ឧសភា

ជីវ​ប្រវត្តិ​សង្ខេបរបស់ស្ថាបនិក​បង្កើត​ភាសា C++

​ក្នុង​យុគសម័យថ្មីនេះ មនុស្សរស់នៅពឹងផ្អែកលើ​បច្ចេកវិទ្យា​ស្ទើរតែ​ទាំងស្រុង ។ ស្របពេល​បច្ចេកវិទ្យា​មានភាពរីក​ចម្រើន ភាសា Programming បានដើរ​តួនាទី​យ៉ាង​ច្រើន​ក្នុង​ការជួយដល់មនុស្ស ក្នុង​ការបំពេញ​ការងារ​ណាមួយ ។ ជាក់ស្តែង ខណៈ ពេល ភាសា Programming ចេះតែជឿន​លឿន​ទៅៗ យើង​ក៏​មិនត្រូវភ្លេចពីស្ថាបនិកណាម្នាក់​ដែល​បាន​បង្កើត​ភាសា​ទាំងនោះ​ឡើងដែរ ។ យើងបានដឹង​រួចមកហើយ ពីស្ថាបនិក​ដែល​បាន​បង្កើត​ភាសា C ឡើងគឺ លោក Dinnis Ritchie ។ ថ្ងៃ​នេះ​ទស្សនាវដ្ដី​អាន-ANT សូមលើកយកអត្ថបទមួយទៀតនិយាយពី ជីវ​ប្រវត្តិ​សង្ខេបរបស់ស្ថាបនិក​បង្កើត​ភាសា C++ ឡើង ដើម្បី​ឲ្យ​បងប្អូន​ដែល​រៀនភាសា Programming ​ទាំងអស់​បានយល់ដឹងដូច​ខាងក្រោម ៖

♣  ​ប្រវត្តិ​ជើងខ្លាំងនៃស្ថាបនិក​បង្កើត​ភាសា C++

លោក Bjarne Stroustrup  គឺជាអ្នកវិទ្យាសាស្រ្ត​ផ្នែក​កុំព្យូទ័រ​ម្នាក់ ដែល​មានសញ្ញាតិដាណឺម៉ាក ។ គាត់កើតនៅ​ថ្ងៃ​ទី ៣០ ខែ ធ្នូ ឆ្នាំ ១៩៥០ នៅទីក្រុង Aarhus ​ប្រទេស ដាណឺម៉ាក ។ ហើយគាត់ទទួលបានសញ្ញាប័ត្រនៃបរិញ្ញាប័ត្រជាន់​ខ្ពស់​ផ្នែក​គណិតវិទ្យា​នៅ​សាកលវិទ្យាល័យ Aarhus ​ក្នុង​ឆ្នាំ ១៩៧៥ និងបរិញ្ញាប័ត្របណ្ឌិត​ផ្នែក​វិទ្យាសាស្ត្រ​កុំព្យូទ័រ​នៅ​សាកលវិទ្យាល័យ Cambridge ​ក្នុង​ឆ្នាំ ១៩៧៩ ។ គាត់គ៏ជាសាស្ត្រាចារ្យ​ផ្នែក​ស្រាវជ្រាវ​ដែល​ល្បី​ឈ្មោះ​ម្នាក់ស្ថិត​ក្នុង College of Engineering Chair ផ្នែក​វិទ្យាសាស្រ្ត​កុំព្យូទ័រ​ក្នុង​សាកលវិទ្យាល័យ Texas A&M ហើយ​ក៏​ជាសាស្រ្តាចារ្យម្នាក់នៅ Columbia University និង​ធ្វើការ​នៅ Morgan Stanley ​ផងដែរ ។ គាត់បានទទួលស្នាដៃកិត្តិយសជា​ច្រើន​រាប់​បញ្ចូល​ទាំងលោក Bjarne Stroustrup គឺជាអ្នកអភិវឌ្ឍដំបូងគេបង្អស់​ដែល​បានច្នៃប្រឌិត និងអភិវឌ្ឍភាសា C++ ឡើង ។ គាត់​ក៏​បាន​និពន្ធ​សៀវភៅ The C++ Programming Language ​ដែល​បកប្រែទៅជា ១៩ ភាសា ហើយវា​ក៏​ជាសៀវភៅមួយ​ដែល​គេចូលចិត្តអាន​ផងដែរ ។ គាត់បានទទួលស្នាដៃកិត្តិយសជា​ច្រើន​រាប់​បញ្ចូល​ទាំងអាហារូបករណ៍ពី​សមាគម ACM (Association for Computing Machinery) និងវិទ្យាស្ថាន IEEE (Institute for Electrical and Electronics Engineers) ​នឹងត្រូវ​បានជ្រើសតាំងជាសមាជិកនៃ US National Academy of Engineering ( NAE ) ។ នៅ​ក្នុង​ឆ្នាំ ២០១៣ គាត់​ត្រូវបាន​ជ្រើសតាំងជា Electronic Design Hall of Fame

♣ កិត្តិយស និងស្នាដៃ

លោក Stroustrup បានទទួលបានពានរង្វាន់ពី​សមាគម ACM ​នូវ​ពានរង្វាន់ Grace Murray Hopper Award ​ក្នុង​ឆ្នាំ ១៩៩៣ , ពានរង្វាន់ពីវិទ្យាស្ថាន IEEE ​សម្រាប់ IEEE Computer Society Computer Entrepreneur Award ​ក្នុង​ឆ្នាំ ២០០៤, ពានរង្វាន់ពី Sigma Xi ​សម្រាប់ William Procter Prize for Scientific Achievement ​ក្នុង​ឆ្នាំ ២០០៥, ពានរង្វាន់ពី Dr. Dobb ​សម្រាប់ Excellence in Programming award ​ក្នុង​ឆ្នាំ ២០០៨, និងពាន់រង្វាន់ពី Aarhus University ​សម្រាប់ Rigmor og Carl Holst-Knudsens Videnskapspris ​ក្នុង​ឆ្នាំ ២០១០ ។ ក្នុង​ឆ្នាំ ២០១៥ លោកបាន​បង្កើត Fellow of the Computer History Museum ​សម្រាប់​ការកែច្នៃ និងអភិវឌ្ឍនៃភាសា C++ របស់លោក ។

♣  រូបថត​ខ្លះ​ៗ​របស់លោក Bjarne Stroustrup 

 

♣♣♣ រៀបរៀងអត្ថបទដោយ លោក អួន ហ៊ិនស៊ី

♣♣♣ ​វគ្គ​សិក្សា C/C++ Begining តម្លៃ ៥៩ដុល្លា រយៈពេល ៦០​ម៉ោង ចុចទីនេះ ដើម្បី​ចូល​ទៅកាន់​ Course Oultine http://training.antkh.com/c_cpp.aspx

♣♣♣ ស្នាដៃសិស្ស​ដែល​បាន​បញ្ចប់​វគ្គ សរសេរ​កម្មវិធី​កុំព្យូទ័រ​នៅអាន-ANT http://training.antkh.com/achievements/?c=programming

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា