ទទួលទានបន្លែពណ៌បៃតង ធ្វើអោយសុខភាពមាំមួន
ក្រុមអ្នកជំនាញផ្នែកចំណីអាហារ ការណាដា បានណែនាំអោយប្រជាជន ទទួលទានបន្លែបៃតង អោយបានច្រើន ក្នុង១ថ្ងៃ ព្រោះវាជាអាហាចាំបាច់ ដើម្បីទ្រទ្រង់សុខភាពរឹងមាំ ។ បន្លែបៃតងដូចជា ផ្ទី ស្ពៃ ននោង អាចជួយអោយសុខភាព រឹងមាំ ភ្នែកមិនឆាប់ងងឹត នៅពេលឈានចូលវ័យចាស់ ។ ចំណែកស្ពៃក្តោប សណ្តែកបណ្តុះ ផ្កាខាត់ណា មានសាធាតុជីវសាស្ត្រ ប្រឆាំងនិងជំងឺមហារីក ។ បន្លែប្រភេទខ្លះ មានបេតាខារ៉ូទីន (Beta Carotene) កម្រិតខ្ពស់ ដែលជាសាធាតុប្រឆាំង នឹងអុកស៊ីតកម្ម ។ ជីវជាតិអាហារដ៏សំខាន់ បំផុតនៃបន្លែស្លឹកពណ៌បៃតង គឺអាស៊ីតហ្វូលិក (Folic Acid) , វីតាមីន B ដែលជា សាធាតុដ៏សំខាន់ ក្នុងការកាត់បន្តយផល ប៉ះពាល់ដល់ទារក ។ ហើយក៏ជួយអោយឆ្អឹងខ្នង និងខួរក្បាល ទារក លូតលាស់ល្អទៀតផង ។ ដូចនេះស្ត្រីមានផ្ទៃពោះ គួរទទួលទាន អាហារនេះអោយបានច្រើន ។ ត្រូវចងចាំថា បន្លែពណ៌បៃតងចាស់ ផ្តល់គុណប្រយោជន៌ល្អកាន់ តែច្រើនដល់សុខភាព ។