For Android device For iOS device
២៣
វិច្ឆិកា

ការ​ប្រើ​ប្រាស់ MaskedTextBox នៅលើ Windows Applications Form

MaskedTextBox គឺជា Control មួយ​ដែល​ត្រូវបាន​ប្រើ​ប្រាស់​នៅ​ក្នុង Microsoft Visual Studio ។ វាមានសណ្ឋានដូច​គ្នា​ទៅនឹង TextBox Control ដែរ តែវាមាន​លក្ខណៈ​ពិសេស​ជាង ។ វាមាន​តួនាទី ឲ្យ​អ្នក​បញ្ចូល និងអាច​កំណត់​ទម្រង់​នៃការ​បញ្ចូល​របស់អ្នក​ទៅតាម​លទ្ធភាព​ដែល​វាធ្វើទៅបាន ដូចជា ក្នុង​កម្មវិធី​មួយអ្នកអនុអញ្ញាត្តិ​ឲ្យ​អ្នក​ប្រើ​ប្រាស់​បញ្ចូល​ព័ត៌មាន​បានតែជាចំនួនលេខ នោះ MaskeTextBox អាចជួយអ្នកបានដោយពុំចាំបាច់​សរសេរ​កូដទាំងស្រុងនោះទេ ។ លើសពីនេះ MaskedTextBox អាចធ្វើបាន​ដូចជា​កំណត់​ទម្រង់​នៃការ​បញ្ចូល​ជា លេខ​ទូរសព្ទ កាលបរិច្ឆេទ​ទម្រង់​វែង កាលបរិច្ឆេទ​ទម្រង់​ខ្លី កាលបរិច្ឆេទនិងពេល ម៉ោង លេខកូដតំបន់ចំនួនខ្ទង់ និង ការ​កំណត់​តាមការចង់បាន (Custom) ។

ដើម្បី​ប្រើ​ប្រាស់ MaskedTextBox បាន​ជាដំបូង​អ្នកត្រូវទាញ MaskedTextBox មួយពី​ក្នុង ToolBox មកលើ Form

សូមចុច Like គេហទំព័រ www.antkh.com ដើម្បី​ទទួលបានអត្ថបទថ្មីៗ​ប្រចាំ​ថ្ងៃ​

កំណត់​ទម្រង់​ទៅ​កាន់ MaskedTextBox អ្នកអាចចុចលើ smart tag ដូចរូប​ខាងលើ​ហើយចុច Set Mask…

អ្នកនឹងឃើញ​ផ្ទាំង​មួយលេចឡើង (Input Mask)

ផ្ទាំង Input Mask ​ខាងលើ​នេះអ្នកឃើញមាន​ទម្រង់ Mask គំរូ​មួយចំនួន​ដែល​ផ្ដល់​ដោយ .NET ​ដូចជា​

- Numeric (8-digits) ៖ កំណត់​ទម្រង់​ការ​បញ្ចូល​ជា​លក្ខណៈ​លេខគត់ 8ខ្ទង់ដូចបាន​បង្ហាញ​ក្នុង​ប្រអប់ Mask និងសណ្ឋាននៃ MaskedTextBox ដូចប្រអប់ Preview

- Phone number៖ កំណត់​ទម្រង់​ជាលេខ​ទូរសព្ទ​ដូច​បង្ហាញ​ក្នុង​នៅ​ក្នុង​ប្រអប់ Preview

- Phone number no area code៖ ជា​ទម្រង់​លេខ​ទូរសព្ទ​ដោយមិនមានលេខកូដតំបន់ (​ប្រព័ន្ធ​ទូរសព្ទ​)

និង មាន​គម្រូផ្សេងៗ​ទៀត ចុងក្រោយ​គេអ្នកនឹងឃើញពាក្យ <Custom> ។ បើអ្នក​ជ្រើសរើស​ជម្រើស​មួយនេះគឺអ្នកអាច​កំណត់​ទម្រង់​ផ្សេងៗ​តាមការចង់បានក្រៅពី​គំរូ​ខាងលើ​

​គំរូ​ខាងលើ​អ្នក​ក៏​អាចដក ឬ​បន្ថែម​អ្វី​ដែល​មាននៅ​ក្នុង​ប្រអប់Maskបានដែរនោះ​វានឹង​ជ្រើសរើស​ទៅជា ទម្រង់​<Custom>ដោយស្វ័យ​ប្រវត្តិ ។

♦ ការ​កំណត់ properties ​សំខាន់​ៗ​មួយចំនួនទៅ​ឲ្យ MaskedTextBox

- PasswordChar ៖ កំណត់​តួអក្សរ ឬ សញ្ញានៅ​ក្នុង MaskedTextBox ។ ជា​ទូទៅ​ក្នុង MaskedTextBox ពេល​ដែល​អ្នក​បញ្ចូល​ព័ត៌មាន​វាមិនមាន​ទម្រង់​ជាលេខ​សម្ងាត់​ទេ មានន័យថា​អ្នកអាចមើល​ព័ត៌មាន​នោះយល់ ។ ដើម្បី​ប្តូរវាទៅជា​ទម្រង់​លេខ​សម្ងាត់ អ្នកត្រូវ​កំណត់ PasswordChar ទៅជា​ទម្រង់​ដែល​អ្នកចង់បាន ឧទាហរណ៍ *, -, ^, #, + ជាដើម ។

- PromptChar properties ​ប្រើ​សម្រាប់​ប្តូរ​ទម្រង់​នៃការ​បង្ហាញ​របស់ MaskedTextBox ។ ឧទាហរណ៍ ប្តូរពីសញ្ញា _ ទៅជា - ឬ​ក៏​ផ្សេងពីនេះក៍បាន ។

- UseSystemPasswordChar ៖ យើងត្រូវ​កំណត់ properties នេះទៅជា True ​មានន័យថា​រាល់​ព័ត៌មាន​ដែល​បាន​បញ្ចូល​នឹងត្រូវ​បង្ហាញ​ជាសញ្ញា​ដែល​មិនអាច​អានយល់ ។

- AssiiOnly properties មួយនេះ​វានឹង​ត្រួត​ពិនិត្យ​រាល់ការការ​បញ្ចូល វា​អនុញ្ញាត​ឲ្យ​បញ្ចូល​បានតែជា Assii Code ផ្សេងពីនេះ​វានឹង​មិន​អនុញ្ញាត​ទេ  ត្រូវ​កំណត់​វាទៅជា True

- ResetOnPrompt properties: ពេល​ដែល​អ្នក​ប្រើ​ប្រាស់ MaskedTextBox អ្នកតែងឃើញមានសញ្ញាមួយចំនួន​ដូចជា /, -, _, ជាដើម បើសិនជាអ្នក​បញ្ចូល​នូវ​សញ្ញាទាំងនេះទៀតនេះជាប្រការមួយ​ដែល​គួរចៀសវាងដូចច្នេះត្រូវ​កំណត់​វាជា False

- ResetOnSpace៖ នៅពេល​ដែល​អ្នកមិនចង់​ឲ្យ​ការ​បញ្ចូល​មានផ្ទុក space (ដកឃ្លា)  ត្រូវ​កំណត់ properties នេះទៅជា False

♦ ការ​ប្រើ​ប្រាស់ MaskedInputRejected event របស់ MaskedTextBox

Event នេះកើតឡើង​នៅពេល​មានការប្រែប្រួល​តម្លៃ​ណាមួយ​នៅ​ក្នុង MaskedTextBox ។ យើង​ប្រើ​វា ដើម្បី​បង្ហាញ​ជា​ព័ត៌មាន​កំហុស​ដែល អ្នក​ប្រើ​ប្រាស់​បាន​បញ្ចូល​មិនត្រឹមត្រូវ ។ សូមចុចពីរដងលើវាហើយ​សរសេរ​កូដ ៖

- e.RejectHint ជាកំហុស​ដែល​កើតឡើង​នៅពេល​មានការ​បញ្ចូល​ខុសពី​ទម្រង់ និង properties ដែល​មាន​កំណត់ ។

- e.Postion ជាទីតាំងកំហុស​ដែល​កើតឡើង​ដោយសារ​ការ​បញ្ចូល ។

ដកស្រង់ចេេញពី​ទស្សនាវដ្ដី​អាន-ANT ច្បាប់​ទី ៤១ ប្រចាំខែ សីហា ឆ្នាំ ២០១២

រៀបរៀងអត្ថបទដោយ៖ លោក គីម សូឡី

ត្រួត​ពិនិត្យ​និងកែ​សម្រួល​អត្ថបទដោយ៖ លោក រិន ពន្លឺ

​វគ្គ C# Beginning តម្លៃ ៧០ដុល្លា http://training.antkh.com/csharp_for_beginner.aspx

​កម្មវិធី ANT Pedia ដំណើរ​ការ​លើ windows 8 ឡើងទៅ http://antkh.com/antpedia/

សូម​ចូលរួម​ជាសមាជិក ANT Training Group  ដើម្បី​តាមដានសម្មភាពប្រចាំ​ថ្ងៃ​ជាមួយអាន-ANT

ចុច Like គេហទំព័រ www.antkh.com ដើម្បី​ទទួលបានអត្ថបទថ្មីៗ​ដែល​ទាក់ទងនឹង​បច្ចេកវិទ្យា​រៀងរាល់​ថ្ងៃ​

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា