ស្វែងយល់ពីគោលការណ៍​បំប្លែង​ទិន្នន័យ (Cryptography)

វាជាការបារម្មណ៍​សម្រាប់​គ្រប់ៗ​គ្នា​ក្នុង​ការ​រក្សាទុក​ទិន្នន័យ បញ្ចូន​ទិន្នន័យ រក្សាទុក​ពាក្យ​សម្ងាត់ ឬ source code ។ ល ។ ដែល​ដំណើរ​ការ​ដោយ​ប្រព័ន្ធ​កុំព្យូទ័រ ។ ក៏ ប៉ុន្តែ​វា​កំពុង​និងបានមាន​កម្មវិធី​ជា​ច្រើន សម្រាប់​ប្រើ​ប្រាស់​ក្នុង​ការ​បំប្លែង​ទិន្នន័យ​ដើម ទៅ​ជា​ទិន្នន័យ​មួយ​ផ្សេងទៀត​ដែល​មើលពុំយល់ ជា​ពិសេស​ការមាន​នូវ​ protocols ផ្សេងៗ​ដូចជា Internet Key Exchange, IPSec, Kerberos, Point to Point, Transport Layer Security ​ដែល​ប្រើ​សម្រាប់​សុវត្ថិភាព​ទិន្នន័យ​ជាហេតុធ្វើ​ឲ្យ​​ប្រព័ន្ធ​កុំព្យូទ័រ​អាច​ធានា​បាន​នូវ​សុវត្ថិភាព​រាល់ការ​បញ្ចូន​ទិន្នន័យ​ពីតំបន់មួយទៅតំបន់មួយ​នៅលើ​ប្រព័ន្ធ Network ឬ Internet ។

Cryptography បាន​ផ្ដល់​នូវ​អត្ថប្រយោជន៍​ដ៏មហិមា​សម្រាប់​បច្ចេកវិទ្យា E-Commerce និង E-Business ​ដែល​ជា​បច្ចេកវិទ្យា​លក់ ទិញ និង គ្រប់គ្រង​ពាណិជកម្ម​តាមរយៈ Internet ។

សូមចុច Like គេហទំព័រ www.antkh.com ដើម្បី​ទទួលបានអត្ថបទថ្មីៗ​ប្រចាំ​ថ្ងៃ​

អ្វីទៅជា Cryptography?

Cryptography ជាការ​សិក្សា​និងស្វែងយល់ពីវិធី​បង្កើត​នូវ​របៀបធ្វើ​ឲ្យ​មាន​សុវត្ថិភាព​នូវ​ព័ត៌មាន​ក្នុង​ពេលចល័តនៃព័ត៌​មាននោះ គឺ​មានន័យថា​ត្រូវធ្វើ​យ៉ាង​ណា​ការពារ​ទិន្នន័យ​មិន​ឲ្យ​មានការអាននិងយល់បាន​នូវ​អត្ថន័យដោយក្រុម Hacker ឬ​ចោរ ក្នុង​ពេល​ដែល​ពួកគេ​លួច​ទិន្នន័យ​នោះបាន ហើយវិធីសាស្រ្ត​ដែល​ត្រូវយកមកអនុវត្តន៍​នោះ​ក៏​ត្រូវតែអាច​បំប្លែង​មក​វិញ​ផងដែរ​ទៅកាន់​ទិន្នន័យ​ដើមក្រោយពេល​ដែល​ទិន្នន័យ​ត្រូវបាន​បញ្ចូន​ទៅដល់ទិសដៅ ។  ការអនុវត្ត Cryptography គឺ​ត្រូវបាន​ប្រើ​ប្រាស់​ជា​មូលដ្ឋាន​ដោយរូបមន្ត​គណិតវិទ្យា ឬ​ពិជគណិត ។

ជាសរុប Cryptography អ្នក​សិក្សា​នឹងចាំបាច់ត្រូវចេះវិធីសាស្រ្ត​បំប្លែង​ទិន្នន័យ​ពី text ធម្មតា​ដែល​ហៅថា (plaintext ឬ clear text) ​ដែល​ជា text អាចអាននិងយល់បានពីមនុស្សគ្រប់ៗ​គ្នា​ឲ្យ​ទៅជា text ​មិនអាច​អាននិងយល់បាន ឬ​គ្មាន​អត្ថ​ន័យ​ដែល​ហៅថា (Cipher text) វិធីសាស្រ្តនេះ​ត្រូវបាន​ដឹងថា Encryption ។ រីឯ Decryption គឺជាវិធីសាស្រ្ត​បំប្លែង​ពី cipher ext ទៅជា plaintext វិញ ។

មានវិធីសាស្រ្តជា​ច្រើន​ដែល​ត្រូវបាន​ប្រើ​សម្រាប់​បង្កើត​មុខងារ encryption និង decryption ប៉ុន្តែ​សម្រាប់​លេខនេះអាន-ANT សូមលើកយកវិធីសាស្រ្តមួយដ៏ងាយយល់​ក្នុង​ការ​បង្កើត​មុខងារ encryption និង​ decryption ដោយអនុវត្តន៍​ជាភាសា C# គឺវិធីសាស្រ្តជំនួសតួសញ្ញា ដោយអនុវត្តន៍​លំនាំដូច​រូបភាព​ C02 ។

♦ ដកស្រង់ចេញពី​ទស្សនាវដ្ដី​អាន-ANT ច្បាប់​ទី ០៩ ប្រចាំខែ កក្កដា ដល់សីហា ឆ្នាំ ២០០៩

♦  ​វគ្គ C# Beginning តម្លៃ ៧០ដុល្លា http://training.antkh.com/csharp_for_beginner.aspx

♦ សូម​ចូលរួម​ជាសមាជិក ANT Training Group  ដើម្បី​តាមដានសម្មភាពប្រចាំ​ថ្ងៃ​ជាមួយអាន-ANT

♦ ចុច Like គេហទំព័រ www.antkh.com ដើម្បី​ទទួលបានអត្ថបទថ្មីៗ​ដែល​ទាក់ទងនឹង​បច្ចេកវិទ្យា​រៀងរាល់​ថ្ងៃ​