អាស៊ីដហ្វូលិក សំខាន់យ៉ាងណា ?

ជាទូទៅ យើងមិនសូវខ្វះវីតាមីន A,C,E ព្រោះបានពីបន្លែ និងផ្លែឈើដែលបរិភោគ ប៉ុន្តែអាស៊ីដហ្វូលិក (Folic Acid) ក៏មានសារសំខាន់ដែរ សម្រាប់ទ្រទ្រង់រាងកាយ ដែលបញ្ហានេះ សមាគមម្ហូបអាហារ នៅប្រទេសអាល្លឺម៉ង់ បានណែនាំអោយបរិភោគ យ៉ាងតិចបំផុតមួយថ្ងៃ ៤០០មីក្រូក្រាម ព្រោះប្រសិនបើរាងកាយ ខ្វះអាស៊ីដហ្វូលិក រយៈពេលយូរ អាចប្រឈមនឹងជំងឺបេះដូង ជាពិសេស ស្រ្តីមានផ្ទៃពោះ វាបណ្តាលអោយប៉ះពាល់ដល់ទារកក្នុងផ្ទៃ ។អាស៊ីដហ្វូលិក មាននៅក្នុងក្រុមអាហារ វីតាមីន B ដូចជាបន្លែបៃតង ប៉េងប៉ោះ មើមបន្លែផ្សេងៗ ត្រសក់ ក្រូច នំប៉ុ័ងហូលវីត ថ្លើម ផលិតផលទឹកដោះគោ ស៊ុត ។ល។ ប៉ុន្តែ ដើម្បីកុំអោយអាហារបាត់បង់ អាស៊ីដហ្វូលិក ដោយកម្តៅ និងបរិយាកាស អ្នកជំនាញបានណែនាំ អោយបរិភោគបន្លែចម្រុះ យ៉ាងហោចណាស់ មួយថ្ងៃ ២-៣ចានតូច ហើយបន្លែ ក៏មិនគួរលាង ឬប្រើកម្តៅយូរពេកទេ គួរចំហុយ ជំនួសការស្ងោរ ៕

យោបល់ចំពោះអត្ថបទនេះ