ពិសា​ថ្នាំ​បំបាត់​ការ​ឈឺចាប់​ញឹកញាប់​ ប្រឈម​នឹង​ជំងឺលើសឈាម

តាម​ការ​ស្រាវជ្រាវ​នៃ​មហាវិទ្យាល័យ​ ហារ​វ៉ា​ដ​ កាលពី​ថ្មីៗ​នេះ​ ទៅ​លើ​បុរស​វ័យ​ចំណាស់​ ១៦.០០០​នាក់​ បង្ហាញ​ថា​ ថ្នាំ​បំបាត់​ការ​ឈឺចាប់​ដូច​ជា​ អាស្ពីរីន​,​ ប៉ា​រ៉ា​សេ​តា​ម៉ុ​ល​ អាច​បង្ក​ជា​ជំងឺ​សម្ពាធ​ឈាម​ខ្ពស់​ (​លើសឈាម​)​ បាន​ ។

​តាម​ការ​ចុះ​ផ្សាយ​របស់​ទស្សនាវដ្តី​ News​ បានអោយ​ដឹង​ថា​ បុរស​-​ស្ត្រី​ ដែល​ពិសា​ថ្នាំ​ បំបាត់​ការ​ឈឺចាប់​ ជា​ញឹកញាប់​ អស់​រយៈពេល​យូរ​ អាច​មានការ​ប្រឈម​នឹង​ជំងឺ​សម្ពាធ​ឈាម​ឡើង​ខ្ពស់​ (​លើសឈាម​)​ ដោយ​អ្នកឯកទេស​ បាន​សង្កេត​មើល​បុរស​ ដែល​ពិសារ​ថ្នាំ​បំបាត់​ការ​ឈឺចាប់​ រយៈពេល​ ៤​ឆ្នាំ​ ។

ដំបូង​ឡើយ​អ្នក​មក​សាកល្បង​វ័យ​ ៦៥​ឆ្នាំ​ ហើយ​ពុំ​មាន​ជំងឺលើសឈាម​ទេ​ ប៉ុន្តែ​ក្នុងអំឡុងពេល​ ៤​ឆ្នាំ​ក្រោយ​ បុរស​ស្ទើ​តែ​ ២.០០០​ នាក់​ បែរជា​មាន​ជំងឺលើសឈាម​ ដោយ​ក្នុង​ចំណោម​មនុស្ស​ទាំងនេះ​ អ្នកខ្លះ​ពិសា​ថ្នាំ​បំបាត់​ការ​ឈឺចាប់​ ៦​ថ្ងែ​ក្នុង​ ១​ស​ប្តា​ហ៍​ ។ ​ក្នុង​នោះ​ដែរ​ ការ​ពិសា​ថ្នាំ​ ប៉ា​រ៉ា​សេ​តា​ម៉ុ​ល​ នឹង​បង្កើន​ការ​ប្រឈម​នឹង​ជំងឺលើសឈាម​ ដល់​ទៅ​ ៣៤% ជា​ពិសេស​អ្នកជំងឺ​បេះដូង​ ដែល​ត្រូវ​ទទួលទាន​ថ្នាំ​អាស្ពីរីន​ ជា​ប្រចាំ​ដើម្បី​ការពារ​ជំងឺ​បេះដូង ។

យោបល់ចំពោះអត្ថបទនេះ