កែខ្លួនទាន់ពេល
លោកប្រធានក្រុមហ៊ុនម្នាក់ កំពុងដេកលក់ស្កប់ស្កល់ តែនៅសុខៗក៏មមើនិយាយចេញមកខ្លាំងៗ ម្នាក់ឯងឡើងថា៖
លោកប្រធាន៖ អូននៅក្មេង ហើយស្អាតខ្លាំងណាស់ ... បងស្រឡាញ់អូន! អូនគឺជីវិតរបស់បង ... បងនឹងលែងមីប្រពន្ឋ មុខកញ្ចាស់របស់បងនោះចេញ ដើម្បីមករួមរស់ជាមួយអូនវិញ ។
ភ្លាមៗនៅពេលលោកប្រធាន ភ្ញាក់ដឹងខ្លួនឡើងមក ឃើញប្រពន្ឋកំពុងងើបអង្គុយសម្លឹង មកកាន់លោកស្ទើរចង់ស៊ីសាច់ហ៊ុតឈាម ...។ ដោយដឹងច្បាស់ថា ខ្លួនប្រហែលមមើនិយាយរឿងរាវ កាលពីថ្ងៃ ហើយខ្លាចប្រពន្ឋប្រើ អំពើហឹង្សា គាត់ក៏ធ្វើពុតជាដេកលក់ទៅវិញ ។
មួយសន្ទះក៏ធ្វើជាមមើ និយាយចេញមកម្តងទៀត
លោកប្រធាន៖ ហ៊ឹះ! អូនឯងកុំចង់មកពង្វក់បងអោយសោះ! យ៉ាងណាក៏បង មិនក្បត់ប្រពន្ឋចាស់ របស់បងដាច់ខាត ។
ប្រពន្ឋលឺដូច្នេះញញឹម និយាយរអ៊ូតែម្នាក់ឯងឡើង៖
ប្រពន្ឋ៖ ល្អចេះកែខ្លួនទាន់ កុំអីច្បាស់ ជារឿងធំមិនខាន !