មេសា
កំណត់កម្មវិធីមិនឲ្យបើកច្រើនដងក្នុងពេលតែមួយភាសា C#
រៀបរៀងអត្ថបទដោយៈ លោក គឹម សូឡី
ជាធម្មតាកម្មវិធីដែលអ្នកធ្លាប់បានបង្កើតដោយ ប្រើភាសាផ្សេងៗដូចជា C#, C/C++ ជាដើម ។ តើអ្នកមានដែលកត់សំគាល់ទេថាកម្មវិធីរបស់អ្នកអាចដំណើរការបានច្រើនដងក្នុងពេលតែមួយដែរ ឬទេ ?
មានពេលខ្លះអ្នកមិនបានគិត ឬចាប់អារម្មណ៍ដល់ចំណុចនេះទេ ។ បើអ្នកសាកល្បងបើកកម្មវិធីនោះដដែលៗអ្នកនឹងបានឃើញវាដំណើរការផ្សេងៗគ្នា ។ ចុះបើអ្នកចង់ឲ្យវាដំណើរការបានតែម្តងក្នុងពេលតែមួយ លោកអ្នកអាចអនុវត្តន៍គន្លឹះកូដខាងក្រោម ៖
តម្រូវការ៖ មុននឹងអាចអនុវត្តតាមអត្ថបទនេះលោកអ្នកត្រូវដំឡើង Microsoft Visual Studio ក្នុងកុំព្យូទ័រជាមុនសិន ។
♦ ការបង្កើត
ពេលលោកអ្នកបង្កើត Project ថ្មីមួយពេលនោះអ្នកនឹងទទួលបាន Project រួមជាមួយនឹង Form ដែលមានៅក្នុង Project នោះស្រាប់ ។
មុននឹងចាប់ផ្តើមសរសេកូដខ្ញុំសូមរម្លឹកខ្លះៗទាក់ទងនឹងភាសា C#
♦ តើ Program.cs មានតួនាទីអ្វីក្នុង Project ?
និយាយដោយសង្ខេប Program.cs ជា File មួយដែលកើតមាននៅពេលអ្នកបង្កើត Project ថ្មីមួយ ។ File នេះវាផ្ទុក Method មួយ គឺ Main () method ។ នៅក្នុង C# មិនអាចគ្មានវត្តមាន Method នេះបានទេព្រោះវាជា Method ដែលចាប់មុនគេទាំងអស់សម្រាប់ហៅ Form ឬកូដផ្សេងៗឲ្យដំណើរការ ។
ក្នុង Main () Method យើងសង្កេតឃើញកូដ Application.Run (newForm1 () ) ; ដែល Form1 () ជាឈ្មោះ Form នឹងត្រូវបើកពេលកម្មវិធីដំណើរការ ។ បើមិនមានកូដមួយបន្ទាត់នេះទេ កម្មវិធីមិនដឹងត្រូវបើក Form ណាមុនគេនោះទេ ។
ចូរងាកមកការសរសេរកូដវិញម្តង ។ កូដដែលអ្នកត្រូវសរសេរគឺសរសេរនៅក្នុង Main () method ហើយនៅពីលើកូដ Application.Run (newForm1 () ) ; ដូចឧទាហរណ៍ខាងក្រោម៖
នៅក្នុងកូដខាងលើយើងបានប្រើ Mutex class ដែលស្ថិតនៅក្នុង namespace System.Threading ។ ហើយ m ជាឈ្មោះ Object ដែលតំណាងឲ្យ Mutex Class យើងក៏បានសង្កេតឃើញមាន 3 Arguments ដែលត្រូវបំពេញក្នុង Mutex () Constructor
1. true គឺសម្រាប់បញ្ជាក់នូវការផ្ដល់ឈ្មោះទៅកាន់ System Mutex
2. “solei” ជាឈ្មោះ mutex ដែលអ្នកអាចដាក់ឈ្មោះអ្វីផ្សេងក៏បាន (មិនត្រូវទទេ)
3. out ok ជាការបោះតម្លៃជាលទ្ធផលឲ្យទៅ Variable ok ។ ក្នុងករណីដែល ok ទទួលបានតម្លៃ False មានន័យថា កម្មវិធីនេះមិនបានកំពុងដំណើរការទេ ។
បន្ទាប់ពីនោះយើងយក ok Variable មកសិក្សាលក្ខខណ្ឌ ។ បើសិនជាកម្មវិធីកំពុងដំណើរកានោះ Application.Run (newForm1 () ) ; មិនមានលទ្ធភាពបើក Form ណាមួយបានទេ តាមរយៈ return keyword ដើម្បីបញ្ចប់កូដត្រង់ចំណុចនោះ ៕
→ ទាញយកកម្មវិធី ANTLearner សម្រាប់ iOS & Windows & Android
♦♦ ប្រសិនបើមានចង្ងល់ ឬមានបញ្ហាលើការដំឡើងកម្មវិធីផ្សេងៗដែលបង្កើតដោយអាន-ANT ដូចផ្ញើសារចូល Page: https://www.facebook.com/ANTTechnologyTrainingCenter
♦♦ លេខទូរសព្ទទំនាក់ទំនង ០១០/០១៦ ៦៦៦ ៦៥៣
💒ទីតាំង #86B ផ្លូវ 313 កែង 606 សង្កាត់បឹងកក់២ ទួលគោក
មតិ និងយោបល់ទៅលើអត្ថបទនេះ (តាម Facebook)
ខាងក្រោមនេះជាយោបល់ផ្សេងៗរបស់អ្នកទស្សនា