កក្កដា
ស្វែងយល់ពីភាសា Java
♦ រៀបរៀងដោយ លោក អ៊ុក រស្មី ត្រួតពិនិត្យ និងកែសម្រួលអត្ថបទឡើងវិញដោយលោក ទុម សកល
Java គឺជាភាសាកម្មវិធីមានប្រជាប្រិយភាពមួយ ដោយសារវាមានប្រយោជន៍ទូលំទំលាយ ។ គេអាចប្រើ Java សរសេរកម្មវិធីសម្រាប់សហគ្រាសអាជីវកម្មធំៗ, កម្មវិធី internet-based applications, កម្មវិធី software នៅលើឧបករណ៍ទំនាក់ទំនងជាបណ្តាញ, និងកម្មវិធី Android apps នៅលើ smart phones ឬ tablets ។ ជាពិសេស គេអាចទាញយកកម្មវិធី Java web-application ពី internet មកប្រើលើកុំព្យូទ័ររបស់គេ បើទោះជាកុំព្យូទ័ររបស់ពួកគេមាន platforms ផ្សេងៗគ្នា ដូចជា Window, Mac, ឬ Linux ក៏ដោយ ។ នេះក៏ព្រោះតែ Java មិនរើស platform (platform-independent) ឬ ជា cross-platform ។ កត្តាសំខាន់ដែល Java អាចដំណើរការនៅលើ platform ផ្សេងៗគ្នាបាន គឺដោយសារ Bytecode ។
♦ ចុច Like គេហទំព័រ www.antkh.com ដើម្បីទទួលបានអត្ថបទថ្មីៗដែលទាក់ទងនឹងបច្ចេកវិទ្យារៀងរាល់ថ្ងៃ
រូបខាងក្រោម “Java ជាភាសាដែលមានតម្រូវការទីផ្សារការងារទី១ លើពិភពលោក” បង្ហាញដោយគេហទំព័រដ៏ល្បីល្បាញមួយ ឈ្មោះ www.techrepublic.com ។
ជាទូទៅ ក្នុងដំណើរការភាសាកម្មវិធី ម៉ាស៊ីន computer មិនអាចយល់ភាសា programming ដូចជា C, C++, Java, C#, VB ដែលមនុស្សអាចយល់បាននោះទេ ។ Computer អាចយល់តែភាសាម៉ាស៊ីន (binary code) ដែលមានលេខតែពីរគត់ គឺលេខ ០ និងលេខ ១ ដែលតម្រៀបតៗគ្នានិងឆ្លាស់គ្នា ។ លុះត្រាតែមានការបំប្លែងភាសា programming ដូចជា C, C++, Java, C#, VB ឲ្យទៅជាភាសាម៉ាស៊ីន (binary code) ទើប computer អាចយល់ភាសា programming ទាំងនោះបាន ។
ដូចគ្នាដែរ មនុស្សពិបាកសរសេរកម្មវិធីកុំព្យូទ័រ ដោយប្រើភាសាម៉ាស៊ីនផ្ទាល់ ដូចជា binary code, OP code (operation code) , ឬ assembly language ណាស់ ។ ហេតុនេះ គេបង្កើតភាសាកម្មវិធីជាច្រើន ដូចជា C, C++, Java, C#, VB ដើម្បីឲ្យងាយស្រួលក្នុងការសរសេរកម្មវិធីកុំព្យូទ័រ ព្រោះមនុស្សងាយយល់ភាសាទាំងនេះ ជាងភាសាម៉ាស៊ីន ។
រូបខាងក្រោម “ដំណើរការភាសាកម្មវិធីទូទៅ (ក្រៅពីភាសា Java” នៅលើកុំព្យូទ័រ ។ រូបនេះ បង្ហាញដំណើរការទៅវិញទៅមក ចេញពីការសរសេរកូដបង្កើត source code និងបំប្លែងឲ្យទៅជាភាសាម៉ាស៊ីន (ដូចជា binary code) ដើម្បីបញ្ជាកុំព្យូទ័រឲ្យធ្វើអ្វីមួយ ។
ប៉ុន្តែ Java ខុសពីភាសា programming ដទៃទៀតបន្តិច ត្រង់ថា មិនមានការបំប្លែង Java source code ដែលមនុស្សសរសេរ ឲ្យទៅជាភាសាម៉ាស៊ីនភ្លាមទេ គឺមានការបំប្លែង (compile) Java source code នោះ ឲ្យទៅជា bytecodes សិន ។ បន្ទាប់មក នៅពេលដែលយើងដំណើរការ (execute) កម្មវិធី ម៉ាស៊ីនសិប្បនិម្មិតមួយនៅក្នុងកុំព្យូទ័រឈ្មោះ JVM (Java Virtual Machine) នឹងបកប្រែ (interpret) bytecodes នោះ ឲ្យទៅជាភាសាម៉ាស៊ីន ដើម្បីបញ្ជាកុំព្យូទ័រឲ្យធ្វើការអ្វីមួយ ។
រូបខាងក្រោម “ដំណើរការ Java នៅលើកុំព្យូទ័រ” ។ រូបនេះ បង្ហាញដំណើរការទៅវិញទៅមក ចេញពីការបង្កើត Java source code បន្ទាប់មកបំប្លែងឲ្យទៅជា bytecode និងចុងក្រោយ បកប្រែ (interpret) bytecode ឲ្យទៅជាភាសាម៉ាស៊ីន (binary code) ដើម្បីបញ្ជាកុំព្យូទ័រឲ្យធ្វើអ្វីមួយ ។
Bytecode គឺជាកូដមួយប្រភេទ ស្រដៀងនឹងកូដម៉ាស៊ីន ដែលអាចប្រើបាននៅលើ platform ទាំងអស់ មិនថា Windows, Mac, និង Linux ទេ មានន័យថា bytecode នៅលើ Windows ក៏ដូចជា bytecode នៅលើ Mac ក៏ដូចជា bytecode នៅលើ Linux គឺមិនខុសគ្នាទេ ។ ចំណែកឯ binary code ដែលជាភាសាម៉ាស៊ីន មិនមានគុណសម្បត្តិបែបនេះទេ ។ Binary code របស់ម៉ាស៊ីនមួយ ប្រើសម្រាប់ប្រភេទម៉ាស៊ីនមួយ មិនអាចប្រើជាមួយគ្រប់ប្រភេទម៉ាស៊ីន ឬ គ្រប់ platform បានទេ ។
ការដែលបំប្លែង Java source code ឲ្យទៅជា bytecode សិន មុនពេលបកប្រែឲ្យទៅជាភាសាម៉ាស៊ីន (binary code) ធ្វើឲ្យ Java code អាចដំណើរការលើគ្រប់ platforms ទាំងអស់ ឲ្យតែ computer នោះមាន JVM ។ នេះជាបច្ច័យធ្វើឲ្យ Java ជាភាសាមិនរើស platform (platform-independent) សរសេរម្តង ដំណើរការនៅទីណាក៏បាន WORA (Write Once Run Anywhere) ។ ហេតុដូច្នេះហើយទើបភាសាកម្មវិធី Java ងាយស្រួលប្រើប្រាស់ ហើយមានប្រជាប្រិយភាព ។
→ សម្រាប់អត្ថបទបន្ថែម ជីវប្រវត្តិសង្ខេបរបស់ស្ថាបនិកបង្កើតភាសា Java
♦♦ ប្រសិនបើមានចង្ងល់ ឬមានបញ្ហាលើការដំឡើងកម្មវិធីផ្សេងៗដែលបង្កើតដោយអាន-ANT ដូចផ្ញើសារចូល Page: https://www.facebook.com/ANTTechnologyTrainingCenter ឬ https://t.me/ANT_Training
ទីតាំងថ្មី៖ #42 ផ្លូវ 606 ខណ្ឌទួលគោក ភ្នំពេញ (ចម្ងាយពីទីតាំងចាស់ 
350ម៉េត្រ) 
មតិ និងយោបល់ទៅលើអត្ថបទនេះ (តាម Facebook)
ខាងក្រោមនេះជាយោបល់ផ្សេងៗរបស់អ្នកទស្សនា