ឧសភា
Android ជាអ្វី ?
វាជាអ្វីដែលអ្នកសិក្សាត្រូវស្វែងយល់អំពីឈ្មោះ ឬ ប្រភេទមុខវិជ្ជា ក៏ដូចជាអត្ថប្រយោជន៍នៃមុខវិជ្ជាដែលខ្លួននឹងរៀន ។
Android គឺជា mobile operating system ដែលមានមូលដ្ឋានចេញពី Linux នឹងត្រូវបានបង្កើតឡើងក្រោមឈ្មោះក្រុមហ៊ុន Android ក្នុង 2003 (Android, Inc ត្រូវបានដឹងថាមានទីតាំងនៅ Palo Alto, California) ដែលមានអ្នក Developer ឈ្មោះថា Andy Rubin ក្រោយមកក្នុង ថ្ងៃទី១៧ ខែសីហា ឆ្នាំ២០០៥ ប្រព័ន្ធប្រតិបត្តិការណ៍មួយនេះត្រូវបានទិញដោយ Google ។
Google បានដាក់ប្រព័ន្ធប្រតិបត្តិការណ៍មួយនេះឲ្យទៅជា open source ដូច្នេះហើយបានជាកូដរបស់ Android ត្រូវបាន released ក្រោមអាជ្ញាប័ណ្ណ Open Source Apache License មានន័យថាគ្រប់ៗគ្នាដែលចង់ប្រើប្រាស់ OS មួយនេះអាច download កូដរបស់វាបាន ដែលជាហេតុធ្វើឲ្យមានអ្នកផលិត hardware ជាច្រើនបានប្រើប្រាស់ Android OS ដោយគេអាចបន្ថែមនូវមុខងារប្លែកៗខ្លះនៅក្នុង productsរបស់ពួកគេនៅលើ Smartphones Tablets ទួរទស្សន៍ ឧបករណ៍ games និង digital cameras ព្រមទាំងឧបករណ៍ electronics ផ្សេងៗទៀតជាច្រើន ។ ដែលនេះហើយបានធ្វើឲ្យ Android មានការប្រើប្រាស់ច្រើន និង រីកចម្រើនយ៉ាងឆាប់រហ័ស ហើយក៏ជាអ្នកប្រកួតដ៏មានសក្ដានុពលជាមួយ iOS ផងដែរ ។
សារប្រយោជន៍របស់ Android សម្រាប់អ្នក developer គឺពួកគេអាចបង្កើត applications តែម្ដង ប៉ុន្តែពួកគេអាចប្រើប្រាស់ applications ទាំងនោះលើគ្រប់ឧបករណ៍ដែលប្រើប្រាស់ Android OS ។
ជំនាន់ទាំងឡាយរបស់ Android ដែលបានចេញ
នៅក្នុងតារាងទី១ ខាងក្រោមនឹងបង្ហាញអ្នកទាំងអស់គ្នាអំពីជំនាន់ និង ឈ្មោះកូដរបស់ Android ដែលបាននិងកំពុងបានចេញឲ្យប្រើប្រាស់ ។
| ជំនាន់ | ថ្ងៃខែឆ្នាំ | ឈ្មោះកូដ |
| 1.0 (API level 1) 1.1 (API level 2) 1.5 (API level 3) 1.6 (API level 4) 2.0 (API level 5) 2.0.1 (API level 6) 2.1 (API level 7) 2.2 (API level 8) 2.3 (API level 9) 3.0 (API level 11) 4.0 (API level 14) 4.1 (API level 16) 4.2 (API level 17) 4.3 (API level 18) 4.4 (API level 19) | 23 Sep, 2008 09 Feb, 2009 30 April, 2009 15 Sep, 2009 26 Oct, 2009 03 Dec, 2009 12 Jan, 2010 20 May, 2010 06 Dec, 2010 22 Feb, 2011 19 Oct, 2011 09 Jul, 2012 13 Nov, 2012 24 Jul, 2013 31 Oct, 2013 |
Petit Four Cupcake Donut Eclair Eclair Eclair Froyo Gingerbread Honeycomb Ice Cream Sandwich (ICS) Jelly Bean Jelly Bean Jelly Bean KitKat |
ដោយសារ Android ជា Open Source និងក្រុមហ៊ុនផលិត hardware អាចថែមថយបន្ថែមទៅតាមផលិតផលរបស់ខ្លួន ដូច្នេះហើយបានជា Android ពុំបានកំណត់ឲ្យជាក់លាក់ពីប្រភេទ hardware ឬ software ដែលវាត្រូវការនោះឡើយ ។ ទោះបីជាបែបនេះក៏ដោយ Android ក៏មានលក្ខណៈពិសេសជាមូលដ្ឋានដូចជា៖
1- Storage: ប្រើប្រាស់ SQLite ជាប្រព័ន្ធគ្រប់គ្រងទិន្នន័យ ។ យើងនឹងសិក្សានៅមេរៀនទី៧ ។
2- Connectivity: អាចប្រើជាមួយប្រព័ន្ធ GSM/EDGE, IDEN, CDMA, EV-DO, UMTS, Bluetooth (includes A2DP និង AVRCP) , Wi-Fi, LTE, និង WiMAX ។ គឺនឹងសិក្សានៅ Level 2 ។
3- Messaging: អាចប្រើ SMS និង MMS ។ យើងនឹងសិក្សានៅមេរៀនទី៣ ។
4- Web browser: ប្រើប្រាស់មូលដ្ឋានចេញពី WebKit ។ យើងនឹងសិក្សានៅមេរៀនទី៤ ។
5- Media Support: អាចលេងវីឌីអូ បើករូបភាព ឬសំឡេងប្រភេទ H.263, H.264 (ជាទម្រង់ 3GP ឬ MP4 ) , MPEG-4 SP, AMR, AMR-WB (ជាទម្រង់ 3GP) , AAC, HE-AAC (ជាទម្រង់ MP4 ឬ 3GP) , MP3, MIDI, Ogg Vorbis, WAV, JPEG, PNG, GIF, និង BMP ។ គឺសិក្សាលម្អិតនៅ Level 2 ។
6- Hardware: Accelerometer Sensor, Camera, Digital Compass, Proximity Sensor, និង GPS ។ គឺសិក្សានៅ Level 2 ។
7- Multi-touch: អាច multi-touch screen ។
8- Multi-tasking: ការងារមានលក្ខណៈ multi-tasking ។
9- Flash: អាចប្រើប្រាស់កម្មវិធី flash
10. Tethering: អាច share ការភ្ជាប់ internet តាមរយៈ USB ឬ Wi-Fi ។
រចនាសម្ព័ន្ឋរបស់ Android OS
យើងអាចមើលក្នុងរូបភាពខាងក្រោម ដើម្បីស្វែងយល់ពីរចនាសម្ព័ន្ធការងាររបស់ Android OS ។
ប្រភេទ Android Devices ចរាចរណ៍នៅលើទីផ្សារ
យើងឃើញមានប្រភេទ devices ដែលបានប្រើបាស់ Android OS ដូចជា៖
- Smartphones
- Tablets
- E-Reader
- Netbooks
- Media Player
- Internet TVs / Smart TVs
មតិ និងយោបល់ទៅលើអត្ថបទនេះ (តាម Facebook)
ខាងក្រោមនេះជាយោបល់ផ្សេងៗរបស់អ្នកទស្សនា