ត្នោត និងគុណប្រយោជន៍ផ្នែកសុខភាព

ត្នោត ជាដើមឈើមួយប្រភេទ របស់កម្ពុជា ដែលមានគុណប្រយោជន៍ យ៉ាងខ្លាំង ចាប់តាំងពី ឬស ដើម ធាង ស្លឹក ផ្កា ផ្លែ ។ក្រៅពីផ្លែខ្ចី យកមកធ្វើបង្អែមយ៉ាងឆ្ងាញ់ពិសា និងផ្លែទុំ យកមកធ្វើនំ អាកោត្នោតយ៉ាងឆ្ងាញ់ ទឹកត្នោតយកមកធ្វើជាភេសជ្ផៈផ្អែម ជូរ និងរម្ងាស់ធ្វើស្ករត្នោត ហើយនោះ ឬសត្នោតមានរសជាតិផ្អែមត្រជាក់ យកមកដាំទឹកពិសា ជួយកែអាការក្តៅក្នុង គ្រុនក្តៅ និងរលាកក្រពេញ ទឹកមាត់ (Tonsiliបtis)បាន ។ អ្នកខ្លះ ប្រើជាថ្នាំប៉ូវកំលាំង ជួយបណ្តេញឈាម និងទម្លាក់ព្រូន ឬសត្វល្អិត បំបាត់គ្រុនក្តៅ ចេញស្អូច (Rebulla)លើកុមារ។ រីឯធាងត្នោត ប្រសិនបើធាងស្រស់ ត្រូវយកទៅអាំងភ្លើង ឬរោល ហើយពូតយកទឹកមកទទួលទាន កែអាការរាករូស ឈឺស្ពឹកស្រពន់ ។ចំពោះផ្កាត្នោត ដែលមានរសជាតិផ្អែមត្រជាក់ ប្រើសំរាប់កែគ្រុនក្តៅ បំបាត់ស្អូច ជួយទម្លាក់ព្រូន ។ចំពោះស្លឹកត្នោត បើលីងអោយលឿង ហើយបុករហូតក្លាយ ទៅជាម្សៅម៉ត់ផង អាចជក់ ឬបុរាណលោកថា អាចជួយកាត់បន្ថយសម្ពាធឈាម សម្រាប់អ្នកមានជំងឺលើសឈាម។

(ដកស្រង់ចេញពីទស្សនាវដ្ថី ច្បាប់ ១២៧)

យោបល់ចំពោះអត្ថបទនេះ