​បង្កើត​កម្មវិធី​ច្រើន​ភាសា​ក្នុង .NET

តើ Windows Form ​របស់អ្នក​អាច​ប្រើ​ភាសា​ច្រើន​បានដែរ ឬ​ទេ​? ហើយអ្នកមាន​ធ្លាប់​គិតថាចង់​ឲ្យ Windows Form អាច​ប្រើ​ភាសាជា​ច្រើន​ទៅតាម​ការ​កំណត់​របស់អ្នក​ដែល ឬ​ទេ​? បើសិនចង់បែបនេះ​មែន​អ្នកអាច​ប្រើ Localization ។

 តើអ្វីជា Localization ?

Localization គឺជា​ដំណើរ​ការ​នៃការផ្លាស់ប្តូរ​កម្មវិធី​របស់អ្នក​ពីភាសាមួយទៅភាសាមួយទៀត​ដូចជា ភាសា​ខ្មែរ អង់គ្លេស ចិន បារាំង និង ភាសាផ្សេងៗ​ទៀត ​ដែល​អ្នកចង់បាន ។ Microsoft Visual Studio អាច​ឲ្យ​យើង​ប្រើ​ប្រាស់​ភាសា​ច្រើន នៅលើ​កម្មវិធី​តែមួយ សម្រាប់ Windows Form Application ។

 នៅ​ក្នុង​អត្ថបទនេះ​ថ្នាក់​បណ្តុះបណ្តាល​កុំព្យូទ័រ អាន-ANT សូម​ណែនាំ​អំពីការ​ប្រើ​ប្រាស់ Localize ​សម្រាប់ Windows Form មក​បង្ហាញ ដោយ​ប្រើ​ប្រាស់​កូដ C# ឬ VB.NET ។

 ការ​បង្កើត Localize Form

ដំបូងត្រូវបើក​កម្មវិធី Visual Studio​ 2013 ឬ​ Visual Studio 2015 រួចចូល​ទៅកាន់​File à New à Project ឬ​ក៏​ចុច Ctrl + Shift + N សូមធ្វើតាម​រូបភាព​ខាងក្រោម​៖

​បន្ទាប់មក​អ្នកនឹងឃើញមាន​ផ្ទាំង​ឲ្យ​អ្នក​ធ្វើការ​ជ្រើសរើស​ភាសា និង​ប្រភេទ​កម្មវិធី ។

សូម​ជ្រើសរើស​ភាសា និង​ប្រភេទ Windows Forms  Application រួចដាក់​ឈ្មោះ Project ដោយបំពេញ​ក្នុង​ប្រអប់ Name

· ​កំណត់​ទីតាំង​រក្សាទុក​ Project ​របស់អ្នក​ដែល​នឹង​បង្កើត​ដោយបំពេញ​ក្នុង​ប្រអប់ Location

· ​ចំណែក​ប្រអប់ Solution Name ​វានឹង​មាន​ឈ្មោះ​ដូចប្រអប់ Name ដោយស្វ័យ​ប្រវត្តិ​

ហើយចុចប៊ូតុង OK

​បន្ទាប់ពី​ចុចប៊ូតុង OK ​វានឹង​បង្ហាញ​ផ្ទាំង​មួយទៀត ដើម្បី​ធ្វើការ Design សូមចុច Mouse ខាង​ស្ដាំ (Right-Click) ​នៅលើ​ Form ​ដែល​បាន​បង្កើត​នោះ​ឈ្មោះ Form1 ហើយចុចលើពាក្យ Properties

​បន្ទាប់មក​វានឹង​បង្ហាញ​ផ្ទាំង Properties ​ដែល​ជា Property របស់ Form1 ហើយត្រូវ​កំណត់ Localizable (Localizable Property) ដោយប្តូរពី False ទៅ True

​បន្ទាប់មក​ទៀតទាញ Label និង ComboBox ពី Toolbox មកដាក់លើ Form

នៅ​ក្នុង​ការអនុវត្តនេះបានលើកយកភាសា ៣ មក​បង្ហាញ​គឺ៖ ភាសា​ខ្មែរ អង់គ្លេស និង ភាសាបារាំង ហើយ​ដែល​នៅពេល​ដំណើរ​ការ អ្នក​ប្រើ​ប្រាស់​អាច​ជ្រើសរើស​ភាសា​ណាមួយ​ដែល​ចង់បាន ។

​កំណត់​ជាភាសាអង់គ្លេស​ឲ្យ Form

ការ​កំណត់ Text Property ទៅ​ឲ្យ Label1 ដើម្បី​កំណត់ Text ត្រូវ Right-Click ពីលើ Label1 និងចុចលើពាក្យ Properties

​បន្ទាប់មក​វានឹង​បង្ហាញ​ផ្ទាំង Properties ​ដែល​ជា Property របស់ Label1 ឥឡូវ​ត្រូវ​កំណត់ Text (Text Property) ទៅជា Choose language

​ចំណែក Label2 ​ក៏​ធ្វើការ​កំណត់​ដូច Label1 ដែរ ហើយ​កំណត់​Text (Text Property) ទៅជា Welcom to ANT Computer Training Center

​ចំណាំ​៖ ភាសា​ដែល​យើងបាន Design ដំបូងគឺភាសាអង់គ្លេស​ដែល​បាន​កំណត់​ជាភាសា Default របស់ Form  ។

​កំណត់​ជាភាសា​ខ្មែរ​​ឲ្យ Form

​កំណត់ Language Property របស់ Form ពី Default ទៅជា Khmer (Cambodia)

​កំណត់ Text Property របស់ Label ទៅភាសា​ខ្មែរ​

· Label1ប្តូរ Text ទៅជា​ជ្រើសរើស​ភាសា

· Label2 ប្តូរ Text ទៅជាសូមស្វាគមន៍មកកាន់ ថ្នាក់​បណ្តុះបណ្តាល​កុំព្យូទ័រ​អាន

ការ​កំណត់​ជាភាសាបារាំង​ឲ្យ Form

​កំណត់ Language Property របស់ Form ទៅជា French (France)

​កំណត់ Text Property របស់ Label ទៅជាភាសាបារាំង

· Label1ប្តូរ Text ទៅជា choisir la langue

· Label1ប្តូរ Text ទៅជា bienvenue au centre de formation informatique ANT

​នៅពេល​បញ្ចប់​ការ Design យើងអាចមើល​ផ្ទាំង Solution Explorer ហើយ​ខាងក្រោម Form1.vb ឬ​ Form1.cs ឃើញមាន File ​ដែល​ជា Resource មាន​ដូចជា​៖

- Form1.resx គឺជា Resource File ​ដែល​ជាភាសា Default (ភាសាអង់គ្លេស)

- Form1.km-KH.resx គឺជា Resource File ​ដែល​ជាភាសា​ខ្មែរ​

- Form1.fr-FR.resx គឺជា Resource File ​ដែល​ជាភាសាបារាំង 

​ចំណាំ​៖ ​ប្រសិនបើ​អ្នក​មិនអាច​ឃើញ File ទាំងនេះទេ សូមចុចប៊ូតុង Show All Files ​នៅលើ​ផ្ទាំង Solution Explorer ​សម្រាប់ VB.NET ។

ឥឡូវ​កំណត់ Language ​ដែល​ជា Property របស់ Form ទៅ Default វិញ ។ រួច​ធ្វើការ​សរសេរ​កូដ​ទៅលើ​ Event Form Load ដោយ Double-Click ពីលើ Form ​បន្ទាប់មក​សរសេរ​កូដដូច​ខាងក្រោម​៖

កូដ​សម្រាប់ Form_Load ()

កូដ C#

កូដ VB.NET

ចំពោះកូដ comboBox1.Items.Add ​ប្រើ​សម្រាប់​បន្ថែម Items ទៅ​ឲ្យ​ comboBox1

​ដែល​ Items ទី១គឺ ភាសា​ខ្មែរ​ ។ ចំណែក​កូដ comboBox1.SelectedIndex = 0 ​ប្រើ​សម្រាប់ Select Items ទី១ មក​បង្ហាញ​ពេល​ដែល​ Form Load ដំបូងហើយបើគិតតាម Index វិញគឺ Index ទី០ ដែល​ជា ភាសា​ខ្មែរ ។

​បន្ទាប់មក​ត្រូវ​បន្ថែម References ទៅ​ឲ្យ Namespaces នៅ​ផ្នែក​សរសេរ​កូដ (Form1.cs ឬ Form1.vb) ចំពោះ Visual C# ត្រូវ​សរសេរ​ខាងលើ​ Namespaces ​ចំណែក Visual Basic វិញត្រូវ​សរសេរ​ខាងលើ​ Class ។

កូដ C#

កូដ VB.NET

​បន្ទាប់មក​ទៀត​​បង្កើត Method មួយ​ឈ្មោះ​ថា ChangeLanguage () សម្រាប់​ប្តូរពីភាសាមួយទៅមួយ

កូដ C#

កូដ VB.NET

រួចហៅ Method នេះមក​ប្រើ​នៅ​ក្នុង Event SelectedIndexChanged របស់ ComboBox1 ដូចបាន​បង្ហាញ​ខាងលើ​​ ។ នៅពេល​ដែល​អ្នក​ប្រើ​ប្រាស់​ជ្រើសរើស​ភាសា​ណាមួយ​ពី comboBox 1 Methods ChangeLanguage () ​ត្រូវបាន​ដំណើរ​ការ​ហើយ​ធ្វើការ​ Loop Control ​ទាំងអស់​នៅ​ក្នុង Form ​ដែល​បាន​កំណត់​ភាសា​នៅពេល​ Design នោះ ។ ប្រសិនបើ​អ្នក​ប្រើ​ប្រាស់​ជ្រើស ភាសា​ខ្មែរ​ នោះ Label1 និង Label2 នឹងប្តូរ Text ទៅជាភាសា​ខ្មែរ ។

ពេល​បញ្ចប់​ការ​សរសេរ​កូដសូម​ធ្វើការ​សាកល្បង​និង ដំណើរ​ការ Project (Run) អ្នកនឹងឃើញ Text របស់​ Label1 និង Label2 ប្តូរភាសា​ទៅតាម​ការ​ជ្រើសរើស​ភាសាពី comboBox1

♦ រៀបរៀងអត្ថបទដោយៈ លោក ហ៊ាន ភក្តិ កែ​សម្រួល​អត្ថបទដោយៈ លោក ង៉ែត ណារ៉េត

♦ ដកស្រង់ចេញពី​ទស្សនាវដ្ដី​អាន-ANT ច្បាប់​ទី ៤៧ ប្រចាំខែ កុម្ភៈ ឆ្នាំ ២០១៣