For Android device For iOS device
២៦
មេសា

​បង្កើត​អក្សររត់ជាមួយ Sothing Javascript Web Scroller

កែ​សម្រួល​អត្ថបទឡើងវិញ ខែ មេសា ឆ្នាំ ២០១៦

Softhing Javascript Web Scroller ជា​កម្មវិធី​​ដែល​ប្រើ​ក្នុង​ការ​បង្កើត​អក្សរ និង ​រូបភាព​រត់​សម្រាប់​ដាក់​ក្នុង​គេហទំព័រ 

Softhing Javascript Web Scroller មាន​នូវ​ Template ជា​ច្រើន ប៉ុន្ដែនៅ​ក្នុង​លេខនេះយើងនឹងលើកយកតែ Template មួយនោះទេមក​បង្កើត​អក្សររត់ ។

ការ​ជ្រើសរើស​ Template ​សម្រាប់​ធ្វើ​ឲ្យ​អក្សររត់

ក្រោយពីអ្នកបានបើក​កម្មវិធី​ខាងលើ​នេះរួចហើយ អ្នកអាច​ជ្រើសរើស​ Template ​សម្រាប់​បង្កើត​អក្សររត់​ដោយ​គ្រាន់តែ​ចុច​នៅលើ​រូបភាព​ដូច​ខាងក្រោម ៖

​បន្ទាប់មក​វានឹង​បង្ហាញ​ផ្ទាំង​មួយ​សម្រាប់​ឲ្យ​អ្នក​ជ្រើសរើស​ Template ជា​ច្រើន​

​បន្ទាប់មក​ជ្រើសយក New from templates → news scroller រួច ចុច OK ដូចរូប​ខាងក្រោម ៖

ការកែប្រែ​ទៅលើ​ option របស់ Template

​នៅពេល​ដែល​អ្នកបានចុច Button Ok រួចហើយ​វានឹង​បង្ហាញ​ផ្ទាំង​ថ្មីមួយទៀត ​ដែល​ផ្ដល់​ឲ្យ​អ្នកអាច ​ធ្វើការ​កែប្រែ​បន្ថែម​ច្រើន​ទៀតសូមមើលរូប​ខាងក្រោម ៖

បើយើង​ក្រឡេក​មើល​ទៅលើ​ Tab Item នោះអ្នកនឹងឃើញមាន options ជា​ច្រើន​ដូចជា ៖

· Text: ជាកន្លែង​សម្រាប់​ឲ្យ​អ្នកអាចវាយ​ព័ត៌មាន​អ្វីមួយចូល

· Bg color: គេ​ប្រើ​វា ដើម្បី​ដាក់ពណ៌ផ្ទៃខាងក្រោយរបស់អក្សរ

· Transparent: ​នៅពេល​អ្នកដាក់ធីក​នៅលើ​ Transparent នោះផ្ទៃខាងក្រោយរបស់​វានឹង​ផ្លាស់ប្តូរពណ៌

· Font mouse out: គេ​ប្រើ​វា ដើម្បី​តុបតែង​ឲ្យ​អក្សរ នៅពេល​គេយក mouse ចេញ

· Font mouse over: ចំពោះ​ចំណុច​នេះវិញគេ​ប្រើ​វា ដើម្បី​តុបតែង​ឲ្យ​អក្សរ នៅពេល​ដែល​យក mouse ដាក់ពីលើ

· Link: វាអាច​ឲ្យ​អ្នក​កំណត់​នៅ page ​ដែល​ត្រូវ Link ទៅ​នៅពេល​ចុច​នៅលើ​អក្សរ

ការ Publish កូដ

ក្រោយពេលបានកែប្រែរាល់ options ទាំងឡាយរួចហើយអ្នក ប្រាកដជាចង់យកវាមកដាក់​ក្នុង​គេហទំព័រ​របស់អ្នក ។ ដំបូងអ្នកត្រូវចុច Publish ដូចបាន​បង្ហាញ​ខាងក្រោម​៖

​បន្ទាប់មក​វានឹង​បង្ហាញ​ដូច​ខាងក្រោម​៖

នៅ​ក្នុង​ Publish method មាន​ជម្រើស​ពីរគឺ JS Only និង JS+CSS ចំពោះ​ចំណុច​នេះអ្នកគួររើសយក JS+CSS ​ព្រោះ​វានឹង​ផ្ដល់​កូដ Javascript និង CSS

​បន្ទាប់មក​នៅ​ក្នុង​ Web page folder យើងបាន​បង្កើត​ Folder ANT មួយ​ដែល​មានទីតាំង​នៅលើ​ Desktop ​សម្រាប់​ផ្ទុកទៅដោយ File Javascript, Images និង CSS ​បន្ទាប់មក​ទៀតនៅ​ផ្នែក​ខាងក្រោម​វានឹង​បង្ហាញ​ទីតាំងរបស់ File Javascript, Image និង CSS (ដូចរូប)

​បន្ទាប់មក​ត្រូវចុច Next ​វានឹង​បង្ហាញ​នៅ​ផ្ទាំង​មួយដូច​ខាងក្រោម ៖

ក្រោយមកអ្នកត្រូវ​បង្កើត​ HTML File មួយ (index.html) មានទីតាំងស្ថិតនៅ​ក្នុង​ Folder (ANT) ដើម្បី​ទទួលយកកូដ​ដែល​បាន Copy ​តាមរយៈ​រូប​ខាងលើ​

ចំពោះការ Copy កូដយើងមានពីរ​ផ្នែក​ដូចរូប​ខាងលើ ៖

​ផ្នែក​ទី១៖ អ្នកត្រូវចុច Button Copy All រួច paste កូដនេះដាក់នៅ​ក្នុង​ <head> របស់ (index.html)

​ផ្នែក​ទី២៖ អ្នក​គ្រាន់តែ​ចុច​នៅលើ​ Button Copy All ម្តងទៀតរួច paste កូដនេះដាក់នៅ ​ក្នុង​ផ្នែក​ណាមួយ​របស់ <body> ត្រង់ទីតាំង​ដែល​អ្នកចង់​បង្ហាញ​

​បន្ទាប់ពី​អ្នកបាន Copy កូដ​ទាំងពីរ​ផ្នែក​ខាងលើ​រួចហើយអ្នកអាចចុច Button Ok បន្ត ដើម្បី​ទទួលបានកូដ Javascript, Image និង CSS ​ទៅតាម​ការ​កំណត់​ទីតាំងពី​ខាងលើ ។

ក្រោយពេលអ្នកបានអនុវត្តតាមការ​ណែនាំ​ខាងលើ​រួចហើយអ្នកអាច​ដំណើរ​ការ​ File (index.html) វាជាមួយ Browser ដូច​ខាងក្រោម​៖

♦ ដកស្រង់ចេញពី​ទស្សនាវដ្ដី​អាន-ANT ច្បាប់​ទី ៤៥ ប្រចាំខែ ធ្នូ ឆ្នាំ ២០១២

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា