ហេតុអ្វីបានជាយើង​សិក្សា Algorithm និង Data Structure?

​នៅពេល​ដែល​យើងនិយាយអំពី​ដំណាក់​កាល ឬ​ជំហ៊ានតាមលំដាប់លំដោយនៃការដោះស្រាយ​បញ្ហា​នោះ​ត្រូវបាន​ហៅថា Algorithm ។ ចំណែក​ឯវិធីសាស្រ្តនៃការ​រៀបចំ​ទុកដាក់ និង​រក្សាទុក​ទិន្នន័យ ដើម្បី​ឲ្យ​មានភាព​ងាយស្រួល​ក្នុង​ការ​ប្រើ​ប្រាស់​ប្រកបដោយប្រ​សិទ្ធ​ិ​ភាពនៅ​ក្នុង​កុំព្យូទ័រ​គឺ​ត្រូវបាន​ហៅថា data structure ។

បណ្ដាសូហ្វវែរផ្សេងៗ​គឺត្រូវតែពឹងផ្អែកលើ data structure និង algorithm ដោយសារ data structures គឺ​ប្រើ​សម្រាប់​គ្រប់គ្រង data រីឯ algorithms ​ត្រូវបាន​ប្រើ​ប្រាស់​សម្រាប់​ដោះស្រាយ​បញ្ហា​ទៅលើ​ការ​គ្រប់គ្រង data ​ទាំងនោះ ។

មុខវិជ្ជា Data Structure និង Algorithm នឹង​ណែនាំ​ឲ្យ​អ្នក programmer ចេះក្បួនដោះស្រាយ​បញ្ហា​ច្បាស់លាស់ប្រកបដោយ​ស្តង់ដារ និងមានប្រ​សិទ្ធ​ិ​ភាព​ទៅតាម​បញ្ហា​នីមួយៗ ដោយសារ​មុខវិជ្ចានេះគឺនឹងបង្រៀនអ្នក​នូវ​វិទ្យាសាស្រ្តនៃការ​ជ្រើសរើស algorithm ​ណាមួយ​ប្រកបដោយប្រ​សិទ្ធ​ិ​ភាព​ទៅលើ​ការដោះស្រាយ​បញ្ហា​នៅ​ក្នុង​ការ​សរសេរ​កម្មវិធី ។