ថ្នាំក្លែងក្លាយពីអាស៊ី វាយលុកទីផ្សាអឺរុប

ថ្មីៗនេះ អ្នកតំណាងសហគមន៍អឺរ៉ុប បានធ្វើការដាស់តឿនប្រជាជន អឺរុប ស្តីពីបញ្ហាឱសថក្លែងក្លាយ ដែលរីករាលដាល ពីប្រទេសអាស៊ីអាគ្នេយ៍ និងទួរគឺ ។ការព្រមាននេះ ធ្វើឡើងបន្ទាប់ពីនាយកដ្ឋានគយ ពន្ឋដារអឺរ៉ុប បានរកឃើញឱសថក្លែងក្លាយ ដែលត្រូវបានហាមឃាត់ និងភេសជ្ផៈគ្រោះថ្នាក់ កាលពីឆ្នាំទៅមិញ ចំនួន ៧៥លានប្រភេទ ។ក្នុងចំនួនេះ មានចំណីអាហារច្រើនជាង ៥លានប្រភេទ និងភេសជ្ផៈ​ ប្រមាណ ៥០០.០០០ប្រភេទ ។

ប្រឈមមុខ នឹងបញ្ហានេះ សហគមន៍អឺរ៉ុប បានចាត់វិធានការយ៉ាងតឹងតែង រឹតបន្តឹងលើការនាំចូល ឱសថមកពីអឺរុប ជាពិសេស ថ្នាំវ៉ៃអាហ្រ្គា (Viagra) មានការក្លែងក្លាយច្រើនជាងគេបំផុត បន្ទាប់មក ថ្នាំព្យាបាលជំងឺមហារីក និងថ្នាំអង់ទីប៊ីយ៉ូទិក ៕

(ដកស្រង់ចេញពីទស្សនាវដ្ដី អង្គរធំ ច្បាប់ ១៥៧)

យោបល់ចំពោះអត្ថបទនេះ