For Android device For iOS device
២៨
កុម្ភៈ

ហេតុអ្វីបានជាអ្នកត្រូវរៀន Android ?

រៀបរាងអត្ថបទដោយលោក សំ កក្កដា នាយក​ទស្សនាវដ្ដី និង​ថ្នាក់​បណ្តុះបណ្តាល​កុំព្យូទ័រ​អាន-ANT

ប្រហែលជា​លោកអ្នក​បានដឹងហើយថា សព្វ​ថ្ងៃ​នេៈ​ស្ទើរតែ​គ្រប់ៗ​គ្នា​សុទ្ថតែមានទូរស័ព្ទដៃ មានអ្នក​ខ្លះ​អាចមាន​រហូត​ដល់៣ ទៅ៤គ្រឿង​ ​ដែល​ខ្ញុំ​អាចនិយាយបានថា សព្វ​ថ្ងៃ​នេៈចំនួនទូរស័ព្ទគឺមានលើសនឹងចំនួន មនុស្ស​នៅលើ​ផែនដី​ទៀតផង ។

​ក្នុង​ចំនួនទូរស័ព្ទដៃដ៏​ច្រើន​នេៈគឺទូរស័ព្ទដៃ​ប្រភេទ​ស្មាតហ្វូន (SmartPhones) និងថេប្លេត (Tablets) ដែល​ប្រើ​ប្រាស់​ប្រព័ន្ធ​ប្រតិបត្តិការណ៍ (Operating System) អានដ្រ័រដ៏ (Android) របស់​ក្រុមហ៊ុន Google គឺ​ត្រូវបាន​នាំមុខគេ ឆ្ងាយពី iOS ដែល​ជារបស់​ក្រុមហ៊ុន Apple ។

ហេតុអ្វីបានជា Android នាំមុខគេ ?

វាមានកត្តាជា​ច្រើន​ដែល​ធ្វើ​ឲ្យ Android នាំមុខគេ ខ្ញុំ​អាចនិយាយ​ទៅលើ​កត្តាពីរ​យ៉ាង​ដូច​ខាងក្រោម​

កត្តាទី១ គឺការផលិត

Android គឺជា​ប្រព័ន្ធ​ប្រតិបតិការណ៍​បើកចំហរ (Open Source) ដូច្នេះហើយនាំ ឲ្យ​វាមានការ​ចូលរួម​ជា​ច្រើន ដោយអ្នក developers ផ្សេងៗ​ទៀត ធ្វើ​ឲ្យ​ OS មួយនេះកាន់តែ​ប្រសើរ​ឡើង ។

មាន​ក្រុមហ៊ុន​ធំៗ​ជា​ច្រើន​ដូចជា Sony, Samsung, LG, …បាន​ជ្រើសរើស​យក Android OS ទៅ​ប្រើ​ប្រាស់​ក្នុង​ឧបករណ៍​អេឡិកត្រូនីក​ដែល​ពួកគេ​បាន​បង្កើត​ដូចជា ទូរស័ព្ទដៃស្មាតហ្វូន ថេប្លេត នាឡិកា ទូរទស្សន៍ ឧបករណ៍​ចាក់​សំឡេង ឬ​វីឌីអូ​រ ម៉ាស៊ីនបោកខោអាវ ។ ល ។ ដែល​ធ្វើ​ឲ្យ​អ្នក​ប្រើ​ប្រាស់​បាន​ស្គាល់ និងសាំ​នូវ​របៀប​ប្រើ​ទៅលើ​បច្ចេកវិទ្យា​របស់ Android លើសពីនេះ​ឧបករណ៍​ដែល​ប្រើ​ប្រាស់ Android ទាំងនោះ​អាច​ធ្វើការ​ជាមួយ​គ្នា​បានល្អ​ទៀតផង ។ ភាគ​ច្រើន​ឧបករណ៍​ដែល​ប្រើ​ប្រាស់ Android OS គឺមាន​តម្លៃ​ថោក ដែល​អាច​ឲ្យ​មនុស្សភាគ​ច្រើន​មាន​លទ្ធភាព​ទិញ​ប្រើ​ប្រាស់​បាន នេះ​ដោយសារ​វាមាន ប្រភព​បង្កើត និង ការប្រកួតប្រជែង​នៅលើ​ទីផ្សារ​ច្រើន ។  

កត្តាទី២ គឺ Developers

- បើយើងនិយាយពីភាសា​បង្កើត​កម្មវិធី​គឺ Java ជាភាសា​ជម្រើស​ទីមួយ ដែល​ត្រូវបាន​ប្រើ​ប្រាស់​ក្នុង​ការ បង្កើត​កម្មវិធី​ដែល​ដំណើរ​នៅលើ OS មួយនេៈ ដែល​នេៈជាភាព​ងាយស្រួល​មួយដល់អ្នក developers ជាងការ​ប្រើ​ប្រាស់​ភាសា C / C++ ឬ Objective C ដែល​មាននៅ​ក្នុង iOS ។

- បើនិយាយពី​តម្លៃ​ដែល​អ្នក developers ត្រូវបង់ ដើម្បី​ក្លាយខ្លួនជាអ្នក developer ដែល​មាន​សិទ្ធ អាចដាក់លក់​កម្មវិធី (Softwares) របស់ខ្លួន​នៅលើ PlayStore គឺមាន​តម្លៃ​ត្រឹមតែ ២៥ដុល្លាប៉ុណ្ណោះ​ក្នុង ១​ឆ្នាំ ប៉ុន្តែ​យើង​ក៏​មិនចាំបាច់ត្រូវតែបង់សេវានេៈឡើយ ក៏​យើងនៅតែអាចចែកចាយ​កម្មវិធី​របស់យើង ដោយឥតគិតថ្លៃ​ទៅកាន់​អ្នក​ដទៃ​នៅលើ PlayStore បាន​ផងដែរ ។

- បើនិយាយពី​តម្រូវ​ការ​កុំព្យូទ័រ ប្រើ​បង្កើត​កម្មវិធី​សម្រាប់ Android គឺ​លោកអ្នក​អាច​ប្រើ​ប្រាស់ កុំព្យូទ័រ​ដែល​ប្រើ​ប្រាស់ OS មួយណា​ក៏​បាន​ដូចជា Windows, Linux ឬ​ក៏ Mac OS ។

- បើនិយាយពី​ប្រភេទ​កម្មវិធី​បែបណា​ខ្លះ ដែល​អាច​ដំណើរ​ការ​នៅលើ Android OS សម្រាប់​ចម្លើយ​របស់​ខ្ញុំ គឺអ្នកអាចធ្វើបានគ្រប់បែប​យ៉ាង​អាស្រ័យ​ទៅលើ​សមត្ថភាព​នៃការរៀន និង​ស្រាវជ្រាវ​របស់អ្នក​តែប៉ុណ្ណោះ ខាងក្រោម​គឺជា​រូបភាព​ប្រភេទ​កម្មវិធី​ដែល​កំពុង​មាន​នៅលើ Android devices ។

 

យោងតាមហេតុផល​ខាងលើ តើ​លោកអ្នក​អាចដឹងបានទេថាហេតុអ្វីបានជា​លោកអ្នក​ត្រូវរៀន Android ? នេៈ​ក៏​ដោយសារ Android ត្រូវបាន​គេ​ប្រើ​ប្រាស់​ច្រើន ដូច្នេះ​តម្រូវ​ការ​កម្មវិធី​ដែល​ត្រូវ​បង្កើត ក៏​ត្រូវតែ​ច្រើន ផងដែរ ដូច្នេះហើយអ្នក​សរសេរ​កម្មវិធី​សម្រាប់ Android ក៏​នឹងត្រូវ​ការ​ច្រើន​នេៈជាហេតុផលមួយ ។ ហេតុផលមួយទៀតអ្នកអាចមិនចាំបាច់​ធ្វើជា​បុគ្គលិក ​ឲ្យ​​ក្រុមហ៊ុន​ណាមួយ ក៏​អ្នកអាចរកចំណូលពីការ​បង្កើត កម្មវិធី​ដែល​ដំណើរ​ការ​នៅលើ Android បាន​ផងដែរ​គឺ​តាមរយៈ​ការបង្កប់ advertisment របស់ AdMob Google នៅ​ក្នុង​កម្មវិធី free licenses របស់អ្នក​ដូចអ្វី​ដែល​បានឃើញ កម្មវិធី free ដទៃ​ទៀត​ដែល​កំពុង​មាន នៅ​ក្នុង PlayStore សព្វ​ថ្ងៃ ៕

 

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា