មីនា
សរសេរកូដ PHP តាមរយៈ iPad
តើលោកអ្នកមានបានគិតថាចង់សរសេរកូដបង្កើតគេហទំព័រ ឬរចនាគេហទំព័រតាមរយៈ iPad របស់លោកអ្នកដែរ ឬអត់?
ការពិត iPad មិនមែនសក្តិសមសម្រាប់តែលោកអ្នកជាអ្នកប្រើប្រាស់ធម្មតា ជាពាណិជ្ជករ សិស្ស ឬសម្រាប់តែជាការកម្សាន្តជាមួយនឹងការលេង games ការអានសៀវភៅ ការអានព័ត៌មាន បើកគេហទំព័រ ការមើលវីឌីអូ បើករូបភាព ឬស្ដាប់តន្រ្តី ឬក៏គ្រាន់តែប្រើប្រាស់កម្មវិធីបណ្ដាញសង្គមនោះទេ ក៏ ប៉ុន្តែ iPad វាក៏សក្តិសម និង ផ្ដល់អត្ថប្រយោជន៍សម្រាប់អ្នកបង្កើតកម្មវិធី បង្កើតគេហទំព័រ ឬក៏សម្រាប់សាស្រ្តាចារ្យ ក្នុងការយកវាទៅធ្វើបទបង្ហាញដល់សិស្ស ឬក៏បង្កើតកម្មវិធី គេហទំព័រ បានផងដែរមិនថាលោកអ្នកកំពុងធ្វើដំណើរទៅកាន់ទីណាក៏ដោយ ។
សម្រាប់ច្បាប់ទី៤០ ចេញផ្សាយប្រចាំខែកក្កដា ឆ្នាំ២០១២ នេះខ្ញុំសូមលើកយកកម្មវិធីមួយដែលមានឈ្មោះថា Koder (http://www.koderapp.com/) ដែលជា code editor ដ៏ល្អមួយសម្រាប់ប្រើប្រាស់ជាមួយ iPad ក្នុងការសរសេរកូដផ្សេងៗដូចជា Php, Html/xHtml, Css, Javascript, XML, Ruby, SQL, Python, ColdFusion, ActionScript3, Perl, Java, JavaFX, C#,C++, Delphi, Visual Basic, Diff, Erlang, Groovy, Powershell, Latex, Scala, Shell) និងអាច upload ទៅកាន់ server ឬ desktop របស់លោកអ្នកតាមរយៈ FTP, iDisk, Dropbox ឬក៏ iTunes File Sharing ឬក៏លោកអ្នកអាចដំណើរការ និង ឃើញលទ្ធផលនៃ static scripts ទាំងនោះដោយផ្ទាល់នៅក្នុង iPad ដែលកំពុងប្រើបានផងដែរ ។
អ្វីខ្លះដែលលោកអ្នកត្រូវធ្វើ
១- សម្រាប់ script ឬ code ដែលជាប្រភេទ Application Server គឺតម្រូវមាន FTP server ដំឡើងលើ desktop ឬ server ណាមួយ ។ ក្រៅពី upload ឬ synchronize តាមរយៈ FTP protocol លោកអ្នកក៏អាច upload ទៅកាន់ desktop ឬ server តាមរយៈ iTunes file sharing, iDisk ឬក៏ Dropbox ។
២- សម្រាប់ច្បាប់ទី៤០នេះខ្ញុំបង្ហាញពីការសរសេរកូដ PHP នៅក្នុង iPad ដោយការប្រើកម្មវិធី Koder ។ កម្មវិធីនេះគឺគ្រាន់តែជា Editor មួយដែលបានស្គាល់នូវ Keywords ឬ syntax សម្រាប់ភាសាសរសេរកម្មវិធី ឬ scripts ជាច្រើនដូចបង្ហាញខាងលើ ដោយវាមិនអាច compile ឬ គ្មានមុខងារជា web server នោះទេ ដូច្នេះតម្រូវឲ្យលោកអ្នកដំឡើងកម្មវិធី WampServer, MAMP, XAMPP ឬក៏ Apache និង PHP compiler ទៅកាន់ desktop ឬ server ដែលបានដំឡើង FTP Server ។
កំណត់សំគាល់: សម្រាប់ការសិក្សាលម្អិតពីការបង្កើតគេហទំព័រប្រភេទ dynamic ដោយប្រើប្រាស់ PHP និង MySQL សូមស្វែងរកការសួរព័ត៌មាន និង ចុះឈ្មោះ នៅទស្សនាវដ្ដីអាន-ANT ។
៣- នៅក្នុង iPad របស់លោកអ្នកត្រូវធ្វើការដំឡើងកម្មវិធី Koder ដែលអាចទិញ និង ដំឡើងតាមរយៈកម្មវិធី App Store ឬក៏តាមរយៈកម្មវិធី Installous ។
កំណត់សំគាល់: សម្រាប់ការទទួលបានកម្មវិធីនេះលោកអ្នកអាចទាក់ទងមកកាន់ការិយាល័យព័ត៌មានរបស់ទស្សនាវដ្ដីអាន-ANT ក្នុងម៉ោងការងារ ។
ការអនុវត្តន៍សរសេរ PHP Script ក្នុង Koder
១-បង្កើត folder ឬ project
ដើម្បីបង្កើត folder, project ឬក៏ file សូមចុចដូចបង្ហាញក្នុងលេខ១ បន្ទាប់មកចុចលើពាក្យ New Project….
២-បំពេញព័ត៌មាន FTP Server ដើម្បី upload code
ដាក់ឈ្មោះ Project Name បំពេញ IP address ឬក៏ ឈ្មោះ server របស់ desktop ឬ server ដែលបានដំឡើង FTP server ។ បំពេញ Username និង Password ដែលមានសិទ្ធិចូលទៅកាន់ FTP server ឲ្យបានត្រឹមត្រូវ ។ បំពេញ IP address ឬក៏ឈ្មោះ server ទៅកាន់ប្រអប់ URL ។ ជាធម្មតា 21 គឺជាលេខ port សម្រាប់ FTP ប៉ុន្តែអាចផ្លាស់ប្ដូរទៅតាមភាពជាក់ស្ដែងនៃលេខ port របស់ FTP Server លោកអ្នក ។
៣- ចុចលើឈ្មោះ project ដើម្បី load files ពី server
ទាំងនេះជា files ដែលបាន load ពី server យើងអាចសរសេរកូដ PHP បានក្នុងពេលនេះ
នេះជាការ preview លទ្ធផលកូដ PHP នៅលើ iPad
៤- បង្កើត file ថ្មី
ដើម្បីបង្កើត folder, project ឬក៏ file សូមចុចដូចបង្ហាញក្នុងលេខ១ បន្ទាប់មកចុចលើពាក្យ New Project…. ឬ New Folder ឬ New File
រួចដាក់ឈ្មោះ file ដែលលោកអ្នកចង់បង្កើត ។
៥- ការងារគ្រប់គ្រង file ឬ folder
យើងអាចលប់ កែឈ្មោះ ថតចម្លង ឬ ផ្លាស់ប្ដូរទីតាំង file ដោយគ្រាន់តែ យកម្រាមដៃអូសពីឆ្វេងទៅស្ដាំលើ file ដូចទិសដៅសញ្ញាព្រួញបង្ហាញក្នុងរូបភាព រួចចុចលើពាក្យ Manage យើងនឹងបានដូចរូបខាងក្រោម ។
*** ដកស្រង់ចេញពីទស្សនាវដ្ដីអាន-ANT ច្បាប់ទី៤០សម្រាប់ខែកក្កដា ឆ្នាំ២០១២
*** Software និងវីឌីអូសម្រាប់ការអនុវត្ដន៍ ជាច្រើនទៀតមានក្នុងស៊ីឌីទស្សនាវដ្ដីអាន-ANT
មតិ និងយោបល់ទៅលើអត្ថបទនេះ (តាម Facebook)
ខាងក្រោមនេះជាយោបល់ផ្សេងៗរបស់អ្នកទស្សនា