ទទួលទានផ្លែឈើ ជួយសម្រកទម្ងន់

ការទទួលទានផ្លែឈើជាអាហារបន្ថែម ជួយអោយអ្នកទទួលទានអាហាររាល់ពេលបានតិច នឹងជួយអោយសម្រកទម្ងន់បាន រក្សារាងអោយស្វែលស្អាត ។ ​តាមការស្រាវជ្រាវ​នៅប្រទេស​ប្រស៊ីល បានសាកល្បងបែងចែកស្រ្តីជា ៣ក្រុម អាយុពី ៣០-៥០ឆ្នាំ ដោយអោយក្រុមនីមួយៗទទួលទានអាហារដូចៗគ្នា ប៉ុន្តែខុសគ្នាត្រង់អាហារបន្ថែម ។ ក្រុមទី១ ទទួលទានផ្លែប៉ោម ក្រុមទី២ ទទួលទានផ្លែប៉ែស ក្រុមទី៣ ទទួលទាននំធ្វើពីស្រូវអាវ័ន មានខ្លាញ់ទាប ក្រុមទាំង៣ ហាត់ប្រាណស្មើៗគ្នា ក្នុងកំឡុងពេល ៣ខែ លទ្ឋផលបង្ហាញថា ក្រុមដែលទទួលទានផ្លែប៉ោម និងផ្លែប៉ែស ទម្ងន់ខ្លួនបានថយចុះជិត ១,៣ គីឡូក្រាម ។ ចំណែកក្រុម​ដែលទទួលទាននំ ធ្វើពីម្សៅ បានថយទម្ងន់ខ្លួនតិចជាង ១គីឡូក្រាម​ ។

ហេតុផលគឺថា បន្លែផ្តល់ថាមពលទាប ប៉ុន្តែផ្តល់កាកសរសៃអាហារខ្ពស់ បានធ្វើអោយមានអារម្មណ៍ ឆ្អែតបានយូរជាង ដែលសមស្រប​សំរាប់អ្នកដែលចង់​បានរាងស្វែលស្អាត ។

យោបល់ចំពោះអត្ថបទនេះ