ឧសភា
ពាក្យបច្ចេកវិទ្យាក្នុងវិស័យព័ត៌មានវិទ្យា
MySQL (My S-Q-L) អានថា ម៉ាយ អេស គ្យូ អិល វាមិនត្រូវបានអានជា ម៉ាយស៊ីគ្វេល នោះទេ ។ MySQL បង្កើតឡើងដោយការប្រើប្រាស់ C និង C++ code ហើយត្រូវបានផ្សព្វផ្សាយប្រើប្រាស់ក្នុងអំឡុងខែ ឧសភា ឆ្នាំ ១៩៩៥ (ជាលក្ខណៈ Initial Release) ដោយក្រុមហ៊ុន MySQL AB ។ ប៉ុន្តែបច្ចុប្បន្នវាស្ថិតនៅក្រោមការទ្រទ្រង់ដោយក្រុមហ៊ុន Sun Microsystems ។
MySQL ជាកម្មវិធី Open Source សម្រាប់ប្រើប្រាស់ក្នុងការងារគ្រប់គ្រងប្រព័ន្ធទិន្នន័យ (RDBMS-Relational Database Management System) ដូចជាសម្រាប់ Web Database, E-Commerce, Data Warehouse, Logging Application ។
MySQL អភិវឌ្ឍន៍ឡើងតម្រូវសម្រាប់អ្នកឯកទេស C/C++, Java, Perl, PHP និង Python ក្នុងការយកវាជា Back-End ក្នុងមុខងាជាប្រព័ន្ធគ្រប់គ្រងទិន្នន័យ ។ ប៉ុន្តែបច្ចុប្បន្ននេះ MySQL បានបន្ថែមនូវមុខងារ data connection មួយចំនួនទៀតដូចជា OLE DB និង ODBC សម្រាប់អ្នកនិយមភាសាកម្មវិធី (Programming) ដែលអភិវឌ្ឍន៍ដោយ Microsoft ក្នុងនោះក៏មានលទ្ធភាពសម្រាប់ក្រុមគ្រួសារ .Net ផងដែរ ។ MySQL ក៏ជាការពេញនិយមផងដែរសម្រាប់អ្នកអភិវឌ្ឍន៍ និងគ្រប់គ្រងគេហទំព័រដោយសារភាពរហ័ស និងគួរឲ្យទុកចិត្តពីប្រសិទ្ធភាពនៃការគ្រប់គ្រងទិន្នន័យតាមរយៈវា ។
MySQL អាចដំណើរការបានទាំងនៅលើប្រព័ន្ធប្រតិបត្តិការណ៍ Windows, UNIX, Linux និង Mac ។
Log file ជា text file បង្កើតឡើងសម្រាប់ផ្ទុកព័ត៌មាននិងពេលវេលាដែលកើតមានសម្រាប់ system ឬ software ដែលបានប្រើ ឬ access ។ ឧទាហរណ៍ Web server តាមរយៈ log file របស់វាយើងអាចវិភាគពីការចូលទៅកាន់ Website របស់យើងថាតើ client មកពីណាហើយពេលវេលាណាដែលពួកគេឧស្សាហ៍បើក Website ។ ដូច្នេះ log file មានប្រយោជន៍សម្រាប់យើងក្នុងការគ្រប់គ្រង និង debug កម្មវិធីដែលបានបង្កើត ។
Login ជាសកម្មភាពនៃព្យាយាមចូលតាមរយៈសិទ្ធិដែលមានក្នុងការចូលទៅកាន់កុំព្យូទ័រ, ប្រព័ន្ធ Networks ឬប្រព័ន្ធសុវត្ថិភាពផ្សេងទៀតនៅលើ internet ។ ឧទាហរណ៍ យើងប្រើប្រាស់លេខសម្ងាត់ (Password) និងឈ្មោះ (User Name) ដើម្បីចូលទៅកាន់ ANT ក្នុងការបង្ហាញចំនេះដឹងដល់ក្រុមហ៊ុនផ្សេងៗ ដោយការ login តាមរយៈ http://www.ant.com.kh/signin.aspx
Macro ជា Key ឬ សញ្ញា ឬក៏ជាឈ្មោះតំណាងឲ្យនូវសំណុំនៃ Commands (ពាក្យបញ្ជា) ដើម្បីប្រើឲ្យកើតមាននូវសកម្មភាពអ្វីមួយនិយាយឲ្យងាយ macro ដូចគ្នានឹងពាក្យថា shortcut ។ ឧទាហរណ៍ ខ្ញុំបង្កើត ឬចង Key ណាមួយលើ Keyboard ដើម្បីប្តូរ font ក្នុង Microsoft Word នេះមានន័យថានឹងបង្កើត macro ។
Icon ជារូបសញ្ញាប្រើជាទូទៅសម្រាប់តំណាងឲ្យ softwares, files, folders, disks ឬ tools ផ្សេងៗទៀត ។ ជានិច្ចកាល icon គេបង្កើតក្នុងទំហំ ១៦ x ១៦ pixels ឬ ៣២ x ៣២ pixels ។
Pixel (Picture Element) ជាធាតុផ្សំដែលធ្វើឲ្យចេញជារូបភាព វាត្រូវបានតម្រៀបជាលក្ខណៈ ២ ទិសដៅគឺ (x, y) គេអាចគិតចំនួន pixels នៃរូបភាពតាមរយៈផលគុណចំនួន pixels ក្នុងទិសដៅអាប់ស៊ីស (Width) ជាមួយនឹងទិសដៅអ័រដោនេរ (Height) ឧទាហរណ៍ ចំនួនសរុបនៃ pixels របស់រូបភាពដែលមានទំហំ 640 x 480 = 307,200 pixels ឬស្មើរនឹង 0.3 megapixels ។
Table ជា object ដ៏សំខាន់មួយនៅក្នុងការគ្រប់គ្រង database យើងអាចនិយាយបានថាវាជា container សម្រាប់ផ្ទុកទិន្នន័យ ដែលជាប្រភពនៃព័ត៌មាន ។
Table កើតឡើងដោយបណ្តុំរវាង columns (fields) ហើយនិង rows (records) ។
Web Server
Web Server អាចមានន័យមួយក្នុងចំណោមអត្ថន័យពីរខាងក្រោម៖
1. គឺជាកម្មវិធីកុំព្យូទ័រមួយដែលមានការងារក្នុងការទទួល HTTP requests ពី client (user agents ដូចជា web browser) ហើយឆ្លើយតបការ request នោះ (HTTP response) ជាមួយនឹងព័ត៌មាន ដែលជាទូទៅគឺ web pages ដូចជា HTML និង រូបភាពជាដើម ។
2. ជាកុំព្យូទ័រដែលដំនើការកម្មវិធីខាងលើ
នាពេលបច្ចុប្បន្ននេះមានកម្មវិធី Web Server ពីរធំៗគឺ Apache និង IIS ។
Apache
Apache ដែលមានឈ្មោះពេញថា Apache HTTP Server គឺជាកម្មវិធី web server ដ៏ធំមួយដែលជួយឲ្យ World Wide Web មានការរីកចម្រើនមកដល់ពេលសព្វថ្ងៃ ។ កុំព្យូទ័រ Web Server សំខាន់ៗទាំងអស់ដែលប្រើប្រាស់ Apache គឺ Linux web server ។
Apache ត្រូវបានបង្កើតនឹងថែរក្សាដោយសហគមន៍អ្នកបង្កើតដែលបើកទូលាយ (open community developers) ក្រោមការទំនុកបម្រុងរបស់ Apache Software Foundation ។ Apache អាចដំណើរការបាននៅលើ Operating System ជាច្រើនដូចជា Unix, FreeBSD, Linux, Solaris, Novell NetWare, Mac OS X, Microsoft Windows, OS/2, TPF និង eComStation ។ Apache គឺជាកម្មវិធី open source ដែលអាចយកទៅប្រើដោយឥតគិតថ្លៃ ។
Apache គឺជាកម្មវិធី Web Server មួយដែលគេនិយមប្រើបំផុតចាប់តាំងពីឆ្នាំ ១៩៩៦ ។ តាមរយៈស្ថិតិរបស់ Netcraft សម្រាប់ ខែមករា ឆ្នាំ ២០០៩ Apache ត្រូវបានប្រើប្រាស់ដោយគេហទំព័រនានាចំនួន៥២,២៦% ដែលឈរនៅលំដាប់ទីមួយក្នុងចំណោម Web Server នានា ។
Apache Admin
IIS
IIS មកពីពាក្យ Internet Information Services តែជាផ្លូវការត្រូវបានគេហៅថា Internet Information Server គឺជាបណ្តុំនៃ Internet-based services សម្រាប់ servers ។ IIS បង្កើតដោយ Microsoft សម្រាប់ប្រើជាមួយ Microsoft Windows ។
♦ សម្រាប់ព័ត៌មានទំនាក់ទំនងមកយើងខ្ញុំ ៖ លេខទូរសព្ទ ០១០ / ០១៦ ៦៦៦ ៦៥៣
♦ សម្រាប់ព័ត៌មានវគ្គសិក្សាកុំព្យូទ័រនៅអាន-ANT http://training.antkh.com/
ឬអាចផ្ញើចូល e-mail: anttraining2013@gmail.com
ឬ Facebook: https://www.facebook.com/anttrainning
Facebook Page: ANT Magazine
Facebook Group: https://www.facebook.com/groups/ANTTrGroup/
website: www.antkh.com
មតិ និងយោបល់ទៅលើអត្ថបទនេះ (តាម Facebook)
ខាងក្រោមនេះជាយោបល់ផ្សេងៗរបស់អ្នកទស្សនា