For Android device For iOS device

តុលា

​ប្រវត្តិ នៃភាសា HTML

Hyper Text Markup Language, ​ដែល​ជាធម្មតាយើង​ស្គាល់​ថា HTML, គឺ​ជា​ភាសា​ស្ដង់​ដា​មួយ​ដែល​ប្រើ​សម្រាប់​បង្កើត web pages HTML ជា​ប្រភេទ markup language មិនមែនជា programming language ទេ ដោយ​ការងារ​របស់វាគឺ​បង្កើត​នូវ​ទម្រង់​នៃ website ។ HTML elements ត្រូវបាន​ប្រើ​​សម្រាប់​បង្កើត block នៃ website ​ដែល​វា​បង្កើត​ឡើងដោយផ្ទុក​នូវ angle brackets (<html>) ។ នៅ​ពេល​ដែល HTML pages ​ដំណើរ​ការ​វានឹង​មិន​បង្ហាញ​នូវ HTML element ចេញទេគឺវា​បង្ហាញ​តែ content ​ដែល​ស្ថិតនៅ​ក្នុង​នោះ ។ HTML អាច​បញ្ចូល​នូវ style ឬ​ក៏ script ដែល​អាចជួយតុបតែងគេហ​ទំព័រ​ឲ្យ​មាន​ភាពស្រស់​ស្អាត​និងទាក់ទាញ ។

សូមចុច Like គេហទំព័រ www.antkh.com   ដើម្បី​ទទួលបានអត្ថបទថ្មីៗ​ប្រចាំ​ថ្ងៃ​

​ក្នុង​ឆ្នាំ ១៩៨០, HTML ត្រូវបាន​បង្កើត​ឡើងដំបូងដោយ Tim Berners-Lee នៅពេល​ដែល​គាត់​ធ្វើការ​នៅ CERN ។ នៅ​ក្នុង​អំឡុងពេល​ដែល​ធ្វើការ​គាត់មានការលំដាក់​ក្នុង​ការ​ស្វែងរក​ព័ត៌មាន​ដែល​ស្ថិតនៅ​ក្នុង Computer ផ្សេងៗ​គ្នា ។ គាត់​ក៏​មានគំនិតមួយដោយចង់​ឲ្យ​ព័ត៌មាន​ទាំងនោះ​អាចចែក​រំលែក​ទៅវិញទៅមករវាង​កុំព្យូទ័រ ។ ដោយសារ​តែគំនិតមួយនេះហើយ​ដែល​ធ្វើ​ឲ្យ​កកើតឡើងមូលដ្ឋា​ន​នៃភាសា HTML កកើតឡើង ។

Version ដំបូងនៃ HTML គឺ HTML 1.0 ​ដែល​មាន​លក្ខណៈ​ខុសពី HTML សព្វ​ថ្ងៃ​ច្រើន ។ ពេល​នោះប្រព័ន្វ internet គឺ​មិនទាន់​មានការពេញ​និយម​និងមានមនុស្ស​ចូលរួម​ការអភិវឌ្ឍតិច​នៅឡើយ, ហើយការ​ធ្វើការ​ជាមួយវា​ក៏​មិនទាន់​បាន​ច្រើន​នៅឡើយ​ដោយសារ​វាមាន Tags តិច ។

HTML 2.0

Version 2.0 នៃ HTML ត្រូវបាន​ចេញផ្សាយនៅ​ក្នុង​ថ្ងៃ​ទី ២៤ វិច្ឆិកា ឆ្នាំ ១៩៩៥ ដោយ version ថ្មីនេះបាន​បន្ថែម​នូវ លក្ខណៈ​ថ្មីៗ​មួយចំនួន​ដូចជា Form-based file upload, tables, client-side image maps, tables, និងអាច​ឲ្យ​វាអាច support ភាសាបាន​ច្រើន ។

HTML 3.2

Version 3.2 នៃ HTML បានចេញផ្សាយនៅ​ក្នុង ខែមករា ១៩៩៧ ដោយ W3C ។ ការ​បង្កើត​វា​ឡើងគឺ​ត្រូវបាន​ត្រួត​ពិនិត្យ​ដោយ ក្រុម​ការងារ​របស់ W3C រួម​ជាមួយនឹង​ក្រុមហ៊ុន​លក់ browser ធំៗ​ដូចជា Netscape និង Microsoft . តាមរយៈ​ការ​ផ្ដល់​នូវ​វេទិការអព្យាក្រឹតមួយ ក្រុម​ការងារ​របស់ W3 គឺបានទទួល​នូវ​ជោគជ័យ​ទៅលើ​កំណែ​ទម្រង់​ស្តង់ដារ​នៃ HTML .

HTML 4.0

Version 4.0 នៃ HTML បានចេញផ្សាយនៅ​ក្នុង ខែធ្នូ ១៩៩៧ ដោយក្រុម​ការងារ W3C ដោយ​មានកំណែប្រែ​ច្រើន​ខុសពី version 3.2 ដែល​វាមានផ្ទុក Tags និង Attribute សម្រាប់​តុបតែង​ឲ្យ​អក្សរ ឬ​តំណរ​ភ្ជាប់ ។ មានគំនិតមួយកើតឡើងដោយ ការតុបតែងគួរតែស្ថិតនៅ​ក្នុង file ផ្សេងមិនគួរដាក់ លាយឡំជាមួយ File HTML ទេ ។

គំនិតមួយនេះ​ត្រូវបាន​អនុវត្ត​នូវ​ក្នុង version 4.0 នៃ HTML ដោយ​ធ្វើការ​ផ្ដាច់​ចេញ​នូវ Attribute ចេញរួច​បង្កើត style ដាក់ចេញពី HTML សម្រាប់​តុបតែង ។ ដោយសារ style បាន​ផ្ដាច់​ចេញពី HTML វាកាន់តែ​ផ្ដល់​នូវ​ភាព​ងាយស្រួល​ដល់អ្នក​បង្កើត​គេហទំព័រមិនបាច់ scroll page ចុះឡើង ដើម្បី​ស្វែងរក​ទីតាំង style សម្រាប់​ការកែប្រែផ្សេងៗ ដោយ​គ្រាន់តែ​កែលើ file style (CSS) ជាការស្រេច ។

HTML5

Version ៥ នៃ HTML ត្រូវបាន​ចេញផ្សាយនៅ​ក្នុង ខែតុលា ២០១៤ ដោយ W3C ដែល version នេះគឺមានការ​បន្ថែម​នូវ​លក្ខណៈ​ថ្មីៗ​ជា​ច្រើន​ដែល​ក្នុង​នោះមាន​លក្ខណៈ​ខ្លះ​អាច​ប្រើ​ជំនួស​ឲ្យ ពពួក flash បាន​ទៀតផង ។ បើទោះបីជាការ​បង្កើត​មកទល់នឹងពេល​បច្ចុប្បន្ន​មាន​រយៈពេល​យូរបន្តិច​ក៏​ដោយ​មាន tags មួយចំនួន​ក៏​មិនទាន់​មានការ support ពេញលេញពី Browser នៅឡើយ ។

​តម្រូវ​ការ​ក្នុង​ការ​សិក្សា HTML

ចំពោះមុខវិជ្ជា HTML វាជាភាសាមួលដ្ឋានមួយ​សម្រាប់​ឲ្យ​អ្នក​ដែល​ចង់ចាប់យកជំនាញ​ខាង​បង្កើត គេហទំព័រត្រូវ​ធ្វើការ​សិក្សា​រដូចនេះ មុខវិជ្ជានេះមិនទាមទារ​ឲ្យ​អ្នកចេះមុខវិជ្ជាអ្វីមុននោះឡើយ ។

បកប្រែនិងរៀបរៀងដោយៈ សុង លាងហុក

ដកស្រង់ចេញពីៈ https://en.wikipedia.org/wiki/HTML

http://www.landofcode.com/html-tutorials/html-history.php

♦♦♦ ​វគ្គ​សិក្សា HTML+HTML5+Dreamweaver តម្លៃ ៥៥ដុល្លា ចុចទីនេះ ដើម្បី​មើល Course Outline http://training.antkh.com/html.aspx

♦♦♦ សូម​ចូលរួម​ជាសមាជិក ANT Training Group  ដើម្បី​ទទួលបាន​ចំណេះដឹង​ប្រចាំ​ថ្ងៃ​ទាក់ទងនឹង​បច្ចេកវិទ្យា​

♦♦♦  ​​សម្រាប់​ស្នាដៃសិស្ស​ដែល​បាន​បញ្ចប់​វគ្គ​សិក្សា​នៅអាន-ANT http://training.antkh.com/achievements/

SmileSmileSmile ​សម្រាប់​វគ្គ​បើកថ្មីៗ​ជា​រៀងរាល់​សប្តាហ៍សូមចូល​ទៅកាន់​ www.antkh.com

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា