RSA គឺជា Algorithm ដែលត្រូវបានផ្សព្វផ្សាយជាទូទៅក្នុងទសវត្សឆ្នាំ ១៩៧៨ ដោយ Ron Rivest, Adi Shamir និង Leonard Adleman ហើយពាក្យ RSA គឺបានមកពី R = Rivest, S = Shamir, A = Adleman ។

RSA Algorithm បានប្រើគោលការណ៍ Public Key Cryptography ដែលជាគោលការណ៍មួយបង្កើតឡើងដោយ Whitfield Diffie និង Martin Hellman ក្នុងឆ្នាំ ១៩៧៥ ។ Public Key Cryptography ប្រើប្រាស់ Keys ពីរប្រភេទគឺ Public និង Private Key ។

Public Key ជាកូដគន្លឹះដែលអាចត្រូវបានដឹងដោយទូទៅ និងប្រើប្រាស់សម្រាប់បំប្លែងទិន្នន័យទៅ ជា Cipher Text ក្នុងពេលដែលទិន្នន័យមានការផ្ញើចេញ ទោះបីជា Public Key ត្រូវបានដឹងដោយគ្រប់គ្នា ក៏ដោយក៏ពុំមានន័យថាអ្នកនោះអាចធ្វើបំប្លែង CipherText មកកាន់ PlainText វិញបានឡើយ ។

Private Key ជាកូដគន្លឹះដែលត្រូវរក្សាទុកជាសម្ងាត់ព្រោះវាជា កូដដ៏សំខាន់ដែលអាចបំប្លែងទិន្នន័យ ពី CipherText ទៅជា PlainText វិញបាន ។ រូបខាងក្រោមនឹងបង្ហាញពីដំណើរនៃការបំប្លែងទិន្នន័យតាមគោលការណ៍ Public Key Cryptography ។

♦ ការអនុវត្ត RSA Algorithm ក្នុង .NET

នៅក្នុង .NET យើងអាចអនុវត្ត RSA Algorithm តាមរយៈ RSACryptoServiceProvider Class ដែលនឹងអាចបំប្លែង PlainText ទៅជា CipherText ក្នុងទម្រង់ជា Array នៃ Bytes និងបំប្លែង CipherText ទៅ PlainText វិញពីទម្រង់ Array នៃ Bytes តាមរយៈ Decrypt Method ។ វាហាក់បីដូចជាអាថ៏កំបាំងនូវវិធី Encrypt (Encipher) និង Decrypt (Decipher) របស់ RSACryptoServiceProvider ប៉ុន្តែលោកអ្នកនឹងបានយល់អំពី RSA Algorithm នេះយ៉ាងលម្អិតហើយនឹងអាចបង្កើត Library ដោយខ្លួនឯងសម្រាប់ការអនុវត្ត RSA និង គោលការណ៍ Public Key Cryptography តាមរយៈថ្នាក់បណ្តុះបណ្តាលកុំព្យូទ័រ អាន-ANT ។ សូមបង្កើត Windows Application តាមរយៈ Visual Studio 2015 ហើយជ្រើសយកភាសា C# ដូចរូបខាងក្រោម៖