នែក C# Beginner and Database បន្ថែមទៀត ។

♦ ស្នាដៃបញ្ចប់វគ្គសិក្សា C# Database របស់គាត់នៅអាន-ANTសូមចូលទៅកាន់ http://training.antkh.com/achievements/531.aspx

ខ្ញុំតែងតែធ្វើ Homework ក៏ដូចជា Assginment មិនដែលរំលងនោះទេ មានពេលខ្លះគ្រូមិនបានដាក់ Homework ឲ្យតែខ្ញុំក៏មិនបណ្តោយឲ្យពេលវេលាទំនេរច្រើននៅផ្ទះ ឲ្យកន្លងផុតទៅទទេៗនោះដែរ ខ្ញុំតែងតែដាក់ Homework ឲ្យខ្លួនឯងបន្ថែមទៀតព្រោះ មានតែកិច្ចការទាំងនេះហើយ ដែលធ្វើឲ្យយើងកាន់តែស្វែងយល់ពី Programming Language កាន់តែខ្លាំងឡើងៗមានពេលខ្លះរៀនដាច់យប់ ភ្លេចបាយភ្លេចទឹកក៏មាន ពេលនោះក៏មានមិត្តភក្កិមួយចំនួនគាត់សួរថា តើធុញដែរទេដែលមួយថ្ងៃៗនៅតែពីមុខកុំព្យូទ័រ ? ខ្ញុំក៏ប្រាប់គាត់ថាអត់ទេ ព្រោះវាកើតចេញពីការស្រឡាញ់ពីក្នុងចិត្តព្រោះការសិក្សាលើមុខវិជ្ជានេះហាក់បីដូចជាលេង Game ដែរ កាន់តែលេង កាន់តែជក់ កាន់តែរៀន កាន់តែចង់ចេះចង់ដឹង បន្ថែមទៀត ជាពិសេសនោះ គឺកិច្ចការដែលយើងធ្វើនោះ ទទួលបានជោគជ័យវាពិតជាមានភាពសប្បាយចិត្តមែនទែន ។ តែ ទោះបីជាយ៉ាងណាក៏ដោយ ក៏មិនត្រូវគិតតែពីរៀនរហូតនោះ ដែរយើងគួរណាតែមាន ពេលណាមួយសម្រាប់លំហែរខួរក្បាលខ្លះដែរ ជាពិសេសនោះពេលដែលជាប់គាំងនូវចំណុចណាមួយ ដែលយើងធ្វើមិនចេញ គិតយ៉ាងណាក៏មិនចេញ ខណ´នោះដំណោះស្រាយដែល ខ្ញុំត្រូវធ្វើនោះគឺមាន២៖

១. យកបញ្ហានោះទៅសួរដល់លោកគ្រូអ្នកគ្រូ ក៏ដូចជាមិត្តភក្កិដទៃទៀត ដើម្បីជួយរកដំណោះស្រាយ

២. ដើរលំហែរខួរក្បាលបន្តិច ព្រោះពេលខ្លះពេលដែលយើង ព្យាយាមគិតពីវាខ្លាំងពេក វាក៏រឹតតែធ្វើឲ្យយើងកាន់តែឈឺក្បាល

កាន់តែខ្លាំងឡើងដែរ ដូច្នេះយើងគួរណាតែផ្អាកគិតពីវាបន្តិចរួចមកធ្វើអ្វីមួយសប្យាយៗ ដែលមិនធ្វើឲ្យខួរក្បាលរបស់យើង

មានភាពស្មុគ្រស្មាញ ពេលខ្លះវាក៏អាចឲ្យនឹកឃើញនូវដំណោះស្រាយនោះដោយមិនដឹងខ្លួនក៏មាន នេះបើតាមបទពិសោធន៍

ដែលខ្ញុំធ្លាប់មានពីមុនមក ។ ជាចុងក្រោយ ដើម្បីក្លាយជាបុគ្គលម្នាក់ដែលទទួលបានជោគជ័យលើវិស័យបច្ចេកវិទ្យាអាយធី យើងមិនត្រូវមើលរំលង Homework ឬ Assignment ដែលគ្រូដាក់ឲ្យជាដាច់ខាត នឹងត្រូវរៀនស្រាយជ្រាវខ្លួនឯងបន្ថែមទៀត ៕

មតិ និងយោបល់ទៅលើអត្ថបទនេះ (តាម Facebook)

ខាងក្រោមនេះជាយោបល់ផ្សេងៗរបស់អ្នកទស្សនា

រៀន Programming ប្រៀប​ដូចជា​ការលេង Game កាន់តែលេងកាន់តែជក់

មតិ និង​យោបល់​ទៅលើ​អត្ថបទ​នេះ (តាម Facebook)

រៀន Programming ប្រៀបដូចជាការលេង Game កាន់តែលេងកាន់តែជក់

មតិ និងយោបល់ទៅលើអត្ថបទនេះ (តាម Facebook)