For Android device For iOS device
២០
មិថុនា

របៀប​ភ្ជាប់​ពី​កុំព្យូទ័រ​ទៅនឹងទូរទស្សន៍

នៅ​ក្នុង​ចំណុច​នេះយើងនឹងលើកយកពីការ​ភ្ជាប់​ពី​កុំព្យូទ័រ​ទៅនឹងទូរទស្សន៍ដោយ​ប្រើ​ខ្សែ VGA​ទៅកាន់ VGA, HDMI ទៅកាន់ VGAនិងHDMI​ទៅកាន់ HDMI ។
ចុច Like Page https://www.facebook.com/ANTTraining/  ដើម្បី​ទទួលបាន​ព័ត៌មាន​ថ្មីៗ​ទាក់ទងនឹង​បច្ចេកវិទ្យា​
យើងដឹងហើយថា​កុំព្យូទ័រ​គឺជាម៉ាស៊ីន Electronic មួយ​ដែល​មាន​សមត្ថភាព​ខ្ពស់​ក្នុង​ប្រើ​ប្រាស់​សម្រាប់​ធ្វើការ​គណនា និង ធ្វើ​ការងារ​ផ្សេង ៗ​ទៀតបាន​យ៉ាង​ឆាប់​រហ័ស តែវា​ក៏​អាចចាក់​ចម្រៀង និង មើល​វីឌីអូ​បាន​ទៀតផង ដោយសារ​កុំព្យូទ័រ​មួយចំនួនមាន​ទំហំ​អេក្រង់​តូច ដូចនេះអ្នកពិបាក​ក្នុង​ការមើលរឿង ឬ ខារ៉ាអូខេផ្សេងៗ ។ ក្នុង​លេខនេះយើងនឹងលើកយកពីរបៀប​ភ្ជាប់​ពី​កុំព្យូទ័រ​យួរដៃ​ទៅកាន់​ទូរទស្សន៍​ប្រភេទ​LCD និង LED ដើម្បី​ងាយស្រួល​ក្នុង​ការមើលរឿង ឬ ខារ៉ាអូខេផ្សេងៗ ។

អ្វីទៅជា Port HDMI?

HDMI ​មកពី​ពាក្យ High Definition Multimedia Interface ​ដែល​មាននាទី​សម្រាប់​ធ្វើការ​បញ្ចូល​បានទាំង​វីឌីអូ និង សំឡេង​ទៅជាមួយ​គ្នា​នៅ​ក្នុង​ខ្សែ HDMI នេះតែមួយ ។ ខាងក្រោម​នេះជារូបរបស់ Connector HDMI ​ដែល​ប្រើ​សម្រាប់​ធ្វើការ​ភ្ជាប់​ពី Laptop ​ទៅកាន់ LCD LED ហើយជា​បច្ចេកវិទ្យា​ថ្មីមួយដែរ​សម្រាប់​ការ​បញ្ចូន Signal Graphic របស់​រូបភាព សំឡេង និង វីឌីអូ ។

Connector HDMI

​ឧបករណ៍​សម្រាប់​ភ្ជាប់​ពី​កុំព្យូទ័រ​ទៅកាន់​ទូរទស្សន៍

​ក្នុង​ការ​ភ្ជាប់​ពី​កុំព្យូទ័រ​ទៅកាន់​ទូរទស្សន៍យើងអាច​ប្រើ​ឧបករណ៍​ដូច​ខាងក្រោម ៖

- VGA ទៅកាន់ VGA៖ សម្រាប់​ធ្វើការ​ភ្ជាប់​ពីរន្ធVGA របស់ កុំព្យូទ័រ​ទៅកាន់​រន្ធVGA របស់ទូរទស្សន៍

ដោយ​ប្រើ​ខ្សែ VGA

- HDMI ទៅកាន់ HDMI៖ សម្រាប់​ធ្វើការ​ភ្ជាប់​ពី PortHDMI របស់ កុំព្យូទ័រ​ទៅកាន់ Port HDMI របស់ទូរទស្សន៍ហើយ Port នេះតែចំពោះទូរទស្សន៍​ប្រភេទ LCD និង LED ជំនាន់​ថ្មីតែប៉ុណ្ណោះ ។

​ប្រើ​ខ្សែ HDMI

- HDMI ទៅកាន់ VGA ឬ VGA ទៅកាន់ HDMI សម្រាប់​ធ្វើការ​ភ្ជាប់​ពី Port HDMI របស់ កុំព្យូទ័រ​ទៅកាន់ Port VGA របស់ទូរទស្សន៍ ឬ​ពី Port VGA របស់​កុំព្យូទ័រ​ទៅកាន់ Port HDMI របស់ទូរទស្សន៍ ។

 

ការ​បញ្ចូន​រូបភាព​ពី​កុំព្យូទ័រ​ទៅទូរទស្សន៍

​ក្នុង​ការ​ភ្ជាប់​ពី​កុំព្យូទ័រ​ទៅកាន់​ទូរទស្សន៍យើងត្រូវ​ធ្វើការ Connect ដោយ​ប្រើ​ 

 - Function Key ជា F1 ឬ F3 ទៅតាម​ម៉ាកម៉ាស៊ីន

 - ចុច KeyWindows +P ដើម្បី​ធ្វើការ Connect ។

 

រូប​ខាងលើ​នេះ​សម្រាប់​ធ្វើការ​បញ្ចូន​ពី​កុំព្យូទ័រ​ទៅកាន់​ទូរទស្សន៍

- Computer Only មានន័យថា​សម្រាប់​តែ​ភ្ជាប់​តែ​កុំព្យូទ័រ​តែមួយ ។

- Duplicate មានន័យថា​សម្រាប់​បង្ហាញ​ធ្វើការ​ឲ្យ Laptop របស់អ្នក​ឲ្យ​ធ្វើការ​បង្ហាញ​រូបភាព​ដូចទៅនឹងទូរទស្សន៍

- Extend មានន័យថា​សម្រាប់​បង្ហាញ​ធ្វើការ​ឲ្យ Laptop របស់អ្នក​ឲ្យ Screen ទាំងពីរ​ខុស​គ្នា​ទូរទស្សន៍ (ទូរទស្សន៍​បង្ហាញ​ផ្សេងហើយ Laptop របស់អ្នក​បង្ហាញ​ផ្សេង)

- Projector Only បង្ហាញ​ទូរទស្សន៍តែម្ខាង ។

 ដកស្រង់ចេញពី​ទស្សនាវដ្ដី​អាន-ANT ច្បាប់​ទី៣៥ សម្រាប់​ខែ​កុម្ភៈ ឆ្នាំ​២០១២

 

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា