For Android device For iOS device

គូឆាយមានប្រយោជន៍ ទាំងផ្នែកអាហារ និងថ្នាំ្

គូឆាយជាបន្លែមានក្លិនក្រអូបឈ្ងុយ មានរសជាតិផ្អែមឆ្ងាញ់សម្បូរទៅដោយជាតិហ្វូសហ្វ័រ វីតាមីន C និងបេតាខែរ៉ូទីន ដែលអាចការពារជំងឺ មហារីកបានយ៉ាងល្អ ។ គេអាចប្រើវាធ្វើជាអាហារ និងឱសថក្នុងពេលតែមួយ ។តាមធម្មតា យើងឃើញគូឆាយមាន២ប្រភេទ គឺគូឆាយសំប៉ែត និងមូល។ ការពិតវាជាគូឆាយប្រភេទតែមួយ តែគូឆាយសំប៉ែត គឺជាស្លឹក និងគូឆាយមូល គឺជាផ្កាគូឆាយ។ គូឆាយជាឈ្មោះហៅតាមសំនៀងភាសាចិន តែវាត្រូវបានគេស្គាល់ ទូទាំងពិភពតាមរយៈ ឈ្មោះភាសាឡាំតាំងថា Allium Tuberosum Roxb និងមានឈ្មោះជាភាសាអង់គ្លេសថា Chinese chive ស្ថិតក្នុងអម្បូរ Allianceae ដូចខ្ទឹមក្រហម និងខ្ទឹមបារាំង (Onion)ដែរ ។

គុណសម្បតិ្តផ្នែកអាហារ

គូឆាយ អាចយកទៅធ្វើជាអាហារ ច្រើនប្រភេទ ដូចជាឆាផ្កាគូឆាយ ឬយកទៅធ្វើនំគូឆាយ ដែលប្រើស្លឹកសំប៉ែតៗ របស់វាជាដើម ។

នៅតាមបណ្តោយនៃ ស្លឹកពណ៌បៃតងស្រស់ របស់គូឆាយ សម្បូរទៅដោយកាល់ស្យូម និងហ្វូសហ្វ័រ ដែលជាសារធាតុសំខាន់ ជួយផលិត និងជួសជុលឆ្អឹងនៅតាមរាងកាយ។ វាក៏សម្បូរទៅដោយវីតាមីន B,C និងធាតុដែកដ៏​ មានប្រយោជន៍ផងដែរ។ ជាពិសេសវាមាន​ សារធាតុដ៏សំខាន់ ដែលរាងកាយត្រូវការដើម្បី ផលិតវីតាមីន A ៕

យោបល់ចំពោះអត្ថបទនេះ