នរណា​ល្ងង់​ជាង​នរណា

ក្នុង​ខណៈ​ពេល​ដែល​បុរស​ប្រមឹក​ម្នាក់ កុំ​ពុង​អង្គុយ​ផឹកស្រា​នៅ​ក្នុង​ហាង​អាហារ​មួយ​កន្លែង ទូរទស្សន៍​ក៏​បាន​ចាក់​ផ្សាយ​រូបភាព​ព​ត៌​មាន​ពី​ស្ត្រី​ម្នាក់ កុំ​ពុង​ចង់​ធ្វើ​អត្តឃាត​លោត​ទម្លាក់​ខ្លួន​ពី​អាគារ​៥​ជាន់ ។​អ្នក​រត់​តុ ម្នាក់​ឃើញ​ដូច្នេះ​ក៏​បបួល​បុរស​ប្រមឹក​ភ្នា​ក់​គ្នា​ពី​ហេតុការណ៍​នេះ​ឡើង៖
អ្នក​រត់​តុ៖ ពូ​ហ៊ាន​ភ្នាល់​ជាមួយ​ខ្ញុំ​ទេ​ថា ស្ត្រី​ម្នាក់​នោះ​ហ៊ាន​លោត​ទម្លាក់​ពី​អាគារ​ដ៏​ខ្ពស់​នោះ​ទេ? ខ្ញុំ​ថា​ហ៊ាន បើ​ពូ​ចង់​ភ្នាល់​ខ្ញុំ​ដាក់ ៥​ដុល្លា ។​
បុរស​ប្រមឹក៖​ល្អ! ខ្ញុំ​ថា​មិន​ហ៊ាន​ទេ!​អឹ​ចឹ​ង​យល់ព្រម​ខ្ញុំ​ដាក់ ៥​ដុល្លា​ចុះ ។​
បន្ទាប់​មក​រូបភាព​ក្នុង​ទូរទស្សន៍​ស្ត្រី​ម្នាក់​នោះ​បាន​លោត​ចុះ​ពី​អគារ​ដ៏​ខ្ពស់​នោះ​ពិតមែន​។ បុរស​ប្រមឹក​ឃើញ​ថា​ខ្លួន​ចាញ់​ក៏​ដក​លុយ ៥​ដុល្លា​ពី​ហោប៉ៅ​ទៅ​អោយ​អ្នកបម្រើ​តុ ។​
អ្នក​រត់​តុ៖ សុំ​ទោស​ខ្ញុំ​មិន​យក​ទេ ព្រោះ​តាម​ពិត​ខ្ញុំ​បាន​មើល​ព​ត៌​មាន​នេះ​ម្តង ហើយ​កាលពី​ល្ងាច​មិ​ញ និង​ឃើញ​ថា​ស្ត្រី​ម្នាក់​នោះ​លោត​សម្លាប់​ខ្លួន​ចុះ​មក​មែន ។​
បុរស​ប្រមឹក៖​អត់​បាន​ទេ ត្រូវ​តែ​យក ព្រោះ​កាលពី​ល្ងាច​មិ​ញ ខ្ញុំ​ក៏​បាន​មើល​ព​ត៌​មាន​នេះ​ដូច​គ្នា​ដែរ ប៉ុន្តែ​ខ្ញុំ​មិន​នឹក​ស្មានថា ស្ត្រី​ម្នាក់​នេះ​ល្ងង់​ដល់​ថ្នាក់ លោត​សម្លាប់​ខ្លួន​ជា​លើក​ទី ២​ម្តងទៀត​ដូច្នេះ​សោះ ៕

យោបល់ចំពោះអត្ថបទនេះ